Jañalıqtar Zuqa batır 150 jıl Qazaq handığına 550 jıl
Almatıda düniejüzi qazaqtarınıñ halıqaralıq öner festivali ötedi
Düniejüzi qazaqtarınıñ qauımdastığı dästürli şeteldegi qazaqtar arasında ötetin öner festivalin ötkizedi. Qazan ayınıñ 7-si küni ötetin halıqaralıq öner dodası “Almatı – Täuelsizdiktiñ altın besigi” dep ataladı. Qazaqstan Respublikasınıñ täuelsizdigine 25 jıl toluına jäne Almatı qalasınıñ 1000 jıldığına oray ötetin şara alıstağı ağayındı bir-birimen baylanıstırıp, bir-birimen tanıstırudı közdeydi, deydi BAQ.kz tilşisi.
QR Mädeniet jäne sport ministrligi Tilderdi damıtu jäne qoğamdıq-sayasi jwmıs komitetiniñ qoldauımen Düniejüzi qazaqtarınıñ qauımdastığı wyımdastırıp otırğan halıqaralıq festival'ge 21 memlekette twratın qandastarımız qatısuğa niet bildirip otır. Festival' ayasında “döñgelek üstel”, suret körmesi, müşayra, terme sayısı jäne gala koncert ötetin boladı.
Sonımen qatar, biılğı festival' barısında Zuha batırdıñ 150 jıldığına qatıstı da alıs-jaqınnan kelgen qandastarımızdıñ arasında tolıqtay tanıstıru jwmıstarı jürilip, batırdıñ qazaq tarihında alar orını turalı söz bolmaqşı.
İs-şara qazan ayınıñ 7-si küni Almatıdağı M.Äuezov atındağı Qazaq memlekettik akademiyalıq drama teatrında ötedi.
Qazaqstan Respublikası Mädeniet jäne sport ministrliginiñ Tilderdi damıtu jäne qoğamdıq-sayasi jwmıs komiteti 2016 jıldıñ qazan ayında Almatı qalasında «Almatı – täuelsizdiktiñ altın besigi» attı şetelde twratın jäne oralman qazaq jastarınıñ öner festivali ayasında suret körmesin ötkizudi josparlap otır.
EREJESİ
Maqsatı: şeteldegi darındı qazaq jastarınıñ beyneleu öneri türlerin meñgerudegi şığarmaşılıq şeberligine basa nazar audaru. Olardıñ otansüygiştik, ruhani, wlttıq naqışta beynelengen, somdalğan tıñ taqırıptağı şığarmaların nasihattau.
Mindeti: beyneleu öneri türleri salasında şığarmaşılıq şınayı tuındıların şıñdap jürgen şeteldegi qandas jastarımız ben oralman qazaq jastarınıñ eñbekterin köpşilikke tanıtu.
Körmege qatısu şarttarı:
1. suretşiniñ jas mölşeri 18-35 jas aralığında boluı tiis,
2. avtordıñ ömirbayanı, tolıq mekenjayı jäne oqu ornı, jwmısı, telefonı körsetilui kerek,
3. keskindeme şığarma kölemi 100×150 sm-den kem nemese aspauı tiis (materialdarı: maylı boyau, guaş', akvarel', kenep, karton, aq qağaz)
4. Grafikalıq şığarma kölemi 40×90 sm (materialdarı: ofort, linogravyura, gravyura, litografiya t.b.) körkemdik deñgeyi talapqa say, taqırıpqa meylinşe layıq boluı tiis.
Ärbir avtordıñ körkem şığarması talapqa say bezendirilip (baget), sanı
5-7-den aspauı kerek.
Suretşiler özderiniñ tolıq atı-jöni, ömirbayanı, baylanıs telefondarı, twrğılıqtı mekenjayın körsetip, hat jazuı kerek. Wyımdastıruşılar avtorlarğa özderi körsetken baylanıs telefondarı arqılı habarlasadı.
Jeñimpazdar diplomdarmen jäne aqşalay sıylıqtarmen marapattaladı.
Suretşiler özderiniñ hattarın mına mekenjayğa jibere aladı:
Düniejüzi qazaqtarı qauımdastığınıñ üyi (Almatı qalası, Ş.Uälihanov köşesi, 43A nemese elektrondıq adres: kazaktar.kz@mail.ru, tugan_til79@mail.ru
Tel.: 8(727) 2739025; tel./faks: 8(727) 2739997
Oğan qosa:
Şeteldik jäne oralman qazaq jastarınıñ arasında Qazaqstan täuelsizdiginiñ 25 jıldığına oray jır müşäyrası men termeşiler sayısı ötedi.
Qazaqstan Respublikası Mädeniet jäne sport ministrliginiñ Tilderdi damıtu jäne qoğamdıq-sayasi jwmıs komiteti 2016 jıldıñ qazan ayında Almatı qalasında «Almatı – täuelsizdiktiñ altın besigi» attı şetelde twratın jäne oralman qazaq jastarınıñ öner festivali ayasında jır müşäyrası men termeşiler sayısın ötkizedi.
EREJESİ
Müşäyra men terme sayısınıñ maqsatı:
- Şeteldegi jas qazaq aqındarınıñ jırların bayqauğa qatıstıru arqılı olardıñ wlttıq, otanşıldıq sezimin, Atajwrtqa degen mahabbatın arttıru, memlekettik tildiñ märtebesin odan äri köteru, äli tanıla qoymağan aqındardı, jırşı-termeşilerdi anıqtau, jas darın ielerin jwrtşılıqqa tanıstıru;
- Qazaq jastarı arasında otansüygiştikti keñinen nasihattau, öskeleñ wrpaqtıñ boyına wlttıq ruhtı siñiru, täuelsizdikti tereñ sezindiru, eldik mäselelerge sergek qarau.
Müşäyra men terme sayısınıñ şartı:
Müşäyra men terme sayısına 35 jasqa deyingi şetelde twratın jäne elimizden tıs aymaqtarda tuıp-ösip, qazir atajwrtqa oralğan jas qazaq aqındarı men jırşı-termeşileri qatısa aladı.
Avtordıñ şığarması bwrın eş jerde jariyalanbağan boluı kerek.
Bir aqın üş öleñmen qatısa aladı.
Birinşi öleñi – atameken, el men jer, eldik, patriottıq mäseleler taqırıbında boluı kerek (mindetti);
Ekinşi öleñi – Zuqa batırdıñ tuğanına 150 jıl toluına oray batırdıñ erligi men ömiri turalı (mindetti);
Üşinşisi erkin taqırıptağı öleñ boluı qajet.
Terme sayısı erkin taqırıpqa qwrıladı. Termeşilerdiñ orındauşılıq şeberligine bağa beriledi.
Termeşiler Düniejüzi qazaqtarı qauımdastığınıñ «Atajwrt» baspa ortalığına aldın ala habarlasıp, tirkeuden ötuge, mümkindigi bolsa, orındaytın termeleriniñ ünjazbasın tapsıruğa mindetti.
Öleñder 2016 jıldıñ 15 qırgüyegine deyin qabıldanadı. Jiberiletin öleñ mätininiñ astına avtordıñ tolıq atı-jöni, ömirbayanı, baylanıs telefondarı, twrğılıqtı mekenjayı körsetilui şart.
Wyımdastıruşılar avtorlarğa özderi körsetken baylanıs telefondarı arqılı habarlasadı. Aldın ala irikteuden ötip, konkursqa jiberilgenderdiñ arasınan arnayı ädilqazılar alqasınıñ qatısuımen jüldegerlerdi anıqtau, olardı marapattau räsimi 2016 jıldıñ qazan ayındağı festival' ayasında ötkiziledi.
Ädilqazılar alqasınıñ şeşimimen jeñimpazdarğa bes däreje boyınşa jülde (aqındarğa bölek, termeşilerge bölek) tağayındaladı.
Müşäyra men terme sayısınıñ jeñimpazdarı diplomdarmen jäne aqşalay sıylıqtarmen marapattaladı.
Aqındar öleñderin «Müşärayğa» degen atpen mına mekenjayğa jibere aladı: Düniejüzi qazaqtarı qauımdastığınıñ üyi (Almatı qalası, Ş.Uälihanov köşesi, 43A nemese elektrondıq adres: kazaktar.kz@mail.ru, tugan_til79@mail.ru
Tel.: 8(727) 2739025; tel./faks: 8(727) 2739997
Pikir qaldıru