AQŞ: Resey arnayı qızmetiniñ ökilderi Yahoo-ğa kiberşabuıl jasadı
Resey Federaldıq qauipsizdik qızmetiniñ (FSB) qızmetkerleri Dmitriy Dokuçaev jäne onıñ bastığı Igor' Suşin dep tanılğan. AQŞ biligi olardıñ 2014 jılı Yahoo serverlerin bwzıp kiruge qatısı bar deydi. Hakerlik şabuıl jasalğanı ötken jılı belgili bolğan. Şabuılda 500 million akkaunt bwzılğan. Kiberşabuıldar tarihında mwnday keñ auqımdı qılmıs bolmağan.
Ayıp tağılğan özge hakerler Aleksey Belan jäne Karim Baratov dep tanılğan. Baratov birer kün bwrın Vaşingtonnıñ swrauı boyınşa Kanadada wstalğan. Bwğan deyin Baratovtıñ bwrın Qazaqstan azamatı bolıp, keyin Kanada azamattığın alğanı turalı habarlanğan edi. Qazaqstan sırtqı ister ministrligi Twitter-degi paraqşasında Baratovtıñ Qazaqstan azamatı emesin, 2011 jılı Qazaqstan azamatığınan ayırılu turalı qwjat räsimdegenin habarladı.
Azattıq radiosı
Pikir qaldıru