Şeşenderdiñ barlığı Reseydi jaqtaydı dep oylaysız ba? Politolog.net caytınıñ jazuınşa äzirgi küni Ukraina äskeriniñ sapında Reseyge qarsı jüzdegen şeşen soğısıp jür- dep habarlaydı 365info.kz.
Sonıñ biri Amina Okueva. Şeşen qızı. Özi snayper. «Kiev» polkiniñ qwramında. Osında öz erkimen kelgen Djohar Dudaev batal'onınıñ beldi müşesi. Al Ukrainağa qarsı soğısıp jürgen şeşenniñ jauıngerlerin Amina «qadırovşılar» dep ataydı eken.
– Amina, aytşı Ukraina äskeriniñ sapında Reseyge qarsı soğısıp jürgen qanşa şeşen bar?
– Naqtı sanın atay almaymın. Eriktiler köp. Şamalap alğanda qazir Donbassta jüzden asa şeşen Kreml'ge qarsı soğısıp jür.
– Al Resey äskeriniñ qatarında Ukrainağa qarsı soğısıp jatqan şeşenderdiñ sanı qanşa, bilesiñ be?
– Asa köp emes. Qadırov özine qarastı jauıngerlerdi Donbasstan şığarıp äketkenine bir jıl toldı. Alayda «qadırovşılar» tolıq ketip tınğan joq. Äli de bar.
– Donbasstağı qaqtığıs kezinde «qadırovşılarmen» betpe-bet kelgen sätteriñiz boldı ma?
— Joq. Biraq, qazirgi küni Ukraina jerinde jürgen «qadırovşılar» turalı türli aqparattar jinau üstindemiz. Olardı kezdestirsek ayamaymız. Bwlar şeşen emes, «qadırovşılar». Olar bizge jau. Meniñ biluimşe, bwlar adam qanı tögiletin keskilesken wrıstarğa qatısa bermeydi. Orıstar basıp alğan Doneck, Luganskide wrlıq-qarlıq, tonaumen aynalısadı.
– Ukrainanıñ jağında soğısıp jürgen şeşender reseylik batal'onnıñ twtqınına tüsip qalğan kezderi boldı ma?
– Bizdiñ Dudaev batal'onında mwnday jağday bolğan joq. Bolmay-aq qoysın.
– Qalay oylaysız bwl soğısta kim jeñedi?
– Mäsele tek soğısta jatqan joq. Diplomatiyalıq qısımdı, sankciyanı küşeyte tüsu kerek. Osındağı şeşender Ukrainanıñ sayasatın jaqtaydı. Sol sebepti sizder jaqta soğısıp jür. Resey agressor. Ol eşqaşan özgermeydi. Agressordı sabasına tüsiru üşin onıñ özindey äreket etu kerek. Basqınşılardıñ Ukrainanıñ işine qaray enip ketuine jol bermeu qajet.
– Aytıñızşı, Donbasstağı ayqas alañında Ramzan Qadırovtı kezdestirip qalsañız ne ister ediñiz?
– Äy, bwl mümkin emes-au. Qadırov bwl jaqqa soğısuğa ölse de kelmeydi. Sebebi, öte qorqaq adam. Onıñ korteji twp-tura jüz kölikten twradı. Qadırov bwlardıñ qaysısında otırğanın ajıratıp bolmaysıñ. Ol tipti Şeşenstannıñ öz işinde osılay jüredi. Emin-erkin qozğala almaydı. Qorqadı. Mwnday adamnıñ Ukrainağa kelui mümkin be? Joq, ärine.
– «Qadırov Putinge kerek» deydi. Osı twjırımmen kelisesiz be?
– Iä, ol Putinge ınta-şıntasımen berilgen. Qadırov asa qatigez adam. Qatigezdigi patologiyalıq auruğa wlasqan. Biraq Putin Qadırovqa täueldi emes. Putin ne aytadı, qalay bwyıradı Qadırov solay jüredi. Putin aldına qoyğan maqsatınan eşqaşan bas tartpaytın adam. Mwnı Qadırov orınday almasa, erteñ onıñ ornına keletin adamğa jükteydi.
– Al Putinniñ biligi qwlasa, Qadırov qaytpek?
– Ne isteuşi edi? Eşteñe de. Ol Putinniñ qolındağı qolbala. Putinsiz, Putinniñ kömeginsiz Qadırov eşkim emes. Putinniñ biligi qwlasa Qadırovtı it ölim kütip twr. Ol Kaddafidiñ tağdırın qaytalaydı. Putinniñ qoldauınan, Kreml'diñ aqşasınan ayırılğan Qadırov eki kün de ömir süre almaydı.
– Sonda Qadırovtı şeşen halqınıñ özi wnatpay ma?
– Wnatpaydıñız öz aldına, ittiñ etinen jek köredi. Ärine, onıñ qol astındağı azdağan adam oğan adaldılığın saqtar. Biraq bwl da uaqıtşa.
–Eger bügingi Resey biliginde Putin bolmasa, Donbasstağı dau da tuındamas edi dep oylaysız ba?
– Bilmeymin. Putindi tuğızğan orıs halqı. Putin bügingi orıs halqınıñ şın keypi. Basşısınıñ piğılı qanday bolsa, halıqtıñ payımı da sonday. Putindi bilikke äkelgen orıs halqınıñ özi.
Däl qazirgi Resey Stalin däuirin elestetedi.
– Ukraina Qırımdı qaytara ala ma, qalay oylaysız?
– Bilmeymin. Qaytararına senim az. Alayda älemdegi bir de bir memlekettiñ Qırımdı Resey jeri dep moyındamağanı ümit otın öşirmey otır. Meniñşe Resey özin-özi qwrdımğa ketiredi. Mine, sol kezde Qırımdı da qaytarasızdar. Bwdan keyin Soltüstik Kavkaz aymağı da täuelsizdik aladı.
Al' FREDO
Suretter Amina Okuevanıñ Feysbuk paraqşasınan alındı.
365info.kz
Pikir qaldıru