NASA استرونومدارى كۇن جۇيەسىنە سالىستىرمالى تۇردە العاندا جاقىن، جەرگە ۇقساس جەتى عالامشاردى تاپقانىن حابارلادى. ولاردىڭ كەمىندە ۇشەۋى TRAPPIST-1 جۇلدىزىن ولاردا سۇيىق تۇردە سۋ بولۋىنا جاعداي تۋدىرارلىقتاي قاشىقتىقتا اينالادى. NASA زەرتتەۋشىلەرى مەن بەلگيالىق ماماندار عالامشارلاردى تاپقانى تۋرالى زەرتتەۋىن Nature جۋرنالىندا جاريالادى.

ءباسپاسوز كونفەرەنتسياسىندا استرونومدار بارلىق جەتى عالامشاردىڭ بارلىعى كولەمى مەن ماسساسى جاعىنان جەرمەن شامالاس ەكەنىن جانە جەر بەدەرى جارتاستى، قۇزدى بولۋى ابدەن مۇمكىن ەكەنىن حابارلادى. TRAPPIST-1 جۇلدىزى سۋقۇيعىش شوقجۇلدىزىندا كۇن جۇيەسىنەن شامامەن 40 جارىق جىلىنداي (شامامەن 235 تريلليون ميل) قاشىقتىقتا ورنالاسقان.

ەگەر اتالعان عالامشارلاردا سۋ بولسا، وندا ول سۇيىق كۇيىندە بولۋى ءتيىس. زەرتتەۋشىلەر عالامشارلاردىڭ جۇلدىزعا جاقىندىعى مەن كولەمدەرى ولاردى ارى قاراي دا زەرتتەۋگە مۇمكىندىك بەرەدى دەيدى. استرونومدار عالامشارلاردا تىرشىلىك بەلگىلەرىن زەرتتەۋ ءۇشىن ولاردىڭ اتموسفەراسىنان سىناما الۋدان ءۇمىتتى.

ازات ەۋروپا / ازاتتىق راديوسى