Mäsimov ayıppwl töledi
QR prem'er-ministri Kärim Mäsimov Instagram jelisinde Aqmola oblısında Burabayğa qaray velosipedpen jürgeni beynelengen suretin jariyalağan edi. Al bügin osı avtomagistral'men jol-qozğalısı erejesi boyınşa velosipedpen jüruge bolmaytını turalı aytıp, ayıppwl tölegenin mälimdedi, – dep habarlaydı Tengrinews.kz tilşisi. Ol jol erejesin bwzğanı üşin 10 605 teñge somasında ayıppwl tölegen.
QR ükimetiniñ basşısı jariyalağan surette velosipedpen twrğanı jäne ayıppwlı körsetilgen. Al sipattamasına prem'er-ministr “Zañdar men erejeler barşağa ortaq. Velosipedtegi Prem'er üşin de”, – dep jazdı ol.
“Ayıppwlğa velosipedpen jüru tıyım salınğan Astana-Burabay avtomagistralinde jasalğan fotosuret sebep boldı. Fotosuret prem'er-ministrdiñ Instagram əleumettik jelisinde jariyalanıp, qaznet paydalanuşılarınıñ arasında keñ taldauğa ie boldı. Qazaqstandıqtardıñ K. Məsimovtiñ salauattı ömir saltı men Prem'er-Ministrdiñ memlekettik qızmetkerdiñ zamanaui imidjine səykes boluğa ıntası jaylı jaqsı pikirlerimen qatar zañ bwzuşılıqqa jol berilgeni turalı pikirler de boldı. “Məsimovke qatıstı ötiniş tirkeldi. Endi joğarı lauazımdı şeneunikti JJE bwzğanı üşin əkimşilik jauapkerşilikke tarta ma köremiz”, – dep jazdı “Azamattıq patrul'” qozğalısınıñ belsendileri. Prem'er-Ministr əleumettik jelilerdegi talqılaudı eskerip, ayıppwl töledi jəne osılayşa Qazaqstanda zañ aldında bəri teñ ekenin däleldedi”, – delingen prem'er-ministrdiñ saytında.
Ayta keteyik, ükimet basşısı bügin tağı bir video jariyalağan edi. Video sipattamasında “Sätti künniñ bastauı” delingen.
tengrinews.kz
Pikir qaldıru