ەسكى تاسىلمەن جازالاۋشى جۇيە وسى ەكپىنمەن كەتە بەرسە، كەلەسى جولى ءتىپتى “ەگەمەن” مەن “كازپراۆدانىڭ” تىلشىلەرى دە الاڭعا شىعىپ كەتەر…
21 مامىر كۇنگى جەر رەفورماسىنا قاتىستى ستيحيالىق جيىندار تۋرالى حابار تاراتۋ كەزىندە پوليتسيا ۇستاپ اكەتكەن جۋرناليستەر اراسىندا ازاتتىقتىڭ سەگىز ءتىلشىسى دە بولدى. جۋرناليستەردىڭ كاسىبي قىزمەتىن اتقارۋ قۇقىعىنىڭ بارلىق وڭىرلەردە بۇلايشا دورەكى تۇردە بۇزىلۋىن ءبىرىنشى رەت كوردىم. ۇستالعان جۋرناليستەردىڭ بارلىعى زاڭدى تۇردە تىركەلگەن باق وكىلدەرى (وپپوزيتسيالىق باق-تار ەلدە ونسىز دا قۋدالانىپ، جابىلىپ ءبىتتى عوي). ەسكى تاسىلمەن جازالاۋشى جۇيە وسى ەكپىنمەن كەتە بەرسە، كەلەسى جولى ءتىءپتى “ەگەمەن” مەن “كازپراۆدانىڭ” تىلشىلەرى دە الاڭعا شىعىپ كەتەر:) بيلىك باسىندا اقىلى ساۋ، ەسى دۇرىس ادامدار قالسا، بۇل سەنبى حالىقپەن تەڭ ديالوگ ورناتۋ، جەمقورلىقتان ارىلۋ جانە اشىق جۇيە قۇرۋعا قاتىستى ەلدىڭ سەنىمىنە يە بولۋ (جەر ماسەلەسى تەك تۇرتكى) جانە سىرتتان ارانداتۋشى دۇشپان ىزدەيتىن بولشەۆيكتىك كونسپيرولوگيا پرينتسيپتەرىنەن باس تارتۋ قاجەتتىگىن ۇقتىرىپ تۇر. جەر كوميسسياسىنداعى كەيبىر بەلسەندىلەر بيلىك شاقىرعان سايىن استاناعا ەلپىلدەي ۇشىپ، حالىق نارازىلىعىن قوزعاپ جىبەرگەن كوپ تۇرتكىنىڭ ءبىرىن عانا اۋىزدارى كوپىرىپ تالقىلاي بەرسە بولادى، ارينە. بىراق جازالاۋشى جۇيەنىڭ كوشەدەگى مىنا باسسىزدىعى مەن ەل ىشىندەگى زاپىراندى ىزانىڭ شىن سەبەبىن كورمەي وتىرا بەرسە، ۇكىمەت قۇرعان كوپ كەڭەستىڭ ءبىرى بولىپ قالادى-اۋ دەپ قاۋىپتەنەم.
ايتپاقشى، ازاتتىقتىڭ بلوكتالعان سايتىن اشا الماساڭىزدار azatkaz.info سىلتەمەسى ارقىلى كىرىڭىزدەر.
عالىم بوقاشتىڭ facebook پاراقشاسىنان الىندى
پىكىر قالدىرۋ