Talğat Mamaşev pen Ğalım Mwtanovtıñ nazarına! Sizder ruhani meşeu adamdı qoldaysızdar ma?
kerey.kz
Äl-Farabi atındağı QazWU-dıñ rektorı Ğalım Mwtanovqa
Düniejüzi qazaqtarı qauımdastığı törağasınıñ birinşi orınbasarı Talğat Mamaşevke
Keşe ğana Elbasınıñ tikeley tapsırmasımen, külli Qazaqstan halqınıñ qoldauımen elimizde «Alğıs aytu küni» toylanğanı barşamızğa belgili. Alayda däl osı merekeniñ qarsañında “jer astınan jik şıqtı, eki qwlağı tik şıqtı”. Bwğan deyin Talğat Mamaşev mırza, öziñiz basqarıp otırğan qauımdastıqtıñ ğılımi bölimin basqarğan, Ğalım Mwtanov mırza, sizdiñ qol astıñızda isteytin bildey bir doktordıñ el arasına jik saluın qalay tüsinuge boladı?
Bir kezde Düniejüzi qazaqtar qauımdastığında qızmet atqarıp, şetten kelgen qandastarımızdıñ jay-küyine qanıqqan Gülnar Meñdiqwlovanıñ aytıp otırğan sözi mınau. Sonda ol kisiniñ diasporada istey jürip, Atajwrtın añsap kelgen qandastarımızdıñ jan-düniesin tüsine almağanı ma? Älde sizderde mamandar osılay jetile me?
Elimizdiñ betke wstar bilim ordasında, Qazaq biliminiñ qara şañırağında Gülnar sekildi ruhani sauatsız, el mwñına, qandastıñ jan-düniesine meşeulikpen qaraytın mamannıñ qızmet atqaruı qalay? Älde sizderdiñ qaramaqtarıñızda qızmet atqaratın doktor, professorlardıñ wlt jaylı ne dep jatqanı mañızdı emes pe? «Esikten ergenşek ketse, itten wyat ketedi» deydi qazaq. Äzir bügin qazaqtıñ esiginen ergenşek kete qoyğan joq edi ğoy…
Qwrmetti el nazarında jürgen ağalar, el işine iritki salıp, az qazaqtıñ ara jigin ajıratıp otırğan Gülnar Meñdiqwlova hanımnıñ sözine sizder jauap beresizder me, älde “oralmantanuşı” apayımız özi köpşilikten keşirim swray ma? Birdiñ kesiri mıñğa timesin deseñizder, bwnday bassızdıqqa jol bergen tarihşı hanımdı jauapgerşilikke tartqandarıñız jön bolar. Älde sizder memlekettik tildi mensinbeytin, qazaqtı öz ara qırqıstıruğa qwştar, ruhani meşeu adamdı qoldaysızdar ma?
Ata jwrtqa alıstağı ağayınnıñ basın biriktiru Elbası – Nwrswltan Äbişwlınıñ tikeley bastaması, sol kisiniñ arnayı tapsırması ekenin jaqsı bilesizder. Al öz kezeginde Nwrswltan Nazarbaev şetten kim kelse de qwşaq jaya qarsı aludı maqsat twttı. “Atajwrtım şaqırdı, aştı esigin” dep añqıldap jetken ağayınnıñ ayağınan şaludı Gülnar sekildi “şala molla dinbwzarlarğa” tapsırdıñızdar ma?
Qalay degenmen de, Prezidentimizdiñ tikeley tapsırmasımen, qoldauımen Qazaq eliniñ ketigin bütindep, kemtigin toltıru üşin şetten kelip jatqan qandastarımızdı közge şıqqan süyeldey körudi toqtatatın uaqıt boldı. Bwnı siz bop, biz bop qolğa almasaq, basqa eşkim de istemesi anıq.
Endeşe, el sıylağan jaqsı ağalar, Gülnar Meñdiqwlovanıñ köpşilikten keşirim swrauın talap etemin!
Gülnar Meñdiqwlovanıñ kim ekenin bilgileriñiz kelse onıñ şınımen ne istegen adam ekenin taldap jazğan Jädi Şäkenwlınıñ maqalasın osı jerden oqularıñızğa boladı. Al biz şala bülinip, joqtan özgege attandap otır dep oylasañızdar, Gülnar hanımnıñ “Karavanğa” bergen swqbatınıñ qısqaşa mazmwnını mına jerden oqularıñızğa boladı.
“Qazaq üni” aqparattıq portalınıñ Bas redaktorı Erjan Jaubay.
qazaquni.kz
Pikir qaldıru