اۋا رايى: تاياۋ كۇندەرى 30 گرادۋسقا دەيىن اياز بولادى
تاياۋ كۇندەرى قازاقستاننىڭ سولتۇستىگىندە قار جاۋىپ، بوران سوعادى جانە باتىستان سوققان جەلدىڭ جىلدامدىعى سەكۋندىنا 15-25 مەترگە دەيىن جەتەدى، – دەپ حابارلايدى Tengrinews.kz تىلشىسى “قازگيدرومەت” كاسىپورنىنا سىلتەمە جاساپ.
“قازاقستاننىڭ ورتالىق اۋدانىنداعى تسيكلونعا قارا تەڭىزدەن اركتيكالىق اۋا كەلىپ جەتەدى. وسىعان بايلانىستى تۇنگى اۋا تەمپەراتۋراسى سولتۇستىكتەگى وبلىستاردا 23-30 گرادۋسقا دەيىن تومەندەيدى، ول نورمادان 4-8 گرادۋسقا تومەن”، – دەپ حابارلادى سينوپتيكتەر.
سونىمەن قاتار، مامانداردىڭ مالىمەتتەرىنە سەنسەك، رەسپۋبليكانىڭ وڭتۇستىك بولىگى بەلسەندى فرونتالدىق زونانىڭ ىقپالىندا، سوندىقتان بۇل وڭىرلەردە جاۋىن جاۋىپ، تۇمان تۇسەدى جانە كوكتايعاق بولادى. “بىراق جەرورتا تەڭىزىنەن جىلى ءارى ىلعالدى اۋانى الىپ كەلگەن وڭتۇستىك-باتىس اعىمىنىڭ اسەرىنەن اۋا تەمپەراتۋراسى نورمادان ءالى دە 3-6 گرادۋسقا جوعارى بولادى”، – دەدى مەتەورولوگتار.
ەسكە سالا كەتەيىك، بۇعان دەيىن سينوپتيكتەر ەلىمىزدە قاڭتار ايىندا اۋا رايىنىڭ قانداي بولاتىنىن ايتقان ەدى.
tengrinews.kz
copyRules
پىكىر قالدىرۋ