Жүгіртпелер
 |  | 

Қазақ хандығына 550 жыл

Қояндыда Қазақ хандығының 550 жылдығына арналған концерт өтті (ФОТО)

<span>kerey.kz</span>kerey.kz
 |  May 19, 2015

 

16 мамыр күні Қоянды ауылында Қазақ хандығының 550 жылдығына арналған «Сарыарқа самалы» атты концерт өтті. 

Қазақ хандығы құрылғандығының 550 жылдығы – еліміз тарихындағы елеулі жыл. Елдігіміз бен тәуелсіздігімізді танытатын атаулы мерекені атап өту үшін дәстүрлі әнші Арай Асқаптың ұйымдастыруымен Қоянды ауылында өткен кеште көмейіне бұлбұл ұялаған өнер майталмандарының өнеріне куә болдық. Тағылымды тарихымызды танытатын ұлы мерекені ұлықтауға республикалық және халықаралық байқаулардың жүлдегері, дәстүрлі әншілер Ерлан Рысқали, Перизат Тұрарова, Арай Асқап, Әйгерім Нартүйеева, Нұрболат Әбілхан, Бақытнұр Әбілезұлы және композитор, әнші Халық Ризабек, Қайнар Қатбай, сондай-ақ, күйші, сыбызғышылар келіп қатысты.

 

Дәстүрлі ән өнерін насихаттаушылардың бұл жолы ауылда өнер көрсетуінің мәніне тоқталған ұйымдастырушы Арай Асқап былай дейді:
«Қазақ хандығының 550 жылдық мерейтойы бүкіл республика көлемінде ғана емес, шетелдегі қазақтар арасында да өз деңгейінде тойланып жатыр. Елдігіміз бен тамыры терең тарихымызды таныта түсетін осындай атаулы мереке кезінде біз – дәстүрлі әншілер де құр қарап қалмауды жөн көрдік. Барша Алаштың тойын әркім өзінің қолынан келгенінше атап өткені дұрыс деп санаймын. Әсіресе осы ұлы тойдың рухын ауылдағы ағайындарға жеткізу үшін үлкен шаһарларға шабылмай-ақ, Елорда маңындағы ауылдарда өнер көрсетіп жатырмыз. Қоянды ауылынан бастау алған өнер кешін алдағы уақытта жақын маңдағы ауылдардың барлығында өткізсек деген жоспарымыз бар. Елімізде тек қана мереке болсын! Тәуелсіздіктің тұғыры берік болып, Қазақ елі мәңгі жасай берсін!».

Төпеп тұрған нөсерге қарамастан келіп өнер тамашалаған қауымның басым бөлігі қариялар мен мектеп оқушылары екенін байқадық. Таланттылардың таңдайынан төгілген әсем әнге тәнті болған жұрт әр әншіге көпке дейін қол шапалақтап, құрметтерін білдіріп жатты.

 

Мерекелік кештің өтуіне қолдау көрсеткен Қоянды ауылы орта мектебінің директоры, жазушы Жәди Шәкенұлы ауылды айналып өтпей, ат төбеліндей аз қазақтың алдында үлкен өнер көрсеткен әншілерге рахмет айтып, марапаттау мен қоса естелік сыйлықтарын тарту етті. Кеш соңында ауылдың ақсақалы ақ батасын беріп, ақсамайлы аналар ақжарма шашуын шашты.

Майгүл СҰЛТАН,
Фото – Ғабит МАДАЛИЕВ

baq.kz

Related Articles

  • БӨРІНІҢ АТЫН АЛҒАН ИТЕЛІ МЕН МОЛҚЫ

    <span>kerey.kz</span>kerey.kz

    («”В”дыбысының өмірі» мақаласынан үзінді) Ворг(ворк). Бұл кәдімгі көк түсті және осыған байланысты бөріні білдірді. Бөрі деген сөздің өзі көк түсті ұғындырады. Ворг(ворк) сөзі В дыбысының “ұб, об, аб, ба, бо, бұ, ұ, у” болып түрленуіне сай, бурғ, ворғ, буры, влуе, бөрі, бөрік, волк сөздерін тудырды. Волк – өлекшін. Влуе(бөре, бөле) – ағылшын тіліне көк түсті білдіретін атау ретінде ғұндар жағынан енді. Волф(бөріп) сөзі оларда бөріні білдіреді. Бурыл түс те көк түсті негіз етеді. Қазақта “бөріктіріп қырады” деген сөз бар. Бұл біріктіріп қырады деген мағынаны береді. Қазақтың бірігу деген сөзінің әубаста туылуына да бөрілердің азығын ұстаудағы ұйымшаң әрекеті әсер еткен. Волк(бөрғ) – Шығыс Еуропа жерінде бөріні білдірді. Волк сөзі болғ, болқы

  • ТҰҒЫРЫЛ ХАННЫҢ ӘЛЕМДІ БИЛЕГЕН ҰРПАҚТАРЫ

    <span>kerey.kz</span>kerey.kz

    Тұғырыл ханның Нылқы шамғұн(санғұн), Еке(Үкі), Тайбұға деген үш ұлы болды. Нылқы шамғұннан тараған әулет Торғауыт, Қалмақ, Абақ-Сахара қатарлы ордалардың билеушілері болса, Тайбұғадан тараған әулет Сібір, Төмен хандықтарын биледі. Тұғырыл ханның інісі Жақа қамбының қызынан туған жиендер Ұлы Моғол ордасын, Қытайды, Иранды билесе, өзінің Құлағудан туған жиендері Иранды тағы дүбірлетті. Тұғырыл ханның ұрпақтарынан Қазан, Қажы-Тархан(Астрахан), Қасым хандықтарының тағына отырғандар да болды. Қырым хандығын билеген Тұғырыл хан ұрпақтары тұтас Жошы ұлысындағы барлық хандықтарды шеңгелінде ұстады. Жошы ұлысынан шыққан хандықтардың тәуелсіздігін қорғау жолындағы шайқастарды ұйымдастырушы болды. Қырым хандығын билеген Тұғырыл ханның ұрпақтары Қырым хандарының есімінің бәрінде Керей қосымшасы бар. Бұл туралы Орыс зерттеушілері екіге жарылады. Бірі, Қажы -Керейді Тұғырыл хан әулетінен десе, бірі

  • Оспан Батырдың Чойбалсан маршалға жазған хаты

    <span>kerey.kz</span>kerey.kz

    Суретте Оспан Батырдың 1944 жылы наурыз айында Чойбалсан маршалға жазған хаты берілген. Хатта Оспан Батырдың өз қолы қойылған, мөрі (таңбасы) басылған. Хаттың аудармасы: Аса құрметті маршал жолдасқа сәлем (жазамын мәнісі:) Ол жақтағы біздің әскерлердің кемшілік* нәрселер болса біздің мына барған кісілерден айтып жіберіңіздер. Және де сол әскерлер жауды қамап алған екен, асса 10 күн, қала берсе 6-7 күн, шамалары болса қамасын, егер азық басқалай нәрселері болса оны бұл жерден толық қып береміз, кемшілік* нәрселеріне біз міндеттіміз, сол үшін әскерлерге осы хабарларды даньбау* арқылы тиілсе екен деп құрметпен Батыр Оспан (қолтаңбасы, мөрі). 33. 3/3 Қысқаша түсіндірме: Кемшілік*: хатта бұл сөз мінездеме мағынасында емес, қажеттілік, бұйымтай, керек-жарақ сияқты әлеуметтік һәм тұрмыстық мағынада

  • Алтай өлкесінің Шыңжаңға өз еркінен тыс қосылғанына 100 жыл (1920-2020)

    <span>kerey.kz</span>kerey.kz

    1920- жылға дейін Синьцзян мәселесіне Алтай өлкесі қамтылмайтын-ды. Алтай өлкесі 130 жылдай орталық үкіметке жеке қарап келді де, 1919-1920 жж арасындағы ішкі-сыртқы саяси һәм гео-стратегиялық мәселелерге байланысты жеке өлке статусы біржолата жойылған еді. Синьцзян губернаторы Яң-ның қолқа салуымен Алтай өлкесі Синьцзян провинциясының қарауына өтті. Мына әкімшілік карта 1916-1920 жылдар арасында дайындалған. Осы картада Алтай Өлкесі анық көрінеді. Цин империясы құлаған соң билікке келген буржуазиялық үкімет бүкілмемлекеттік құрылтай жиналысын өткізеді сонымен бірге сол жылы уақытша үкіметтің кезектен тыс президент сайлауы өтеді. Осы саяси іс-қимылға Алтай өлкесі жеке ел ретінде қатысқан. Ол туралы кейін айтамыз. 1905, 1908, 1912 жж арасындағы күрделі әкімшілік реформалардан кейін Алтай-Қобда елінде түбегейлі өзгерістер болды. 1914- жылы Құлжа

  • РИМ БИЛЕУШІЛЕРІ ҰЛЫ ДАЛАДАН БАРҒАН БА?

    <span>kerey.kz</span>kerey.kz

    Ителі руы – іргелі рулардың бірі. Атауы жағынан Ителі кәдімгі Ителгі құстың атауының ғасырлар легінде ғ, г әріптері түсуіне байланысты өзгеріске ұшыраған түрі болуы мүмкін. Екінші жақтан алғанда, Ид-Телы, Иди-Теле болып ежелгі Алтайлық Телелердің бір бұтағы болуы мүмкін. Ид-Телы, Иди-Теле атаулары оларды Жер-Телелері(отырықшы Теле) және қасқырды төтем еткен Телелер ретінде көрсете алады. Ителінің шежіре бойынша Көкбұлақ деген атаның немересі екенін танысақ, Көк сөзінің Құдайы сипаттар мен көк бөріге, киеге қатыстылығын ескерсек ит сөзінің әрі жағында қасқыр төтемі жатады. Италияндардың ит емген(қасқыр емген) екі баланы төтем санап, күні бүгінге дейін Ителі атауынан Ителия(Италия) болып тұрғанын біле аламыз. Оның үстіне Көкбұлақ аталатын кей жерді халық Көкебұлақ деп те айтады. Көкебұлақ – Тыва

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: