ÄKKİ ŞENUNİKTERDİÑ ORALUI
Sonımen Memleket basşısı arnayı Jarlıqpen Prezident äkimşiliginiñ basşısı bolıp tağayındalğan Ädilbek Jaqsıbekovti jaña ğana Aqorda wjımına tanıstırdı. Ädilbek mırza bwğan deyin 2004-2008 jıldar aralığında Prezident äkimşiligin bir ret basqarıp körgen. Al Nwrlan Nığmatullin bügin Mäjilis deputatı bolıp tağayındalıp edi, endi erteñ-bürsügüni deputattar onı spikerlikke saylap jiberedi-au dep “qorqıp” otırmız. Ol da bwdan bwrın, 2012 jılı 20-şı qañtardan 2012 jılı 3-säuir aralığında Parlamenti Mäjilisiniñ Törağası qızmetin bir ret atqarıp qoyğan.
Äset Isekeşovtiñ Astana qalasınıñ äkimi bolıp tağayındaluına baylanıstı onıñ ornına Investiciyalar jäne damu ministri bolıp Jeñis Qasımbek tağayındaldı. Baqtıqoja İzmwhambetov Ömirzaq Ozğanbaevtıñ ornına Respublikalıq ardagerler wyımınıñ törağası bolıp saylandı. İşki mümkindigi mol Baqtıqojanıñ bwl qızmetine şınımen qoñıltaqsıp qaldıq. Deputattıq orıntaq kerek bolıp qalğan ğoy.
Meni oylandıratını bir orında istep ketken adamdardıñ sol orınğa ekinşi ret qaytıp oraluı (K.Mäsimov, Ä.Jaqsıbekov, N.Nığmatullin) siyaqtı faktiler Qazaqstanda kadrlıq tapşılıq orın alıp otırğanın, Elbasığa «senimdi» adamdar leginiñ mülde azdığın bayqatadı. Äri jaña da köne kadrlar memlekettik bilikti nığaytpaytını, kürdeli özgerister jasauğa qwlıqsız bolatını ras. Wlttıq müddelerdi alğa jıljıtu ornına äkki şeneunikter köbine özderiniñ süyikti «kilemastı» oyındarımen şwğıldanıp ketedi-au degen küdik te joq emes.
Bir süyiniştisi Nwrlan Nığmatullinniñ Aqordadağı ıqpalınıñ älsireuimen Serik Ahmetovke, Seyitqazı Mataevqa, t.b. tağılğan ayıptar bosañsır, ädilettilikke jetudiñ auır jolı jeñilder dep ümittenemiz.
Pikir qaldıru