كارىم ءماسىموۆ كەتتى، ۇكىمەت قالدى!
الەۋمەتتىك جەلىلەردە كارىم ءماسىموۆتىڭ دوعارىسقا كەتۋى تۋرالى قاۋەسەت شىندىققا اينالدى. بۇگىن، 8-قىركۇيەكتە مەملەكەت باسشىسى نۇرسۇلتان نازارباەۆتىڭ جارلىعىمەن كارىم قاجىمقانۇلى ءماسىموۆ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى بولىپ تاعايىندالىپ، قازاقستان رەسپۋبليكاسىنىڭ پرەمەر-ءمينيسترى قىزمەتىنەن بوساتىلدى.
وسى جارلىققا سايكەس قازاقستان رەسپۋبليكاسىنىڭ ۇكىمەتى قازاقستان رەسپۋبليكاسى ۇكىمەتىنىڭ جاڭا قۇرامى بەكىتىلگەنگە دەيىن ءوز مىندەتتەرىن اتقارا بەرەتىن بولدى.
قازاقستان رەسپۋبليكاسى پرەمەر-ءمينيسترىنىڭ مىندەتتەرىن ۋاقىتشا اتقارۋ قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ءابدىرۇلى ساعىنتاەۆقا جۇكتەلدى.
مەملەكەت باسشىسى نۇرسۇلتان نازارباەۆتىڭ وكىمىمەن ۆلاديمير زەينوللاۇلى جۇماقانوۆ قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىنە تاعايىندالۋىنا بايلانىستى ۇلتتىق قاۋىپسىزدىك كوميتەتىنىڭ توراعاسى قىزمەتىنەن بوساتىلدى.
قازاقستان ۇكىمەتىندەگى وزگەرىستەر ەندى ورىن الاتىن شىعار. كىمدى قايدان كورگىلەرىڭىز كەلەدى، ۇسىنىستارىڭىز بولسا ايتىڭىزدار!
پىكىر قالدىرۋ