استانادا جاڭا پانتەون سالۋعا 79 ملرد تەڭگە ءبولىندى
اۋماعى 1000 گەكتاردى قۇرايتىن پانتەون استاناعا ىرگەلەس جاتقان قابانباي باتىر اۋىلىندا بوي كوتەرەدى. اتالعان ەلدىمەكەن مۇنان كەيىن ەلوردا اۋماعىنا قوسىلادى دەپ جوسپارلانعان. جوبانىڭ قۇنى 79 ميلليارد تەڭگەنى قۇراپ وتىر دەپ حابارلايدى “استانا” تەلەارناسى.
استانا اكىمدىگى جاريالاعان ەڭ ۇزدىك ەسكيز-يدەيا بايقاۋىن “پروەكتنايا اكادەميا “كازگور” جشس جەڭىپ العان. ەلوردا اۋماعىنا جاڭا مازارمەن بىرگە بارلىعى 9 مىڭ گەكتار تەرريتوريا قوسىلادى دەپ كۇتىلۋدە. ال، پانتەون ورنالاساتىن قابانباي باتىر اۋىلى قالادان 17 شاقىرىم قاشىقتىقتا جاتىر.
“بۇگىنگى تاڭدا قوعامدىق كەڭەس وتكىزىلدى. وڭ شەشىم قابىلداندى. 26 مامىردا استانانىڭ كەزەكتى سەسسياسىنا ۇسىنامىز. ونىڭ قورىتىندىسى ماقۇلدانۋ ءۇشىن اقمولا وبلىسىنا جىبەرىلەدى. بۇل استانا قالاسى اكىمى مەن ءماسليحاتتىڭ بىرلەسكەن شەشىمى” دەيدى استانا قالاسى بويىنشا جەر قاتىناستارى باسقارماسى جەر كاداسترى ءبولىمىنىڭ باسشىسى شىڭعىس بەكتەمىر.
پانتەونعا ەلىمىزدىڭ تانىمال تۇلعالارى، مەملەكەت قايراتكەرلەرى، عىلىم، مادەنيەت سالالارىنىڭ قايراتكەرلەرى، مەملەكەتتىڭ دامۋىنا ۇلكەن ۇلەس قوسقان ازاماتتار جەرلەنەتىن بولادى.
Skifnews.kz
پىكىر قالدىرۋ