Mädeniet jäne sport ministri Arıstanbek Mwhamediwlı BNews.kzportalınıñ studiyasında ötkizgen onlayn konferenciya barısında Qazaq handığı turalı serial tüsiru jwmıstarı aynalasında tuındağan mäselelerge toqtaldı.

«Bıltır boljamdıq jospar qwrıp, aldımızğa on seriyalı telehikaya tüsiru maqsatın qoyğan edik. «Qazaqfil'm» kinostudiyasınıñ basşılığı 1 mlrd 120 mln teñgeniñ smetasın qwrıp, rejisser Rüstem Äbdiraşev, prodyuser Arman Asenov, scenariyst Smağwl Elubaev bastağan tüsirilim tobı osı jwmısqa kirisip ketti. Men, ärine, bwl şığarmaşılıq toptı jaqsı sıylaymın. Olar tüsirilim jwmıstarı bir pavil'onnıñ aynalasında, belgili bir ğimarattarda jüzege asatın, tarihi oqiğalarmen, monologtarmen süyemeldenetin jay ğana teleserial emes, auqımı äldeqayda keñ sapalı körkem fil'm tüsirgileri keledi. Mäselen, tüsirilim ayasında 500 jılqı paydalanıp, Sığanaq, Sarayşıq sındı tarihi qalalarda bolğan oqiğalardı tabiğat ayasında tüsirmekşi. Bwl degeniñiz ülken dekarociyanı qajet etetin auqımdı jwmıstar. Sonday-aq olar mwnday tarihi oqiğa (Qazaq handığınıñ 550 jıldığı – agent eskertp.) jılda bola bermeydi dep, sonıñ arqasında kez kelgen şığarmaşılıq twlğa tärizdi, öz esimderin, «qoltañbaların» tarihta qaldırğıları keledi. Ärine, men olardıñ nietin tolıq qoldaymın», – dedi Arıstanbek Mwhamediwlı.

Ministrdiñ aytuınşa, bastapqıda jobanı talqılau ayasında «Qazaq handığı qaşan qwrıldı?», «Kerey men Jänibekten keyin bolğan handar kim?» degen siyaqtı swraqtarğa jauap wsınatın tanımdıq oqu qwralı bolatınday derekti material tüsiru josparlanğan. Alayda şığarmaşılıq wjım bwl formattan şığıp, ülken körkem fil'm tüsirudi qalap otırğan körinedi. Biraq oğan jwmsalatın şığındardı jobağa bölingen qarjı qamti alar emes.

«Talqılau kezinde, dollarğa şaqqandağı jobanıñ 5 mln byudjeti olardıñ közdegen dekoraciyaların qwruğa, jarqın kostyumder tiguge, «massovkadağı» äskerdiñ sauıt-saymandarın äzirleuge jetpeytini aytılğan bolatın. Sondıqan olar qoğamnıñ kömegine jüginip, demeuşiler tartuğa bola ma degen wsınıs ayttı. Men, ärine, kelisim berdim. Sondıqtan, «Qazaq handığı turalı fil'm tüsiruge qarjı jetkiliksiz» degen mälimdemeleri oğan demeuşi tartu maqsatında jasalğan boluı kerek dep oylaymın. Jäne osı sätti paydalanu arqılı bwl mäselege qoğamnıñ nazarın audartıp, qauqarı jetetin qaltalı azamattardı kömekke şaqıramın. Biraq kez kelgen jağdayda «tırnaq astınan kir izdeytinder» tabıladı. Osı jağdaydı basqa bağıtqa bwrıp, iritki saludı közeytinderdiñ äreketi ökinişti, ärine», – dep tüsindirdi vedomstvo basşısı tarihi serial aynalasında tuındağan mäseleniñ män-jayın.

Ministrdiñ ayuınşa, «masqara, tüsirilim jwmıstarı toqtap qalıptı» dep baybalam saluğa negiz joq. Tüsirilim tobı on seriyanıñ beseuin biıl tüsiruge äzir.

Tipti, «Qazaqfil'm» irgesindegi bar dekoraciyanı paydalanıp, on seriyanı da tüsirip tastauğa dayın. Biraq bwl jerde közdep otırğan maqsat äldeqayda joğarı. Jäne sol maqsatqa qol jetkizu üşin işki rezervterden qarjı qarastırıp, demeuşi izdeu jwmısına ministrdiñ özi de aralasıp ketken eken.

«Qazir olardıñ wsınğan jaña smetası boyınşa qosımşa 1 mlrd 125 mln teñge qajet. YAğni, soma bölingen qarjıdan eki ese artıq. Bılay alıp qarasa, «masqara!» deytindey ülken qarjı da emes. Qazir mäsele jobanıñ janrına qatıstı tuındap otır: jay teleserial tüsiru nemese auqımdı birneşe bölimdi körkem fil'm tüsiru. Jobağa barşa Qazaqstan qoğamı atsalıssa deymiz. Bwl joba halıqtıq jobağa aynaluı tiis. Men öz basım tüsirilimge dayındıq jwmıstarına qatıstım. Bwyırsa, tüsirilim qırküyek ayında bastaladı dep otırmız. Şığarmaşılıq top 15 jeltoqsanğa deyin joğarı sapalı körkem fil'm janrında 5 seriya nemese televiziyalıq nwsqadağı 10 seriyasın tolıq ayaqtauğa dayın. Bwl endi qosımşa tabılğan qarjı kölemine baylanıstı boladı», – dedi Mwhamediwlı.

Vedomtsvo basşısınıñ aytuınşa, aynalasında şu tuğan 10 seriyalı kinoönim Qazaq handığı turalı bayandaytın auqımdı jobanıñ alğaşqı qadamı ğana.

Eger tuındı körermenniñ arasında swranıs tudırsa, Qazaq handığı turadı tarihi jeli aldağı jıldarı da jalğasın tabuı mümkin.

bnews.kz