قازاقستاندىق Ninety One توبىنىڭ “قايتادان” دەپ اتالاتىن جاڭا سينگلى TMB تەلەارناسىنىڭ تۇرىك چارتىندا ءبىرىنشى ورىن الدى، – دەپ حابارلايدى Tengrinews.kz تىلشىسى. TMB (Turkish Music Box) شىعىس مۋزىكاسىنىڭ جاڭا حيتتەرىن تاراتاتىن تەلەارنا.

ايتا كەتەيىك، “قايتادان” كومپوزيتسياسى 6 كۇن ىشىندە 300 مىڭنان اسا كورىلىم جيناپتى. قازىرگى ۋاقىتتا روليكتى 1,4 ميلليون رەت كورگەن.

قازاقستاندىق پوپ-توپ 2014 جىلى قۇرىلىپ، قازاقستاندا عانا ەمەس، شەتەلدە دە تانىمال بولىپ ۇلگەردى. “ايىپتاما” دەپ اتالاتىن ءبىرىنشى سينگل 2015 جىلدىڭ 1 قىركۇيەگىندە شىقتى. ۇجىم كورەيالىق پوپتىڭ قازاقستانداعى نەگىزىن قالاۋشىسى سانالادى. وسى توپ جاڭادان Q-pop (Qazaq pop) باعىتىن اشىپ وتىر. پروديۋسەرى – “وردا” توبىنىڭ ءسوليسى ەربولات بەدەلحان.

توپ تانىمالدىعىمەن قاتار قوعامدا داۋ تۋعىزىپ، قارسىلاستارىن تاۋىپ ۇلگەرگەن. قازاقستان شوۋ-بيزنەسىنىڭ بىرنەشە وكىلى بۇل جانرعا، مانەرگە جانە باعىتقا قارسى بولىپ، وتكىر مالىمدەمەلەر جاساعان دا ەدى.