ونىڭ ايتۋىنشا، نيدەرلاند جانە دانيا وقىتۋ جاعىنا جاۋاپ بەرۋى مۇمكىن. پەنتاگون وكىلى بۇدان وزگە اقپارات بەرمەدى.

شىلدە ايىندا Politico جۋرنالى دانيا مەن نيدەرلاند باستاعان 11 ەلدەن قۇرالعان كواليتسيا ۋكراين ۇشقىشتارىن F-16 جويعىش ۇشاقتارىن باسقارىپ ۇيرەتۋگە دايىن ەكەنىن، الايدا ول ءۇشىن ۇشاقتى شىعارۋشى ەل اقش-تىڭ رەسمي رۇقساتى قاجەت ەكەنىن حابارلاعان.

باسىلىمنىڭ جازۋىنشا، دەگەنمەن 11 ەلدىڭ ەشقايسىسى ازىرگە ول باعدارلاما ءۇشىن ۇشاق بولمەگەن.

شىلدە ايىندا اق ءۇيدىڭ ۇلتتىق قاۋىپسىزدىك جونىندەگى ۇيلەستىرۋشىسى دجون كيربي وقىتۋ مەرزىمى، ورنى مەن ۇزاقتىعى ءالى قاراستىرىلىپ جاتقانىن ايتقان.

وتكەن اپتادا Politico جۋرنالى دەرەككوزگە سۇيەنە وتىرىپ، وقۋعا جىبەرىلەتىن العاشقى توپ جاساقتالعانىن حابارلاعان. ول اعىلشىن ءتىلىن ەركىن مەڭگەرگەن 8 ادامنان قۇرالعان.

بۇعان دەيىن ۋكراينا قورعانىس ءمينيسترى الەكسەي رەزنيكوۆ ۋكراين ۇشقىشتارىن وقىتۋ تامىز ايىندا باستالاتىنىن ايتقان.

Politico دەرەككوزى وسىعان دەيىن ۋكراين ۇشقىشتارىن وقىتۋ جىلدىڭ سوڭىندا باستالادى، ال العاشقى ۇشاقتار ۋكرايناعا 2024 جىلدىڭ كوكتەمىنەن ەرتە كەلمەيدى دەگەن.

azattyq.org