Germaniya kancleri Olaf Şol'c AQŞ prezidenti Donal'd Tramptıñ Ukraina lideri Vladimir Zelenskiydi diktator degen mälimdemesin üzildi-kesildi joqqa şığardı. «Prezident Zelenskiydiñ demokratiyalıq zañdılığı joq dep aytu dwrıs emes jäne qauipti», – dedi Şol'c Der Spiegel aptalığına.

“Şınında, Vladimir Zelenskiy Ukraina memleketiniñ zañdı türde saylanğan basşısı bolıp tabıladı. Soğıs jağdayında dwrıs saylau ötkizu mümkin emestigi Ukraina konstituciyası men saylau zañdarınıñ erejelerine säykes keledi. Jäne eşkimniñ mwnıñ kerisinşe talap etuge qwqığı joq”, – dedi Germaniya ükimetiniñ basşısı.

Ol Ukrainağa qarsı soğıstı Vladimir Putin bastağan Resey bastağanın eske saldı. “Ukraina Reseydiñ ayausız agressiyasınan üş jılğa juıq uaqıt boyı özin qorğap keledi. Kün sayın”, – dedi Şol'c.

Tramptıñ Zelenskiy turalı mälimdemesin Germaniya sırtqı ister ministri Annalena Berbok pen Federaldıq ekonomika ministrliginiñ basşısı, vice-kancler Robert Habek te sınğa aldı. «Äleumettik jelilerde asığıs jazbalar jazbay, şınayı ömirge mwqiyat qarasañız, Europada kim, ökinişke oray, diktaturada ömir süruge mäjbür bolğanı belgili boladı: bwl Reseydegi adamdar, Belarus'tegi adamdar», – dedi Berbok ZDF qoğamdıq-qwqıqtıq telearnasına bergen swhbatında. «Ukrainalıqtar özderiniñ erkin demokratiyası üşin kün sayın küresedi jäne biz europalıqtar retinde demokratiyalıq memleketterimizdi birge nığaytu üşin olardıñ Europalıq Odaqqa jetu jolında qoldau körsetemiz», – dep qostı Germaniya Sırtqı ister ministrliginiñ basşısı.

“AQŞ prezidentiniñ mälimdemesi tañ qaldıradı. Bwl bwrın-soñdı bolmağan şındıqtı bwrmalau jäne öte qauipti ritorika. Şındıq, diktator Putin demokratiyalıq Ukrainağa şabuıl jasadı”, – dep jazdı Robert Habek äleumettik jelide.