Eski täsilmen jazalauşı jüye osı ekpinmen kete berse, kelesi jolı tipti “Egemen” men “KazPravdanıñ” tilşileri de alañğa şığıp keter…
21 mamır küngi jer reformasına qatıstı stihiyalıq jiındar turalı habar taratu kezinde policiya wstap äketken jurnalister arasında Azattıqtıñ segiz tilşisi de boldı. Jurnalisterdiñ käsibi qızmetin atqaru qwqığınıñ barlıq öñirlerde bwlayşa döreki türde bwzıluın birinşi ret kördim. Wstalğan jurnalisterdiñ barlığı zañdı türde tirkelgen BAQ ökilderi (oppoziciyalıq BAQ-tar elde onsız da qudalanıp, jabılıp bitti ğoy). Eski täsilmen jazalauşı jüye osı ekpinmen kete berse, kelesi jolı tipti “Egemen” men “KazPravdanıñ” tilşileri de alañğa şığıp keter:) Bilik basında aqılı sau, esi dwrıs adamdar qalsa, bwl senbi halıqpen teñ dialog ornatu, jemqorlıqtan arılu jäne aşıq jüye qwruğa qatıstı eldiñ senimine ie bolu (jer mäselesi tek türtki) jäne sırttan arandatuşı dwşpan izdeytin bol'şeviktik konspirologiya principterinen bas tartu qajettigin wqtırıp twr. Jer komissiyasındağı keybir belsendiler bilik şaqırğan sayın Astanağa elpildey wşıp, halıq narazılığın qozğap jibergen köp türtkiniñ birin ğana auızdarı köpirip talqılay berse boladı, ärine. Biraq jazalauşı jüyeniñ köşedegi mına bassızdığı men el işindegi zapırandı ızanıñ şın sebebin körmey otıra berse, ükimet qwrğan köp keñestiñ biri bolıp qaladı-au dep qauiptenem.
Aytpaqşı, Azattıqtıñ bloktalğan saytın aşa almasañızdar azatkaz.info siltemesi arqılı kiriñizder.
Ğalım BOQAŞTIÑ facebook paraqşasınan alındı
Pikir qaldıru