Astanada jaña panteon saluğa 79 mlrd teñge bölindi
Aumağı 1000 gektardı qwraytın panteon Astanağa irgeles jatqan Qabanbay batır auılında boy köteredi. Atalğan eldimeken mwnan keyin Elorda aumağına qosıladı dep josparlanğan. Jobanıñ qwnı 79 milliard teñgeni qwrap otır dep habarlaydı “Astana” telearnası.
Astana äkimdigi jariyalağan eñ üzdik eskiz-ideya bayqauın “Proektnaya akademiya “KazGor” JŞS jeñip alğan. Elorda aumağına jaña mazarmen birge barlığı 9 mıñ gektar territoriya qosıladı dep kütilude. Al, panteon ornalasatın Qabanbay batır auılı qaladan 17 şaqırım qaşıqtıqta jatır.
“Bügingi tañda qoğamdıq keñes ötkizildi. Oñ şeşim qabıldandı. 26 mamırda Astananıñ kezekti sessiyasına wsınamız. Onıñ qorıtındısı maqwldanu üşin Aqmola oblısına jiberiledi. Bwl Astana qalası äkimi men mäslihattıñ birlesken şeşimi” deydi Astana qalası boyınşa Jer qatınastarı basqarması jer kadastrı böliminiñ basşısı Şıñğıs Bektemir.
Panteonğa elimizdiñ tanımal twlğaları, memleket qayratkerleri, ğılım, mädeniet salalarınıñ qayratkerleri, memlekettiñ damuına ülken üles qosqan azamattar jerlenetin boladı.
Skifnews.kz
Pikir qaldıru