Qazaqstan Prezidenti Nwrswltan Nazarbaev G20 sammitiniñ gala-koncertin süysine tamaşaladı. Elbası koncertten alğan äserimen qazaqstandıq jurnalisterge arnalğan brifingte bölisti. Bwl turalı «QazAqparat» portalı habarlaydı.
«Qazaqstandıqtarğa körsetiñizder. Keşe bizge körsetken koncerti küşti äser etti, ğalamat! Sudağı «Aqqu köli»: sudı jalañ ayaq şalpıldatıp keşip, biledi, subwrqaqtardı qolmen, ojaumen jasaydı. Barlığı jüzip jür jäne ketip qaladı: qabırğalar, orkestr, orındauşılar. Jalpı ğajap boldı, qanşama tehnika qoldanıldı. Rejisseri Olimpiada oyındarınıñ (2008 jılğı Beyjiñ jazğı oyındarı QazAqparat eskertpesi) aşıluın qoyğan adam eken», – dedi Memleket basşısı.
Osı orayda QR Prezidenti G20 sammiti gala-koncetin qoyğan qıtaylıq rejisserdi Qazaqstan Täuelsizdiginiñ 25 jıldığına arnalğan koncertti dayındauğa şaqıru jayında oylanıp qalğanın ayttı.
«Al biz qayda jasaymız? Esilde me? Bizde suda jasauğa kelmeydi. Mümkin qardıñ üstine şığar? Biz köp närseni köremiz, biraq olar (Qıtay – eskertpe) mwnı tamaşa, auqımdı jasay aladı. Men bwl jerge birinşi ret kelip otırğanım joq», – dedi N.Nazarbaev.
Bwl rette Memleket basşısı Täuelsizdik sarayı ğimaratınıñ auqımı QHR Halıq jinalısı Bükilqıtaylıq halıq ökilderi jinalısı ğimaratına balama retinde jasalğanın atap ötti.
«Täuelsizdik sarayın men ülgi retinde aldım. Osı jerdegi Halıq ökilderi üyin kördim, ol öte ülken, ülken jiındar ötkizuge arnalğan. Astanada osınday ğimarat salu kerek dep şeştim. Ärine, bizde mwnday ülken emes. Biraq, meniñşe, bizge jaraydı», – dedi N.Nazarbaev.
Eske salsaq, 1 qırküyekte N. Nazarbaev QHR Törağası Si Czin'pinniñ şaqıruımen G20 sammitine qatısu üşin Qıtayğa keldi. Birinşi sessiyada Memleket basşısı jahandıq ekonomika mäselelerin şeşu joldarı turalı öz boljamdarın ayttı.
Abai.kz
Pikir qaldıru