وڭتۇستىك قازاقستان وبلىسىندا جىل باسىنان بەرى 92 وقۋشى قىز جۇكتى بولىپ قالعان
وڭتۇستىك قازاقستان وبلىسىندا جىل باسىنان بەرى 92 وقۋشى قىز جۇكتى بولىپ قالعان. رەسمي مالىمەتتەردى ءوڭىردىڭ ءبىلىم باسقارماسىنىڭ جەتەكشىسى قۋاندىق قۇلجانوۆ كەلتىردى، – دەپ حابارلايدى Otyrar.kz.
وبلىستىڭ باس پەداگوگىنىڭ ايتۋىنشا، بۇل جاعدايعا اتا-انالار كىنالى. ولار وزدەرىنىڭ تىكەلەي مىندەتتەرىن ورىنداۋعا نيەتتى ەمەس. “ولاردىڭ كوبى اتا-اناسىنىڭ قامقورىنسىز قالعان جانە تولىق ەمەس وتباسىلاردان شىققان قىزدار. اتا-اناسى بارلار دا كەزدەسەدى. سوندىقتان جاسوسپىرىمدەرمەن دە، اتا-انالارمەن دە كەزدەسۋلەر وتكىزەتىن جۇمىس توبى قۇرىلدى”، – دەدى شەنەۋنىك.
وقو ءبىلىم باسقارماسىنىڭ باسشىسى قۋاندىق قۇلجانوۆ. © otyrar.kz
قۇلجانوۆ ءبىلىم سالاسىنداعى جەتىستىكتەرگە توقتالا كەلە، وبلىستا ءۇش تىلدە ءبىلىم بەرۋدى ەنگىزۋگە دايىندىقتاردىڭ ءجۇرىپ جاتقانىن ايتتى. “2016 جىلى ارنايى كۋرستاردان باستاۋىن سىنىپتاردىڭ 3452 مۇعالىمى، 6444 قازاق ءتىلى، ورىس ءتىلى جانە اعىلشىن ءتىلى مۇعالىمى”، – دەدى ول.
بيىل وقو-دا مەكتەپتى 30 مىڭنان اسا تۇلەك اياقتايدى. ولاردىڭ 1479-ى “التىن بەلگى” بەلگىسىنەن ءۇمىتتى، 602-ءسى ۇزدىك اتتەستات الۋعا ءۇمىتتى.
tengrinews.kz
پىكىر قالدىرۋ