اقپارات جانە كوممۋنيكاتسيا ءمينيسترى Facebook الەۋمەتتىك جەلىسىندە پاراقشا اشتى
فەيسبۋكتەگى بۇل پاراقشانى مەن جۇمىسىما بايلانىستى اشىپ وتىرمىن.
بۇگىندە فەيسبۋك-قوعامداستىق قازاقستاندىقتاردىڭ ازاماتتىق بەلسەندىلىگىنىڭ ايناسىنا اينالدى. ەڭ ماڭىزدى ءارى وزەكتى ماسەلەلەر وسى جەردە تالقىلانادى. سوندىقتان، مەن سىزدەرمەن ۇدايى بايلانىستا بولۋ ارقىلى عانا قوعامنىڭ تىنىس-تىرشىلىگىنەن تولىق حاباردار بولاتىنىما سەنىمدىمىن.
ءبىزدىڭ مينيسترلىككە اقپارات كەڭىستىگىن، تەلەكوممۋنيكاتسيا نارىعى مەن مەملەكەتتىك قىزمەت كورسەتۋ سەكتورىن دامىتۋ جونىندە ماڭىزدى مىندەتتەر جۇكتەلدى.
ءبىز ءۇشىن ءاربىر قازاقستان ازاماتىنىڭ جۇرگىزىلىپ جاتقان رەفورمالار مەن قابىلداناتىن زاڭداردىڭ ءمانىن تۇسىنگەنى، ەڭ وزەكتى ماسەلەلەرگە قاتىستى ساۋالدارىنا مەملەكەتتەن ساپالى جاۋاپ العانى ماڭىزدى.
بۇل جۇمىستى ءبىز اشىقتىق پەن ەسەپتىلىك سياقتى ەڭ باستى قاعيداتتاردى نەگىزگە الا وتىرىپ جۇرگىزەتىن بولامىز.
ۆەدومستۆومىز قازىر ۇيىمداستىرۋ ماسەلەلەرىن شەشىپ جاتىر. تاياۋ ارادا جوسپارلارىمىزدى تانىستىرىپ، يدەيالار مەن ۇسىنىستاردى قاراستىرۋعا دايىن بولامىز.
ىنتىماقتاستىعىمىز جەمىستى بولادى دەپ سەنەمىن!
قۇرمەتپەن، داۋرەن اباەۆ.
پىكىر قالدىرۋ