Өлгейде «Құс қанатымен жеткен сағыныш» атты жыр кеші өтті

| Aug 3, 2015

Өлгей қаласында Баян-Өлгей аймағы құрылғандығының 75 жылдық мерейтойы аясында «Құс қанатымен жеткен сағыныш» атты жыр кеші өтті.

Баян-Өлгей аймағының әкімі Дәрмен Құзыкейұлының қолдауымен, Баян-Өлгей аймағы әкімдігі мен Моңғолия Жазушылар Одағының Қазақ кеңесінің ұйымдастыруымен өткен рухани кешке атажұртта қазақ жырының құдіретін асқақтатып жүрген Ерболат Баятұлы, Ербол Бейілхан, Әскерхан Ақтай қатарлы ақындар, сондай-ақ, Баян-Өлгейдегі руханият тізгінін ұстаған әдебиетшілер, ғалымдар мен өнер иелері қатысты. Жыр кешін белгілі ақын, ғалым Сұраған Рахметұлы жүргізді.

Поэзия құдіреті асқақтаған басқосуда кеш иелері жырларын оқып, жиналған жұртты өлеңнің сұлу сазына бөледі. Баян-Өлгей топырағында өсіп келе жатқан жас ақындар жыр оқыды. Дәстүрлі әншілер қоңыр домбыраны күмбірлетіп әуелете ән салды. Бүгінгі әдебиет пен өнер, руханиятқа қатысты келелі әңгіме де өрбіді бұл басқосуда. Өлгейлік ақындар мен зиялы қауым, көрермен жұртшылық ақындарға жылы лебіздер айтып, ақ жол тілеп, өлең-жырларына жоғары баға берді, сый-сияпат көрсетті. Кеш соңында Баян-Өлгей аймағы әкімі аппаратының басшысы Т.Манкей сөз алып: «Қазақ жырына өз қолтаңбаларын қалдырып, ұлт руханиятының мерейін асқақтатып жүрген, бүгін туған топырағына келіп ту тігіп отырған ақындар Ерболат Баятұлы, Әскерхан Ақтай, Ербол Бейілханды әрқашан мақтан етеміз. Біз осындай дүлдүл ақындарды туғызған қасиетті өлкеге келіп жыр әуелетіп жатқандарыңызға қуаныштамыз. Сіздерден әлі де құнды дүниелер күтеміз,-деді. Сондай-ақ, әкімшілік өкілі үш ақынға Баян-Өлгей аймағы әкімінің «Құрмет хатын» және сыйлықтарын табыстады. Ақын Ерболат Баятұлы Баян-Өлгей аймағының «Құрмет кітабына» жазылып, «Құрметті азамат» атанды. Ал, ақын Ерболат Баятұлы, Ербол Бейілхан, Әскерхан Ақтай Қызылқайың өлкесінің «Мәртебелі азаматы» атағын алды.

Tags Баян-Өлгей аймағы

Тұрсын Жұманбай «Үйсінбай кітабы»

kerey.kz

Бұл Дағандел, Бақанас өлкесінен шыққан би Үйсінбай Жанұзақұлы хақында құрастырылып жазылған кітап. Тың толықтырылған еңбекте болыс Әлдеке Күсенұлы, Дағанделі болысының басшылары мен билерімен қатар Әбдірахман Әлімханұлы Жүнісов сынды айтулы тұлғалар жайлы әңгіме қозғалған. Олардың ел алдындағы еңбектері, билік, кесім – шешімдері, халық аузында қалған қанатты сөздері мен өмір жолдары, ата – тек шежіресі қамтылған. Сонымен қатар мұрағат деректеріндегі мәліметтер келтірілген. Кітапқа есімі енген ерлердің заманы, үзеңгілес серіктері туралы жазылған кей мақалалар, жыр –дастандар, үзінділер енген. Кітап қалың оқырман қауымға арналған. Тұрсын Жұманбай «Үйсінбай кітабы», - Жебе баспасы, Шымкент қаласы.134 бет толық нұсқасын төмендегі сілтеме арқылы оқи аласыз. Үйсінбай кітап kerey.kz
«Алғашқы кітап» деректі бейнефильмі

kerey.kz

Қазақстан Республикасы Мәдениет және ақпарат министрлігінің Мәдениет комитетіне қарасты Ұлттық киноны қолдау мемлекеттік орталығының тапсырысымен «JBF company» компаниясы Семей қаласында, Шыңғыстау өңірінде, Алматы облысының Жамбыл ауданында «Алғашқы кітап» атты деректі бейнефильм түсіруде. Деректі фильм Абайдың 1909 жылы Санкт Петербургтегі Илья Бораганский баспасында басылған алғашқы шығармалар жинағының жарық көруіне арналады. Ұлы Абай мұрасының қағаз бетіне таңбалану тарихын баяндайды. Қазіргі адамдар бұрынғы уақыттың, Абай заманының нақты, деректі бейнесін, сол кездегі адамдардың әлпетін, киім үлгісін көз алдарына елестетуі қиын. Көпшіліктің ол уақыт туралы түсінігі театр мен кинофильмдердегі бутафорлық киімдер мен заттар арқылы қалыптасқан. Алайда Абай уақытындағы қазақ тіршілігі, қазақтардың бет-әлпеті, киім киісі, үй – жайы, бұйымдары таңбаланған мыңдаған фотосуреттер сақталған. Бұлар Ресей, Түркия, Ұлыбритания
ШОҚАН УӘЛИХАНҰЛЫ ДЕГЕН ЕКЕН..

kerey.kz

Ел аузында қазақ оқымыстылары айтты деген сөздер аз емес. Белгілі ғалым, этнограф А. Сейдімбек құрастырған тарихи тұлға, асқан оқымысты Шоқан бабамыздың тапқыр сөздерін назарларыңызға ұсынамыз. * * * Омбыға оқуға жүрер алдында бала Шоқан әкесінің ел іші мәселесін шешудегі кейбір өктем, ожар қылықтарына көңілі толмай, «оқуға бармаймын» деп қиғылық салса керек. Тіптен көнбей бара жатқан баласын қатал Шыңғыс жәрдемші жігіттеріне байлатып алмаққа ыңғайланып: «Шықпаса көтеріп әкеліңдер, арбаға таңып аламыз!» − дейді. Сонда дәрмені таусылған Шоқан әкесіне: «Байлатпа! Абылай тұқымынан байланғандар мен айдалғандар жетерлік болған!» − деп тіл қатады. Бала да болса ақиқат сөзді айтып тұрған баласынан тосылған әке дереу Шоқанды босаттырып жібереді. * * * Петербургте Сыртқы Істер министрлігінің бір
Кітапқұмар жасқа тегін оқу бақыты бұйырды

kerey.kz

Адамзат кітапқа ғұмыр бойы қарыздар. Кітапсыз келешектің алтын кілтін ешкім қолына мықтап ұстай алмаған. Мардан Рахматулла – кітапқұмар он жеті жасар жігіттің бойында өз қатарластарының бойынан табыла бермейтін ұлы қасиет бар. Ол – кітапқа деген махаббат. Бұл махаббаттың сәт санап артуының да сыры бар. Мардан – Асылы Осман, Дархан Қыдырәлі сынды бүгінгі қазақ руханиятының тірегі саналатын азаматтар туған топырақт туып-өскен. Топырақтың киесін дәл осы кезде еріксіз мойындай түсесің. Қоғамдағы «жастар кітап оқымайды» деген қасаң пікірді жоққа шығаруға тырысқан жастардың да саны басым. Күн санап олардың саны артып, кітаптың құдіретін жер-жерде дәлелдеп бағуда. Кітапқа жаны құмар жан бір күнін кітапсыз елестете алмайды. Ғұмыры кітаппен етене байланған, оқу ғұмырының мәніне айналған жастарды
«Бейсенбі ме бүгін деп, Жұмаға қарсы өткені-ай…» (Абай)

kerey.kz

Қазақ халқының даңқты перзенті, ұлы жазушы Мұқтар Мағауин 85 жасқа қараған шағында дүниеден озды. «Бейсенбі ме бүгін деп, Жұмаға қарсы өткені-ай…» (Абай) Шұбартауда дүниеге келді. Жондағы Жобалай Керейдің ең үлкен Аруағы Жобалай бидің ұрпағы еді. Байқотан би, Томан би, Бегеш шешен, Уәйіс, Төлеу ақын… Атағы Аталарынан асып кетті… Тірісінде олай деген жоқ… Бұл сөзді дүниеден өткен соң біз айтып отырмыз… Өмірінің соңғы кездері шетте өтті. «Үкіметке, басқаларға да өкпем жоқ, өкпелейтін олардың жағдайы жоқ!» (М.Мағауин) деген еді өзі бертінде. Астары ауыр, еңсеңді езердей салмақты сөз… Данышпан адам неге елден жырақ кетті. Бұл «Оңаша жатқанды ұнатамын, Елімді ел қылмасын ерте сезіп… Елден кеттім жырақ…» (Шәкәрім) дейтін кетіс сияқты. Сонда да «Көк