Qazaqstandıq Ninety One tobınıñ äni türik çartında birinşi orın aldı
Qazaqstandıq Ninety One tobınıñ “Qaytadan” dep atalatın jaña singlı TMB telearnasınıñ türik çartında birinşi orın aldı, – dep habarlaydı Tengrinews.kz tilşisi. TMB (Turkish Music Box) şığıs muzıkasınıñ jaña hitterin taratatın telearna.
Ayta keteyik, “Qaytadan” kompoziciyası 6 kün işinde 300 mıñnan asa körilim jinaptı. Qazirgi uaqıtta rolikti 1,4 million ret körgen.
Qazaqstandıq pop-top 2014 jılı qwrılıp, Qazaqstanda ğana emes, şetelde de tanımal bolıp ülgerdi. “Ayıptama” dep atalatın birinşi singl 2015 jıldıñ 1 qırküyeginde şıqtı. Wjım koreyalıq poptıñ Qazaqstandağı negizin qalauşısı sanaladı. Osı top jañadan Q-pop (Qazaq pop) bağıtın aşıp otır. Prodyuseri – “Orda” tobınıñ solisi Erbolat Bedelhan.
Top tanımaldığımen qatar qoğamda dau tuğızıp, qarsılastarın tauıp ülgergen. Qazaqstan şou-biznesiniñ birneşe ökili bwl janrğa, mänerge jäne bağıtqa qarsı bolıp, ötkir mälimdemeler jasağan da edi.
Pikir qaldıru