Tasmağambetov QR vice-prem'eri qızmetinde qanday şarua tındırdı?
Tengrinews.kz tilşileri Imanğali Tasmağambetovtiñ QR vice-prem'eri qızmetinde qanday ister bitirgenin eske aladı.
Talğar qalaşığı territoriyasında qwrılıs jwmıstarı toqtadı
Bwğan deyin Talğar qalaşığınıñ territoriyasında barlıq qwrılıs jwmıstarın toqtatu boyınşa tapsırıs berilgen. Onıñ maqsatı – Qazaqstannıñ nısandarın YUNESKO-nıñ düniejüzilik mwralar tiziminde saqtau jäne osı wyımnıñ qajetti standartına säykes boluı. YUNESKO-nıñ bas direktorımen Parijdegi kezdesude Jibek jolınıñ birinşi Çan'an'-Tyan'şan' üzigindegi 8 qazaqstandıq eskertkişti YUNESKO-nıñ düniejüzilik mwralar tiziminde qaldıru boyınşa kelisim jasaldı.
Keyki batırdıñ süyegin jerleu
2017 jıldıñ jazınıñ soñına deyin Keyki batırdıñ Qazaqstanda jerlenetin jerin anıqtap, jerleu turalı şeşim şığarıldı.
Pediatriya fakul'tetterin qalpına keltiru
2017 jılı Qazaqstanda pediatriya fakul'tetteri qalpına keltirip, balalar emhanalarınıñ sapası jaqsaradı. 2007 jılı medicinalıq JOO-lar kadr dayındaudıñ jaña modeline ötken bolatın. Sol uaqıtta pediatriya fakul'tetteri jalpı medicinağa engen edi. Endi balalar därigeri bolu üşin rezidentura ayaqtau kerek. Sondıqtan tülekter mwnday salalıq mamandıq tañdauğa qızığuşılıq tanıtpağan. Statistikalıq mälimetter boyınşa, 2012 jılı “pediatriya” mamandı boyınşa 742 ğana adam, 2013 jılı – 423, 2014 jılı – 7 adam bilim alğan. Saldarınan respublikada balalardı emdeu isinde därigerler jetispedi.
Mindetti äleumettik medicinalıq saqtandıru
2017 jıldan bastap Qazaqstanda mindetti äleumettik medicinalıq saqtandıru engizildi. Bwl bağdarlamanıñ ayasında medicinalıq kömekti kündizgi oqu formasındağı barlıq student ala alatın boldı. Al tölemdi memleket jasaydı. Sırttay oqitın studentterge kelsek, tölemdi olar jeke käsipkerlik jolmen özderi jasauı kerek nemese olardıñ jwmıs beruşileri töleui tiis, ne bolmasa halıqtı jwmıspen qamtu ortalıqtarında resmi tirkelgen bolsa memleket töleydi. Sırttay oqitın studentke tölem ne jarna tüspese, olarğa tegin medicinalıq kömektiñ kepildendirilgen köleminiñ ayasında medicinalıq qızmet körsetiledi. Bwğan jedel järdem jäne sanaviaciya, aynalasındağılarğa qauip töndiretin äleumettik mäni bar aurular men aurular kezindegi medicinalıq kömek, aldın-alu ekpeleri, 2020 jılğa deyin ambulatorlıq däri-därmekpen qamtılğan ambulatoriyalıq-emhanalıq kömek
Balalar üyiniñ tärbielenuşileriniñ azayuı
Memlekettik organdar balalar mekemelerindegi tärbielenuşilerdiñ sanın olardı asırap aluğa, patronatqa ötkizuge jäne asırap aluşı otbasılarğa beru joldarımen azaytu boyınşa jwmıstı qarqındattı. Otbasılıq qwrılımnıñ balama formaları keñeytildi – asırap alu, qamqorşılıq, qorğanşılıq, patronat, qamqorlıqqa alumen qatar, 2017 jıldan bastap qabıldau jäne qonaq otbasılar engiziledi.
Memlekettik JOO-larğa rektorlardı tağayındaudıñ jaña talaptarı
Qazaqstannıñ bwrınğı vice-prem'eri Imanğali Tasmağambetovtıñ törağalığımen joğarı oqu orındarınıñ rektorı lauazımına ümitkerlerdi anıqtau jönindegi Respublikalıq konkurstıq komissiyanıñ alğaşqı otırısı ötken edi. Sol otırısta bekitilgen jaña talaptar boyınşa, jaña talaptarğa säykes rektorlardıñ tağayındaluı aşıq konkurs negizinde jürgiziledi. Respublikalıq komissiya qarauına joğarğı oqu ornınıñ baqılauşı keñesi kem degende üş kandidattı wsınadı. Komissiya qatısuşılardıñ oqu ornın damıtu bağdarlamasın tıñdap, swhbat jürgizedi. Sonıñ nätijesinde JOO-nıñ rektorı lauazımına kandidattı anıqtaydı. Bwl jañaşıldıq qazaqstandıq joğarğı oqu orındarınıñ basqaru qwramın sapalı toltıru jäne basqaru derbestigin wlğaytu, sonday-aq, qoğam aldındağı eseptilikti küşeytu qajettiginen tuındap otır.
Bilim beru jüyesiniñ modernizaciyası
WBT jüyesin jetildiru bitiru emtihandarı men JOO tüsu emtihandarın böludi qarastıradı. Bwl bitiruşilerdiñ tereñ bilimin, bilimniñ jüyeliligi, tolıqtığı, taldau, qorıtu, jikteu mümkindikterin anıqtaytın dağdıların tekseruge bağıttaladı. 2016 jıldan bastap 2019 jılğa deyin orta bilim wyımdarı jüyesinde kezeñ-kezeñimen oqıtudıñ jaña mazmwnına köşu josparlanğan. Jaña oqulıqtar, bağdarlamalar men oqıtu ädisteri mehanikalıq oqıtudan funkcionaldıq sauattılıqqa bağıttaladı, yağni öz bilimi men dağdıların logikalıq qoldanuğa üyretetin boladı. Joğarı bilim beru salasında JOO-nıñ avtonomdılıqqa köşui jäne olardıñ akademiyalıq, qarjılıq täuelsizdigin keñeytu jürgizildi.
Memlekettik funkciyalardı azaytu
Memlekettik funkciyalardı qısqartuğa, azamattardıñ şeşim qabıldau ürdisine qatısuın keñeytuge, jergilikti özin-özi basqaru jäne özin-özi retteudi damıtuğa, sonımen qatar, memlekettiñ şığındarın azaytuğa bağıttalğan birqatar şaralar atqarıldı. Bäsekelestik ortağa birqatar qızmetterdi beru şeşildi. Atap aytqanda, Ädilet ministrliginen – bağalau qızmetin retteu funkciyasın, Energetika ministrliginen – ekologiyalıq auditorlardı retteu qızmetin, Densaulıq saqtau jäne äleumettik damu ministrliginen – medicinalıq kömek körsetu sapası men deñgeyine azamattardıñ qanağattanu därejesin anıqtau boyınşa funkciyasın beru şeşildi.
Ükimettik emes wyımdarğa sıyaqı beru
2017 jıldan bastap Qazaqstanda ükimettik emes wyımdarğa sıyaqı beriledi. Sıyaqı wyımdardıñ jarğılıq maqsattarına, institucionaldı damuına, qızmetkerlerdiñ biliktiligin köteruge, birlestiktiñ materialdıq bazasın nığaytuğa jwmsaladı. Ükimettiñ atınan beriletin sıyaqı qoğamdıq wsınıstar men olardıñ qızmetin bağalaudı eskere otırıp, äleumettik jobanı sätti jüzege asırğan wyımdarğa beriledi. Ümitkerlerdi irikteu qwzıretti organ janındağı ÜEW-men is-qimıl jönindegi üylestiru keñesinde jürgiziledi. Sıyaqı aluğa ötinim joldağan ärbir wyım keñes müşeleri men täuelsiz sarapşılardan qwralğan saraptau komissiyasınıñ bağalauınan ötedi. 2015 jılı ÜEW turalı zañnıñ qabıldanuımen “ÜEW üşin grant” tüsinigi engizilgen bolatın. Granttardı berudi granttıq qarjılandıru operatorı - “Azamattıq bastamalardı qoldau ortalığı” kommerciyalıq emes akcionerlik qoğamı jüzege asıradı.
YUNESKO sertifikatın QR wlttıq muzeyine beru
Elimiz 2017 jılı YUNESKO-nıñ düniejüzilik mwralar tizimine “Asıq wlttıq oyını” nominaciyasın engizudi jäne “Qorqıt mwraları” köpwlttıq nominaciyasın üylestirudi josparlap otır. YUNESKO-nıñ tizimine mwralardı tirkeu Qazaqstannıñ materialdıq emes mädeni mwraların elimizde jäne halıqaralıq deñgeyde keñinen nasihattauğa, sonday-aq olardı qorğau boyınşa wlttıq deñgeyde jüyeli şaralar qabıldauğa ıqpal etedi.
Eldiñ sandıq kitaphana qorın aşu
Qazaqstanda 2020 jılğa qaray barlıq kitaphana qorı sandıq jüyege ötedi. Atalğan sandıq jüye kitaphana qızmetiniñ damuına oñ ıqpal etip, kitaphana qorın qwru, saqtau jäne odan äri damıtuğa jaña mümkindikter beredi. Bwl Qazaqstandağı barlıq kitaphanalardıñ birıñğay elektrondı katalogın qwruğa kömektesedi. Mwnıñ izin ala Qazaqstan “TMD elderiniñ elektrondı kitaphanası” jobasına qosıladı. Bwl jağdayda reseylik qorlarda saqtaulı twrğan erekşe kitaptar bizdiñ azamattar üşin de qoljetimdi bolmaq. Sonımen bir uaqıtta respublikada alğaş ret sirek äri erekşe kitaptar men qoljazbalardıñ ortalığı aşıladı. Sonımen qatar, oquşılar üşin ädebiet päni boyınşa mektep bağdarlamasına üzdik zamanaui avtorlardıñ şığarmaları engiziledi. Al, elimizdiñ jas twrğındarına arnalğan ädebi şığarmalardı tegin jarnamalauğa mümkindik beru qarastırılğan.
Twñğış ret “Kinematografiya turalı” zañ jasalıp jatır
“Kinematografiya turalı” zañ, sonday-aq Kinematografiyanı damıtu twjırımdaması wsınıldı, bwl qwjattarda otandıq kinoindustriyanıñ odan äri damuınıñ negizgi bağıttarı körsetilgen. Prem'er-ministr öziniñ orınbasarı bolğan Imanğali Tasmağambetovke barlıq müddeli taraptarmen birlese otırıp Kinematograftı damıtu twjırımdaması men Zañ jobasın talqılap, olardı Ükimet qarauına wsınudı tapsırğan edi.
“Alaş” qozğalısınıñ 100 jıldığına dayındıq
Büginde “Alaş” qozğalısınıñ täuelsizdik mwrattarı üşin kürestegi röli men mañızın, onıñ köşbasşılarınıñ sayasi-qwqıqtıq, wlttıq qwndılıqtarğa qatıstı közqarastarın, twjırımdarın jaña zamannıñ talaptarına say zerdeleu öte mañızdı. HH ğasırdıñ basında wlttıñ ziyalıları azattıq üşin bolğan köp ğasırlıq küreste mañızdı röl atqardı. Ükimet tarapınan Ahmet Baytwrsınwlınıñ ğılımi eñbekterin zerdeleudi jetildiru maqsatında QR prem'er-ministriniñ orınbasarı bolğan Imanğali Tasmağambetov muzeyge wlttıq märtebesin beru, Ahmet Baytwrsınwlı şığarmalarınıñ 10 tomdığın şığaru jäne derekti fil'm tüsiru jöninde tapsırma berdi.
Äleumettik jağınan az qamtılğan jandarğa EKSPO-2017 körmesiniñ biletteri tegin
Twrğındardıñ äleumettik az qamtılğan tobına tegin bilet taratu mäselesi pısıqtaldı. Olar osınau auqımdı şarağa dayındalğan kölemdi äri qızıqtı repertuardı tikeley özderi tamaşalap, köru mümkindigine ie bola aladı. Eks-prem'er-ministr osı swraqtı erekşe baqılauğa aludı jäne bwl qalanıñ jäne mädeniet ministrliginiñ ayasında ötetin şaralarda eskerilui kerek ekenin aytqan edi.
Eske salayıq, keşe, 3 aqpanda Imanğali Tasmağambetov prem'er-ministrdiñ orınbasarı qızmetinen bosatılıp, Qazaqstan Respublikasınıñ Resey Federaciyasındağı Tötenşe jäne Ökiletti elşisi bolıp tağayındalğan edi.
Kaz.tengrinews.kz
Pikir qaldıru