Elimizde biıl qay öñirlerde 10 sotıq jerdi tegin aluğa bolatını anıqtaldı
QR Wlttıq ekonomika ministrliginiñ ökilderi qazaqstandıqtarğa jeke twrğın üy qwrılısına tegin 10 sotıq jerdi beru tärtibi turalı tüsinik berdi. Tengrinews.kz tilşisiniñ resmi saualına bergen jauabında vedomstvo ökilderi qazirgi uaqıtta tegin jer alu kezeginde 1 million 129 mıñ qazaqstandıqtıñ twrğanın habarladı.
Tizimde almatılıqtar köp eken – 112 546, Astanada – 101 234, Aqtöbe oblısı – 129 445, Almatı oblısı – 84 540, Aqmola oblısı – 100 832, OQO – 139 807.
Ministrliktegiler Qazaqstan azamattarınıñ 10 sotıq jerdi tegin aluğa qwqı bar ekenin eske saldı. Alayda jergilikti atqaruşı organdar kommunikaciya jürgizilgen jağdayda ğana beredi eken.
Elimizde bwl norma qabıldanğalı beri jeke twrğın üy qwrılısı jerlerin aluğa 1 547 141 ötiniş tüsipti. 2005 jıldan bastap qazaqstandıqtarğa 417 949 jer uçaskesi berildi: OQO – 81 190, Aqmola oblısı – 40 147, Almatı oblısı – 59 169, Mañğıstau oblısı – 43 276. Astana men Almatıda 10 jıl işinde halıqqa 1447 jäne 26 444 jer uçaskesi berilipti.
“Jeke twrğın üy qwrılısına beriletin tegin jer uçaskelerin alu üşin azamattıñ basında memleket tarapınan berilgen jer uçaskesi bolmauı kerek”, – dep habarladı QR WEM ökilderi.
Sonımen qatar, biıl Aqtöbe oblısında 7391 jer uçaskesi beriledi, Almatı oblısında – 11 511, Batıs Qazaqstan oblısı – 1748, Qızılorda oblısı, Oñtüstik Qazaqstan oblısı, Jambıl oblısı jäne Şığıs Qazaqstan oblısı. Almatı men Astana qalalarında, Mañğıstau, Qarağandı, Soltüstik Qazaqstan, Aqmola jäne Atırau oblıstarında jeke twrğın üy qwrılısına jer beru josparlanıp otırğan joq.
Vedomstvonıñ mälimetinşe, azamattardıñ jer alu turalı ötinişin jergilikti atqaruşı organ alañ men territoriya bos bolğan jağdayda qanağattandıradı. “Jeke twrğın üy qwrılısına jer uçaskeleri su jäne elektr jelilerimen qamtamasız etilgen jerlerde beriledi. Ortalıqtandırılğan sumen qamtamasız etilmegen eldi mekenderde jer uçaskeleri elektr jelileri bar bolğan jağdayda ğana beriledi”, – dedi Wlttıq ekonomika ministrligindegiler.
tengrinews.kz
Pikir qaldıru