Üş tilde oqıtu jüyesin engizu keyinge qaldırıldı
Ministrdiñ aytuınşa, ziyalı qauım ökilderi bilim jäne ğılım ministri Erlan Sağadivten atalğan özgeristerdi asıqpay engizudi jalınıp twrıp swrağan, dep habarlaydı baq.kz tilşisi.
«Til sayasatın damıtu oñay emes. Şının aytu kerek, jer mäselesi qozğalardıñ aldında üş tildikke qatıstı qozğalıs bolğan. Sol kezden bastap özimiz ikemsiz qimılımızben halıqtıñ köñilin birşama özgertip aldıq da, onıñ üstine jer turalı kodeksti kirgizdik. Sonımen qazir müldem ıñğaysız jağdayda otırmız», – dedi ministr bügin mädeniet jäne sport jönindegi qoğamdıq keñestiñ otırısında.
Ministrdiñ aytuınşa, bwğan deyin ziyalı qauım ökilderi üş tildi oqıtu jüyesimen asıqpaudı swrağan. «Bir jinalıs boldı, şını kerek. Mine, Mırzatay (Joldasbekov – avt.) ağamız otırdı, Nwrlan Orazalin otırdı. Meniñ kollegam (bilim jäne ğılım ministri Erlan Sağadiev – avt.) otırdı. (Ağalalar – avt.) jalınıp twrıp ayttı, osı üş tildikti asıqpayıqşı dep, qazaq tili men qazaq ädebietin äzirşe qospayıqşı, twra twrayıq dep. Aldımen filologiyanı rettep alayıq. Ädebietti…Bir sağat ekeui eki jaqtan jalındı. Joq, qoymay, endigi aptada zañ qabıldaymın, süytem-büytem dedi. Qazir endi körip twrsızdar, Elbası üş tildikti de toqtattı, 12 jıldıq bar, jazdıq kanikul bar. Ärine, oyı dwrıs. Biraq sonı aqıldaspay şeşemin degeni keri äserin tigizip jatır», – dep atap körsetti A.Mwhamediwlı.
Pikir qaldıru