Twlğalar Qazaq handığına 550 jıl
Zuqa batır Säbitwlınıñ 150 jıldıq mereytoyına arnalğan eske alu şaraları 11 memlekette ötedi
kerey.kz
Bwl turalı «Zuqa Säbitwlınıñ 150 jıldığın wyımdastıru alqası» habarladı. Astanada ötetin şaralarğa Türkiya ükimetinen, Stambwl, Ankara qalalalarınıñ äkimdikterinen, TürkiSoydan jäne basqada onnan astam şetelden delegaciya keletini belgili boldı.
Mereytoyğa dayındıq barısı joğarı deñgeyde ötip jatır. Bügin, 2016 jıldıñ 5-aqpanda Astana qalasında ötetin bir bölim şaralardıñ, atap aytqanda bir ğılmi konferenciya men Alaş ardaqtısına arnalğan «auız aşardıñ» ornı men uaqıtı belgilendi. Wyımdastıru alqasınıñ törağası Ömirhan Altın öziniñ Qazaqstan Wlttıq Arasına bergen swhbatında: « 2016 jılı qazaq tarihında eleuli jıl bolmaq. Atap aytqanda, Täuelsizdigimizdiñ 25 jıldığı, sonımen qatar Alaştıñ ardaqtı wldarı Zuqa Säbitwlı men ÄLIHAN Bökeyhanwlınıñ 150 jıldığı qatar kelip otır, bwl datalar halıqaralıq deñgeyde atap ötiledi» – dedi.
Evraziya wlttıq universitetiniñ prorektorı, Alaştanuşı ğalım Dihan Qamzabek ağamız öz kezeginde wlı twlğağa arnalğan şara Evraziya wlttıq universitetinde de joğarı deñgeyde atap ötiletinin, atap aytqanda 2016 jılı 14 mausıda ENU-de «Zuqa Säbit wlınıñ ömiri men küresi» attı ğılmi konferenciya ötetinin ayttı.
«Äziret Swltan meşitiniñ» naib imamı Minuarov Quat Erğaliwlımen kezdesude, 16 mausımğa josparlanğan Zuqa sındı din qayratkerine, wlt küreskeriniñ aruağına arnap auız aşar jasap, hatım tüsiruge kelisimin berdi äri qoldauğa dayın ekenin bildirdi.
«Qazaqstan Wlttıq arnasınıñ» orınbasar direktorı Qaynar Oljay ağamız Zuqa jäne önıñ ömiri turalı jaqsı biletinin, Zuqa turalı eki tarihi romandı oqıp şıqqanın tilge tiek etip, kezkelgen kezde qoldauğa dayın otır.
Är orındarda ötken kezdesuler kezinde öte joğarı deñgeyde qoldau tauıp otırdı. Eks depttatar, «Aq jol» partiyasınıñ basşıları Azat Pervaşev pen Nwrlan Jazılbekov, Astana äkimdigi, Respublikalıq Ardagerler Qauımdastığınıñ törağası Ömirwzaq Ozğanbaev, Ğalım Ğarifola Esim, Halıqaralıq Şıñğıshan akademiyasınıñ akademigi Jädi Şäken, Ğalım Twrsınhan Zäken, Qoğam qayratkeri Uzben Qwrmanbay, ğalım Sayd Zahan, Nazarbaev Universitetiniñ Til böliminiñ meñgeruşisi Gültas Qwrmanbay, halıq därigeri Qayrat Aydarhan, aqın, jurnalist Ahmetwlı Beysen, Baqıtbol Berimbay qatarlı zyalı qauım jan-jaqtılı qoldau körsetinderin jetikizip, jwmıs bastap ketti.
Din qayratkerinen sayasi küreskerge aynalğan Zuqa Säbitwlı Şığıs Qazaqstan öñirinde tuılıp, Altay topırağındağı wlt azattıq küresiniñ basşısına aynaldı. 1929 jılı jeltoqsanda qıtay ükimeti tarapınan qastandıqqa wşırap, bası alınıp, şäyit bldı. Öz kezinde, yağni keñes odağınıñ qwrılu qarsañındağı wlt azattıq küresi Altaydağı wlt azattıq küresimen tığız qabısıp jattı. Keñes Odağınan quğın-sürginge wşırap, soğıs pen aşarşılıqtan qaşqan köptegen azamattardıñ Zuqanı panalağanı belgili. Jetim-jesir, qorlıq körgenderdi qasınan tabılğan Zuqanıñ jeke armiyası bolğanın bireu bilse, bireu bile bermeydi. Sol kezdegi Şığıs Tüsrkistandağı Qıtaydıñ ükimet armiyasın birneşe ret jeñiliske wşırattı. Bwdan sırt 1921 jılı Altayğa basıp kirgen Aq Patşa genaralı Bakiçevtiñ de betin qaytarğanı turalı mälimetter men tarihi derekter jetkilikti. Osılayşa soñğı hanımız Kenesarı Qasımwlınan keyin Zuqa Säbitwlı da qazaqtıñ azattığı jolında bası alınğan twlğanıñ biri bolıp tarihqa qaldı.
Mine Alaştıñ ardaqtısı Älihan Bökeyhanwlımen birge Zwqa Säbitwlınıñ tuılğanına da 150 jıl toldı. Täuelsizdik jolındağı kürestiñ barısı jäylı jäne qazağımızdıñ qilı da qiın tağdırı turalı, Täuelsizdiktiñ qadır-qasieti twralı aqiqattı wrpaqtarğa jetkizu – eldigimizge artılğan mindet. Wlılarımızdı wlıqtap, wlt bolaşağı üşin küresu Mäñgilik El bolu üşin mäñgilik özekti taqırıp.
Barlığımızdı Alla jarılqasın, Payğamparımızdıñ şapağatı tisin, ata-baba aruağı qoldasın!
Ahmetwlı Beysen
Astanadan arnayı kerey.kz üşin.
Pikir qaldıru