2016 jılğı 14 qañtarda Qazaqstan respublikasınıñ Prezidenti N.Ä.Nazarbaev Qazaqstan halqı Assamdleyasınıñ qwrılğan küni 1 naurızdı elimizde Alğıs aytu küni dep jariyalap, № 173 Jarlıqqa qol qoyğan bolatın.

Alğıs aytu küni – bwl, eñ aldımen elimizde tınıştıq pen ündestik, özara senimdilik pen barlıq qazaqstandıqtarğa degen qwrmettiñ ornığuına negiz bolğan Prezidenttiñ beybitşilik pen kelisim sayasatınıñ saltanatı küni. Bwl – tağdır tälkegimen Qazaqstan jerine eriksiz qonıs audarğan türli etnostardıñ milliondağan ökilderiniñ qwttı qonısına aynalğan qasietti qazaq jeri men qonaqjay qazaq halqına tereñ tağzımnıñ belgisi. Qazaq halqı qiın-qıstau zamanda olardıñ basına tüsken auırtpalıqtı qayıspay birge kötere bildi, bwl bügingi tañda elimizdegi türli wlt ökilderiniñ arasındağı adamgerşilik qarım-qatınastıñ önegeli ölşemine aynaldı.

Alğıs aytu küni – kürdeli zamanda iıq tirese birge eñserip, qısqa merzim işinde Elbasınıñ basşılığımen Täuelsiz Qazaqstandı qwru jolında ayanbay ter tökken elimizdiñ barlıq azamatttarınıñ bir-birine qwrmet bildiretin kün.

Prezident Alğıs aytu küni turalı: «Qazaqstan halqı assambleyası qwrılğan kün – 1 naurızdı jıl sayın Barlıq etnostardıñ bir birine jäne meyirbandıq tanıtıp, ol adamdardı öz tuğanınday qabıldağan qazaqtarğa alğıs aytu küni retinde atap ötu ädiletti bolar edi. Ol kün bizdi bwrınğıdan da göri jaqındastıra tüspek. Bwl kün meyirimdiliktiñ, bükil qazaqstandıqtardıñ bir birine degen dostığı men mahabbatınıñ jarqın merekesi bola alar edi», – degen bolatın.

Osı kün tağdır toğıstırğan Qazaqstannıñ köpetnostı halqınıñ ortaq tarihın qwrmetteu küni boladı. Alğıs aytu küni – qayırımdılıq dästürlerin, äleumettik ıntımaqtı jäne özara kömek körsetudi qoldau küni. Bwl – repressiya men jer audaru jıldarında bizdiñ halıq körsetken meyrimdilik pen aq köñildik, qolda barmen bölisu, kömek körsetu sındı ruhani dästürler küni.

Alğıs aytu küni qazaqstandıq patriotizmniñ, dostıq pen birligimizdiñ, mädeni sanaluandığımızdıñ jarqın küni, sebebi Elbası 100-den asa etnostıñ ärqaysısı öziniñ qaytalanbas örnegin saluınıñ nätijesinde bizdiñ Birtwtas Wltımız biregey artıqşılıqtar iesine aynalğanın atap ötken edi.

Alğıs aytu küni – Qazaqstan halqın mäñgilikke biriktiruge bağıttalğan «Mäñgilik El» jalpıwlttıq patriottıq ideyasınıñ, qazaqstandıq biregeyliktiñ negizgi arqauı – elimizdegi barlıq wlt pen wlıstı bir şañıraq astına toptastıratın Qazaqstan halqı Assambleyasınıñ küni.

el.kz ğı