Kärim Mäsimov ketti, Ükimet qaldı!
Äleumettik jelilerde Kärim Mäsimovtıñ doğarısqa ketui turalı qaueset şındıqqa aynaldı. Bügin, 8-qırküyekte Memleket basşısı Nwrswltan Nazarbaevtıñ Jarlığımen Kärim Qajımqanwlı Mäsimov Qazaqstan Respublikası Wlttıq qauipsizdik komitetiniñ Törağası bolıp tağayındalıp, Qazaqstan Respublikasınıñ Prem'er-Ministri qızmetinen bosatıldı.
Osı Jarlıqqa säykes Qazaqstan Respublikasınıñ Ükimeti Qazaqstan Respublikası Ükimetiniñ jaña qwramı bekitilgenge deyin öz mindetterin atqara beretin boldı.
Qazaqstan Respublikası Prem'er-Ministriniñ mindetterin uaqıtşa atqaru Qazaqstan Respublikası Prem'er-Ministriniñ birinşi orınbasarı Baqıtjan Äbdirwlı Sağıntaevqa jükteldi.
Memleket basşısı Nwrswltan Nazarbaevtıñ Ökimimen Vladimir Zeynollawlı Jwmaqanov Qazaqstan Respublikası Prezidentiniñ keñesşisi qızmetine tağayındaluına baylanıstı Wlttıq qauipsizdik komitetiniñ törağası qızmetinen bosatıldı.
Qazaqstan Ükimetindegi özgerister endi orın alatın şığar. Kimdi qaydan körgileriñiz keledi, wsınıstarıñız bolsa aytıñızdar!
Pikir qaldıru