Üş ağayındınıñ ölimine küdiktilerdiñ bwğan deyin nemen aynalısqandarı belgili boldı (VIDEO)
kerey.kz
tengrinews.kz
Almatı oblısında düyim jwrttı şulatqan, üş birdey azamattı jauızdıqpen öltirip, malın oljaladı degen küdiktiler jaylı äzirge tolıq aqparat aytılmadı. Tek olardıñ twrğılıqtı jeri men atı-jönderi belgili. Al, olardıñ bwğan deyin nemen aynalısıp, qalay tirşilik etkenderi de köpşilikke beymälim. 31-telearna tilşileri küdiktilerdiñ auıldastarı men ağayın-tuıstarın sözge tartıp, olardıñ da pikirin jariyalap otır.
Bwrınğı Amangeldi sovhozı, qazirgi Swranşı batır auılı büginde tomağa-twyıq. Köşede beysauat jürgen adam joq, sözge sarañ, eşkim swhbat ta bermeydi. Auıldastarınıñ äreketi eldi şoşıtqan sıñaylı. 45 jastağı Talğat esimdi küdikti köp jıldan beri kölik jöndep küneltken eken. Soñğı kezderi eptep mal saudasımen aynalısıptı. Üş balanıñ äkesi. Tuğan-tuıstarı eñbekqor Talğattıñ qandı oqiğağa qatısı barına senbeydi. Biraq eşbiri swhbat berip, aşılıp söylespedi.
Al, ekinşi küdikti Mwrat Oñalbaevtıñ anası bolsa wlınıñ äldekimderdiñ arbauına tüsip qalğanına senimdi.
“Sol küni KazCikte bir jigittiñ ölimine äyelimen bärimiz barıp kele jatqanımızda telefonına bireu qoñırau şaldı, şaqırdı, 1-men 2-niñ ortası ne 2 men 3-tiñ ortası. Men bazardan mal alıp kele jatır edim kamazben, üyimniñ janına kelip tüsirisip jiberşi dedi. Auıldıñ balası, ağayın adambız, sosın balam jaraydı dedi. Bizdi tüsirip, soğan ketti, artı osı boldı. Odan arı qaray ne bolğanın, qalay bolğanın bilmeymin”, – deydi Mwrattıñ anası.
41jastağı Mwrat Oñalbaev – üşinşi toptağı mügedek eken. Bir közi kemtar. Onıñ da üş balası bar. Bwğan deyin qılmıstıq jauapqa tartılmağan. Köligimen adam tasıp küneltken.
“Tek adam öltiredi degenge senbeyim. Altın körip perişte joldan tayıp, sağan da birdeñe beremiz dese soğan ilesip ketti ma, qaydan bileyin? Ol tek eruşi”, – deydi küdiktiniñ anası.
Ayta keteyik, marqwmdardıñ tuıstarı da qılmıskerlerdiñ ekeu bolğanına senbeydi. Deneli, qayrattı üş jigitti eki adamnıñ baylap, keyin öltirui aqılğa qonbaydı deydi olar.
sn.kz
Pikir qaldıru