Jañalıqtar Suretter söyleydi Tarih Qazaq handığına 550 jıl Qazaq şejiresi
Carmat kezeñiniñ sarbazdarı tabıldı
Oba üyindisiniñ ortasındağı negizgi qabir şwñqırınıñ şetine qoyılğan üşinşi jauıngerdiñ qoramsağınan 184 qola jebeler tabıldı…
Biılğı dalalıq mausımda Qazaqstan Respublikası Wlttıq muzeyiniñ «Halıq qazınası» ğılımi-zertteu institutı elimiz boyınşa är tarihi kezeñderdi qamtitın onnan astam nısanda arheologiyalıq zertteu jwmıstarın jürgizude. Kezekti zertteulerdiñ biri – Aqtöbe oblısınıñ Qobda audanında ornalasqan j.s.d. VI–V ğğ. jatatın Törtoba jerleu-ğwrıptıq keşeninde jalğastı. Bwl keşendegi biılğı atqarılğan jwmıstar men alınğan mağlwmattar turalı ekspediciya jetekşisi, tarih ğılımdarınıñ kandidatı Aqan Oñğarwlı qısqaşa bayandaydı. «Savromattıq jergilikti bilik äuleti ökiliniñ qwrmetine salınğan Törtoba jerleu-ğwrıptıq keşenindegi zertteu jwmıstarı 2011 jıldan bastalğan-dı. Bes jıldıq keşendi zertteuler barısında eskertkiştiñ aynalasınan är tarihi kezeñniñ 7 jerleu ornı men 2 ğwrıptıq räsimderatqarğan nısandar zerttelindi. İri arhitekturalıq eskertkiş sanalatın diametri 50 m, biiktigi 4,7 m topıraq üyindili obada qwrılıstıñ salınu kezeñderin anıqtauğa baylanıstı qazba jwmıstarın jürgizu barısında biıl eki jauıngerdiñ tonalmağan jerleu ornı aşıldı». «Bwl jerleuler negizgi eskertkiş twrğızılğannan birneşe jüz jıldan keyin jasalınğan. «Er quatı – qaruı» degendey, eki jauınger atu qaruı – oqqa tolı qoramsaqtı sadaqpen (sadaqtıñ tek izi saqtalınğan), tüyreu qaruı – temir wştı nayzasımen jäne kesu qaruı – qılış, qanjarımen birge jerlengen. Oba üyindisiniñ ortasındağı negizgi qabir şwñqırınıñ şetine qoyılğan üşinşi jauıngerdiñ qoramsağınan 184 qola jebeler tabıldı…», – deydi A.Oñğarwlı
e-history.kz
Pikir qaldıru