Jiında biılğı 5 – 6 mausımda Aqtöbe qalasında bolğan oqiğağa bağa berilip, eldegi qauipsizdikti qamtamasız etu jönindegi is-şaralardıñ tizbesi anıqtaldı. Sonday-aq Bas prokuror J.Asanovtıñ, İşki ister ministri Q.Qasımovtıñ, Wlttıq qauipsizdik komitetiniñ törağası V.Jwmaqanovtıñ jäne Aqtöbe oblısınıñ äkimi B.Saparbaevtıñ bayandamaları tıñdaldı.

Qazaqstan Prezidenti qaza bolğan äskeri qızmetşiler men elimizdiñ beybit twrğındarınıñ tuğan-tuıstarı men jaqındarına keñes müşeleriniñ jäne jeke öziniñ atınan köñil ayttı. Qaza bolğandardıñ otbasılarına memleket tarapınan jan-jaqtı kömek körsetiletini atap ötildi.

Nwrswltan Nazarbaev qılmıskerlerge qatıstı äreketterdi qoldağanı jäne keşegi Wlttıq aza twtu küninde birlik körsetkeni üşin barşa qazaqstandıqtarğa alğıs ayttı.

Memleket basşısı policiya, Wlttıq wlan, arnaulı bölimşeler qızmetkerlerine terroristerge layıqtı qarsı twra bilgenderi üşin rizaşılıq bildirdi.

Qazaqstan Prezidenti jasalğan şabuıldardı mänsiz jäne zwlım äreket retinde atap ötti.

– Mwnıñ dästürli emes salafizm dini ağımı jolın wstanuşılar tobınıñ  terroristik şabuılı ekenin biz qazir bilip otırmız. Respublikada din wstanu bostandığına kepildik bere otırıp, biz dinniñ atın jamılıp eldegi jağdaydı uşıqtıruşılardıñ barlığına qatañ toytarıs beru nietindemiz, – dedi Memleket basşısı.

Nwrswltan Nazarbaev terroristerdiñ josparına qaramastan beybit halıq arasında köp adam şığınına jol berilmegenine nazar audardı.

– Küş qwrılımdarınıñ äreketi qılmıskerlerdiñ tügelge juığınıñ közin joyuğa mümkindik berdi, birneşeui izdestirilude. Bizdiñ qwqıq qorğau organdarımız barlığın tabadı dep oylaymın, olar tiisti jazasın alatın boladı. Terroristik aktiler qoğamnıñ köñil-küyin özgertti, halıq olardı ädil ayıptap, batıl äreket kütedi, – dedi Qazaqstan Prezidenti.

Osı orayda Memleket basşısı wlttıq qauipsizdikti qamtamasız etuge bağıttalğan strategiyalıq jäne jüyeli sipattağı birqatar tapsırmalar berdi.

Atap aytqanda, Qazaqstan Prezidenti Ükimetke eki aydıñ işinde terrorizm men ekstremizmge, qaru aynalımı men onı saqtauğa jäne satuğa qarsı äreket etu salasındağı, köşi-qondı jäne dini birlestikterdi retteu salasındağı zañnamalıq bastamalar jiıntığın äzirleudi tapsırdı.

– Halıqaralıq terroristik wyımdarğa qatısı bar Qazaqstan azamattarına qatıstı jazalau şaraların küşeytu mäselesin qarastırğan jön. Bwl rette olar memleketimizdiñ müddesine satqındıq jasap, öz Otanına qarsı soğıs jolına tüsip otırğanın eskeru qajet. Bwdan bölek, terroristik qauip jönindegi dabıl boyınşa ötkizilui ıqtimal arnaulı şwğıl şaralar wyımdastıru jeñildetilsin. Osı zañnamalıq bastamalardıñ barlığın biılğı zañ şığaru jwmısı josparına kirgizu qajet, – dedi Memleket basşısı.

Nwrswltan Nazarbaev bolıp ötken oqiğalar küş qwrılımdarınıñ jwmıs täsilderin tübirimen qayta qarau qajettigin körsetkenin ayttı.

– Zañnamamızdı qataytıp, osı salağa qatıstı qabıldanğan bağdarlamalarğa taldau jürgizetin jäne tiisti özgerister engizetin kez keldi,  – dedi Qazaqstan Prezidenti.

Memleket basşısı AQŞ, Izrail', Germaniya jäne özge de birqatar şet memleketterde şetten keletin qarajattıñ paydalanıluınıñ jariyalılığın qamtamasız etuge bağıttalğan türli täsilder qoldanılatının atap ötti.

– Ükimet osı täjiribeni qarastırıp, Qazaqstanda bizdiñ azamattar men wyımdardıñ şet elden qarjılandırılu isiniñ monitoringin engizuge qatıstı wsınıstar berui qajet, – dedi Nwrswltan Nazarbaev.

Qazaqstan Prezidenti qarudıñ barlıq türine elimizde tiım salu jöninde qoğamda köterilip otırğan mäsele mwnday  radikaldı şaralardı qoldanbay-aq qauipsizdikti qamtamasız etu mümkindigi twrğısınan mwqiyat zertteudi qajet etetinin ayttı.

– Zañnamalıq twrğıdan qaru aynalımın, onı saqtau tärtibin qadağalau küşeytilsin, bwl tärtipti bwzğanı üşin jauapkerşilik qataytılsın, osı qızmetpen aynalısatın barlıq sub'ektilerge keşendi tekseris jürgizilsin. İşki ister ministrligi tez äri rwqsatsız qoldanuğa jaramdı qarudı satuğa tiım salatın, sonday-aq qaru, oq-däri jäne jarılğış zattar saqtalatın nısandar küzetine qoyılatın biliktilik talaptarın küşeytudi qamtamasız etuge arnalğan özgeristerdi qajet bolğan jağdayda bir ay merzim işinde zañnamağa engizsin. Bwdan bölek, köppäterli üylerde emes, arnaulı ğimarattarda boluğa tiis qaru-jaraq dükenderiniñ ornalasqan jerleri anıqtalsın, – dedi Memleket basşısı.

Nwrswltan Nazarbaev baqılausız köşi-qonnıñ, jerdi öz betimen basıp alğandardıñ zañsız qonıstarınıñ qılmıs üşin qolaylı ortağa aynalıp otırğanına nazar audardı.

– Ükimet zamanaui tehnologiyalarğa negizdelgen integraldanğan migraciyalıq baqılau jüyesin qwru jwmısın tezdetip, daktiloskopiyalıq tirkeu turalı zañ jobasın äzirleuge kirisui kerek. Oğan deyin  halıqtı tirkeuge qoyu jäne esepke alu mehanizmderin orındau qamtamasız etilsin. Barlıq äkimderge osı jwmıstı jürgizip, ärbir jartı jıl sayın ol turalı bayandap otırudı tapsıramın. Elimizge keletin bosqındardıñ mindetti türde tirkeuge twru mümkindigin qarastırğan jön. Osı aytılğannıñ bäri zañdar men basqa da normativtik qwqıqtıq aktilerde körinis tabuı kerek. Bwl eldegi qauipsizdik pen qoğamdıq tärtiptiñ müddesi üşin jüzege asırıladı. Ükimet İşki ister ministrligi janınan migraciyalıq üderisterdi baqılau men retteu jäne osı salada taldau jürgizu isine jauap beretin Köşi-qon mäseleleri jönindegi wlttıq byuro qwru jwmısın tezdetkeni jön, – dedi Qazaqstan Prezidenti.

Memleket basşısı Aqtöbedegi oqiğalar mañızdı mekemelerdiñ, halıq köp jinalatın nısandardıñ küzetin küşeytu qajettigin de körsetip bergenin atap ötti.

– Barlıq äuejaylardı, avtovokzaldar men temirjol vokzaldarın özge elderdegidey zamanaui tekseru jüyelerimen, aulalardı sapalı beynebaqılau qwraldarımen jabdıqtağan jön. Bwl şaralardıñ biri de azamattarğa qolaysızdıq tuğızbauı kerek, – dedi Memleket basşısı.

Qazaqstan Prezidenti terroristik akt jäne tötenşe jağday orın alğan kezde jasalatın is-äreketterdiñ halıqqa tüsinikti algoritmin äzirleu qajettigine  nazar audardı.

– Ärbir ülken qalada mindetti türde halıqtı dereu qwlaqtandıru jüyesi jwmıs istep twruğa tiis, – dedi Qazaqstan Prezidenti.

Nwrswltan Nazarbaev äskeri qalaşıqtardı, äskeri bölimderdi, oq-däri men qaru-jaraq saqtalatın orındardı qosa alğanda, barlıq äskeri nısandardı qorğau şaralarına ayrıqşa köñil bölu kerektigin atap körsetti.

Memleket basşısı halıqpen jwmıs jürgizu isin tübegeyli jaqsartu kerektigin ayttı.

– Ärbir jwmıssız adam bizdiñ esebimizde boluğa tiis. Densaulıq saqtau jäne äleumettik damu ministrligi äkimdiktermen birlese otırıp, är adammen jeke jwmıs jürgizip, eki ay merzim işinde halıqtıñ osı böligin jwmıspen qamtu jöninde wsınıstar engizui tiis. Qajet jağdayda Eñbek kodeksine tiisti özgerister engizu jöninde bastamalar wsınu kerek, – dedi Nwrswltan Nazarbaev.

Qazaqstan Prezidenti policiya qızmetkerlerimen halıqtıñ qarım-qatınası zañnama arqılı ayqın reglamenttelui tiistigine nazar audardı.

-  Policeylerge şabuıl jasau, qwrmetsizdik körsetu faktileriniñ barlığına qwqıq qorğau jüyesi tarapınan qatañ qwqıqtıq bağa beriluge tiis. Qajet bolğan jağdayda zañdarğa özgerister engizgen jön. Forma kigen adam memlekettiñ ayrıqşa qorğauında boluı kerek, qızmettik mindetin orındau barısında onıñ ömirine qol swğılmauşılıqtıñ qamtamasız etiluine  kepildik beriluge tiis. Bwl rette policiya ökiliniñ özi de soğan say boluı kerek. Osığan baylanıstı barlıq qoğamdıq instituttardı, azamattıq qoğamdı qwqıqtıq tärtipti saqtau organdarına qoldau körsetuge, el qauipsizdigine barınşa üles qosuğa şaqıramın, – dedi Memleket basşısı.

Nwrswltan Nazarbaev qılmıspen küresu üşin barlıq qajetti resurstı bölu kerek ekenin ayttı.

– Nege biz mwnday şaralar qoldanuğa mäjbür bolıp otırğanımızdı azamattarımız dwrıs tüsinedi dep oylaymın. Elimizdegi tınıştıq pen twraqtılıq – memlekettiñ damuı üşin jäne biz barlıq  maqsatımızğa jetuimiz üşin qajetti bastı şart. Biz bwl aytılğan şaralarmen şektelmeymiz.  Jaqın arada özge mäseleler boyınşa da keşendi şeşimder qabıldanatın boladı. Sözimdi Qazaqstannıñ barlıq azamattarına arnaymın – bizdiñ elimizde tınıştıq pen twraqtılıqtıñ saqtaluı qamtamasız etiledi. Ol üşin bizde barlıq mümkindikter bar, resurstar jäne adamdar jetkilikti, – dedi Qazaqstan Prezidenti.