TATULASU DASTARHANINA ŞAQIRAMIN!
Marat Tokaşbaev
Mwhtar Tayjan men Geroyhan Qıstaubaev arasındağı dau, äldebir debat mülde qajetsiz dep oylaymın. Tanığanım bolmasa ekeuimen de ömiri jaqın aralasıp körmeppin. Tek ülkendik jolımen inilerime toqtau salğım keledi. Debat ekeuine nemese otqa may qwyuşılarğa kerek bolsa da qazaq halqı üşin qajeti joq. Wlt üşin qızmet etudi maqsat etken jigitter bir biriniñ tırnağı astınan kir izdeui mülde jaraspaydı. Süyikti Payğambarımız (s.ğ.s): «Adamnıñ ayıbın şıjğırıp betine baspa» degen. Künäsiz pende joq. Qaza berse ärkimnen-aq bir pendeşilik tabıladı.
Debatta jeñimpaz bolmaytını anıq, ol tek aranı aşa tüsedi. «Jeñdim» degen adamnıñ özi iştey küyzeliske tüsedi. Bwl Wlt müddesin tu etkenderge ülken soqqı. Keşegi alaşordaşılar qatarında da bir-birin jaqtırmaytın adamdar bolğan, biraq olar da bir birin keşirip, ortaq müdde üşin birige bildi emes pe! Sondıqtan bizder de küresker atalarımız tärizdi keşirimdi bolayıq.
Allanıñ Elşisi (s.ğ.s.) tağı bir hadisinde daulasıp qalğan eki adamnıñ ölip-öşip özinikin däleldegeni emes, kim bwrın keşirim swrasa sonıki dwrıs bolatındığın aytqan.
«Nayza wstağan jauğa kezigedi, sözdi quğan dauğa kezigedi» degen. Bwl dauda jeñiletin tek qazaq halqı ğana. Men Mwhtar men Geroyhan inilerimdi debatqa emes, tura sol debat ötetin uaqıtta 28-qırküyek, särsenbi küni sağat 11-de «Sanjak» (Jibek jolı men Bwzırbaev köşeleriniñ qiılısı) restoranında tatulasu dastarhanına şaqıramın. «Qamşılarıñızdı» qaldırıp, aşıq jüzben keliñizder!? Bizge jeke bastıñ namısınan göri wlttıñ namısı qımbat. Aynalayın, altın inilerim, «Qazağım» degen qasietti dastarhan basında bas qosayıq!
facebook paraqşasınan alındı
Pikir qaldıru