Auıl şaruaşılığı salasında Qıtaydan qaşa beruge bolmaydı, qayta olarğa baruımız kerek. Bügin Jer reforması jönindegi komissiyanıñ otırısında prem'er-ministrdiñorınbasarı, komissiya törağası Baqıtjan Sağıntaev osılay mälim etti.

Bwl turalı nur.kz habarlaydı.

«Qıtaymen auıl şaruaşılığı salasındağı saudanı damıtu bügingi küni köterilgen mäsele emes, birşama jıldar boyı aynalısıp kelemiz. Öytkeni, Qıtay özine kiretin auıl şaruaşılığı tauarlarınıñ bärin standarttap tastağan. Olarğa sırttan önim kirmeydi. Endi Qazaqstan ne istey aladı? Etti alsaq, bıltır altı mıñ tonna ğana et şetelge şığardıq. Onı Reseyge ğana apardıq. Al şekaralıq aumaqtağı Qıtay jılına Qazaqstannan tört mıñ tonna etti satıp aluğa äzirligin tanıtıp jatır», – dedi Baqıtjan Sağıntaev.

Onıñ aytuınşa, Qazaqstanğa Qıtay ülken mümkindikter berip otır. Al mal önimderiniñ, ettiñ sapası Qazaqstanda jaqsı, bağası da bäsekege qabiletti. Sondıqtan da, Qazaqstannıñ etin aluğa Qıtay müddeli.

«Bwğan deyin Qıtayğa astıq ötkizu öte qiın bolatın. Sonı wzaq jıldar boyı kelisip jürip, kelistik. Qıtayğa bwrın qappen ğana biday tasuğa rwqsat etilgen edi. Qazir onıñ qapşığın alğızıp tastadıq, qalay aparsaq ta boladı. Kvotasın aldıq. Endi osınday kelisimşarttardan biz ne wtılamız?», dedi Sağıntaev.

«Jalpı Qıtaydan qaşuğa bolmaydı. Kerisinşe, olarğa baruğa tiispiz. Elbası keşe tağı da ayttı, şeteldik investorlarğa, bizge seniñder dedi. Aqşa qwyıñdar, jwmıs orındar aşıñdar, salıq töleñder dep otır. Odan qazaq wtıla ma? Sondıqtan da, dwrıs tüsineyik, dwrıs tüsindiruge tırısayıq. Jerdi eşkim de şeteldikke satayın dep otırğan joq. Biz auıl şaruaşılığın damıtqımız keledi. Osını jwrtqa dwrıs tüsindirseñizder», – dedi prem'er-ministrdiñ orınbasarı.