Nwrswltan Nazarbaev-”Jer üşin şınımen janı auıratındardıñ bäri öz sözin aytuı kerek”– dedi .
Ortalıq memlekettik organdardıñ basşıları, oblıstardıñ jäne Astana men Almatı qalalarınıñ äkimderi qatısqan keñeste eldiñ 4 aydağı äleumettik-ekonomikalıq damu qorıtındıları, negizgi memlekettik bağdarlamalardı öñirlerde jüzege asıru mäseleleri, Täuelsizdiktiñ 25 jıldığın merekeleuge dayındıq barısı talqılandı.
Memleket basşısı ekonomikadağı qiındıqtarğa qaramastan, eldiñ öñdeuşi önerkäsibinde ösim bayqalıp otırğanın, auıl şaruaşılığında kölem 2,6%-ğa, kölik salasında 4%-dan asa, qwrılısta 6,5%-ğa wlğayğanın atap ötti.
– Eldiñ toğız öñirinde öndiris köleminiñ ösimi qamtamasız etildi. Bıltır investiciyalar industriyalandıru bağdarlamasınıñ basımdığı bar salalarında, sonıñ işinde maşina jasau öndirisinde 7 esege, tamaq önerkäsibinde 30%-ğa, mwnay öñdeu önimderi öndirisinde 81%-ğa östi. Bwl – atalğan salalarğa tikeley şetel qarajatın saludıñ nätijesi. Jalpı, negizgi kapitalğa salınatın investiciyalar el boyınşa 15%-ğa arttı. Bwl investorlar tarapınan müddeliliktiñ saqtalıp otırğanın ayğaqtaytın körsetkiş, – dedi Qazaqstan Prezidenti.
Nwrswltan Nazarbaev egis nauqanı ayasında eldiñ auıl şaruaşılığı önimin öndiruşiler barlıq qajetti närsemen qamtamasız etilgenine, soğan baylanıstı bwl salada jaqsı nätijelerge ümit artuğa bolatınına nazar audardı.
Qazaqstan Prezidenti äleumettik saladağı oñ körsetkişterge de toqtaldı.
– Biz jwmıssızdıqtıñ artuına jol bermey, onıñ deñgeyin bwrınğı 5 payızdıñ deñgeyde saqtay aldıq. Byudjet tüsimderiniñ qısqarğanına qaramastan, men memlekettiñ barlıq äleumettik mindettemelerin orındauğa naqtı tapsırma berdim. Halıq twrmısınıñ tömendeuine jol beruge bolmaydı. Bwl – barlıq deñgeydegi memlekettik organdardıñ negizgi mindeti. Biz biıl byudjet salası qızmetkerleriniñ jalaqısın bilim beru salasında – 29%-ğa, densaulıq saqtau salasında – 28%-ğa, özge salalarda 40%-ğa köterdik. Studentterdiñ stipendiyaları, sonday-aq mügedektikke jäne asırauşısınan ayrıluğa baylanıstı järdemaqı kölemi 25%-ğa wlğaydı. Intımaqtı zeynetaqı tölemderiniñ kölemi 9%-ğa köterildi. Osınıñ bäri dağdarısqa qarsı uaqtılı qabıldanğan şaralardıñ nätijesi bolıp sanaladı, – dedi Nwrswltan Nazarbaev.
Memleket basşısı Bes institucionaldıq reforma ayasında qwrılımdıq özgerister jürgizilip jatqanın, olar ekonomikanıñ kez kelgen jahandıq sın-qaterge qarsı twru qabiletin nığaytuğa bağıttalğanın ayttı.
Nwrswltan Nazarbaev dağdarısqa qarsı şaralardıñ mañızdı böligi industriyalandıru jäne «Nwrlı jol» memlekettik bağdarlamaların jüzege asıru bolıp sanalatının ayttı.
– Industriyalandırudıñ altı jılınıñ qorıtındısı boyınşa barlıq öñirde 900-ge juıq jaña käsiporın iske qosıldı. Däl osı käsiporındardıñ jwmısı ekonomikamızdıñ qazirgi jağdayına tirek boldı. Bwl rette iske qosılğan käsiporındardıñ bäri birdey jobalıq quatına jetken joq. Mäselen, 21 joba toqtap twr, 13 joba problemalı nısan retinde tizimnen şığarılğan. Biılğı tört aydıñ statistikası industriyalandıru bağdarlamasın jüzege asıru naşar jürgizilip, ekonomikanı ärtaraptandıru isimen aynalıspağan jerde qwldırau bolatının körsetip otır. Kemşilikterdi eskere otırıp, bağdarlamanı jüzege asıru qağidattarın bäsekege qabilettilik, biznes-model'diñ tiimdiligi men qarjı nätijeliligi ölşemderi negizinde qayta qarau qajet. Qaytımı bolatın jobalardı ğana qarjılandıru kerek, – dedi Memleket basşısı.
Qazaqstan Prezidenti biılğı ekonomikalıq sayasattıñ wstını «Nwrlı jol» memlekettik bağdarlaması bolğanına nazar audardı.
– Ol öziniñ äleumettik salağa bağdarlanğandığımen mañızdı. Biraq mwnı äkimderdiñ bäri birdey tüsinbegen siyaqtı körinedi. Bağdarlamanı jüzege asıruğa qarjı bölu jöninde men aqpanda habarlağan bolatınmın. Biıl 840 milliard teñge bölu qarastırılğan, naurızda qızu jwmıs jürip jatuı tiis edi. Alayda, büginde osı qarajattıñ öñirlerge tek 8%-ı tüsken, – dedi Nwrswltan Nazarbaev.
Memleket basşısı «Biznestiñ jol kartası – 2020» ayasındağı infraqwrılımdıq jobalar qwrılısı boyınşa jwmıstıñ tiisti deñgeyde bastalmağanına da nazar audardı.
– «Jol kartasına» bağıttalğan aqşa baspana, jol, auruhana, sumen qamtu nısandarı qwrılısı arqılı halıqqa qızmet etui jäne payda äkelui tiis, – dedi Qazaqstan Prezidenti.
Nwrswltan Nazarbaev 2015-2019 jıldarğa arnalğan «Nwrlı jol» bağdarlamasın, sonday-aq «Jwmıspen qamtu-2020» jol kartasın jüzege asıruğa bölinetin qarajattı uaqtılı jäne sapalı igerudi qamtamasız etudiñ mañızdılığına da toqtaldı.
Bwdan bölek, oblıstardıñ, Astana men Almatı qalalarınıñ äkimderine jwmıs orındarınıñ saqtaluın, öndiristik käsiporındardıñ twraqtı jwmısınıñ qamtamasız etiluin jäne olardıñ öndiretin önimderiniñ oblısaralıq kooperaciya arqılı da jetkiziluin qadağalau tapsırıldı
Qazaqstan Prezidenti 5 mamırdağı keñes barısında öziniñ birqatar mañızdı tapsırma bergenin eske saldı.
– Men jer turalı zañnamanıñ birqatar erejeleriniñ iske asırıluın toqtatu turalı jarlıqqa qol qoydım. Tiisti komissiya qwrılıp, öz jwmısın bastadı. Onıñ alğaşqı otırısı zor rezonans tudırdı. Komissiya müşeleri jer turalı zañnamanı jetildiru jönindegi üylesimdi wstanımdarın äzirleuge tiis. Jer üşin şınımen janı auıratındardıñ bäri öz sözin aytuı kerek, – dedi Nwrswltan Nazarbaev.
Osı orayda Memleket basşısı oblıstardıñ, Astana men Almatı qalalarınıñ äkimderine bwl mäseleni halıq arasında tüsindiru jwmısın belsendi türde jürgizudi tapsırdı.
Sonday-aq Nwrswltan Nazarbaev alda kele jatqan Täuelsizdiktiñ 25 jıldığı qazaqstandıqtarğa jäne bükil älemge jetken jetistikterimizdi körsetudiñ jaqsı mümkindik beretinin ayttı.
– Elimizdiñ jetistikterin bağalay bilu qajet, bolaşaq wrpaq onımen maqtanuğa tiis. Osı kezeñde bizge sırttan sınay qarap otırğandar köp. Biz älem aldında wyatqa qalmay, kürdeli mäseleni sındarlı swhbatpen şeşe alatınımızdı paş ete biluimiz qajet. Alğa qoyğan maqsatına jwmıla wmtılatın el ekenimizdi körsetuimiz kerek, – dedi Memleket basşısı.
Pikir qaldıru