موراتوريدەن ءمان كەتكەلى تۇر
بۇگىن، 2-قاراشادا الماتىداعى لا 155/18 تەرگەۋ اباقتىسىندا الماتىدا تەراكت ۇيىمداستىرىپ، 10 ادامنىڭ ءومىرىن قيعان رۋسلان كۇلەكباەۆقا قاتىستى سوت ۇكىمى شىقتى. قر قىلمىستىق كودەكسىنىڭ ونشاقتى بابىمەن سوتتالۋشى ر.كۇلەكباەۆقا ءولىم جازاسى كەسىلدى. قازاقستاندا ءولىم جازاسىن شەكسىز مەرزىمگە توقتاتقان موراتوري 2003 جىلدىڭ جەلتوقسان ايىندا ەنگىزىلگەن. ەندى بيلىك قانداي قادام جاسايدى؟ ەۋروپا الدىنداعى گۋمانيستىك پونتى ساقتالىپ قالا ما، الدە موراتوري توقتاتىلىپ ۇكىم ورىندالا ما؟
ءوز باسىم رۋسلان كۇلەكباەۆتى اقتامايمىن. بىراق ونىڭ قىلمىسىن تەرروريستىك ارەكەت دەپ باعالاۋ ءبىرتۇرلى سەنىمسىز. جالعىز ادام پوليتسيا باسقارماسىنا باسىپ كىرىپ الدەنەشە پوليتسيا قىزمەتكەرىن ولتىرەدى. الەمدىك دەڭگەيدە تەرروريزم ادامداردى كىم ەكەندىگىنە قاراماستان قىرا بەرۋدى بىلدىرەدى. ال كۇلەكباەۆ تەك پوليتسياعا وشىككەن. ياعني ونىڭ قىلمىستىق موتيۆاتسياسى پوليتسيا تاراپىنان جاسالعان الدەبىر ادىلەتسىزدىككە بايلانىستى سياقتى. بالكىم بۇل جازىقسىز موينىنا جەزوكشە ايەلدىڭ ءولىمىن ارتا سالعان ادىلەتسىزدىكتەن تۋىنداعان ارەكەت پە دەيمىن. ويتكەنى، ر.كۇلەكباەۆ ءولىم جازاسىن اۋىستىرۋ جونىندە ءتىپتى ءوتىنىش تە جاساماعان.
پوليتسياعا ادامداردى وشىكتىرمەيتىندەي ادال قىزمەت ەتۋى قاجەت. قۇقىق قورعاۋ ورگاندارى ءوز قىزمەتكەرلەرىنىڭ ادامداردى باسىنۋ، قىزمەتتىك وكىلەتتىكتەرىن اسىرا پايدالانۋ، جازىقسىز جاندارعا الىمجەتتىك جاساۋ، ۆەدومستۆولىق مۇددەلەستىك، ت.ب. جونسىزدىكتەرىنە جول بەرمەۋ جونىندە ناسيحات شارالارىن كوبىرەك جۇرگىزگەندەرى دۇرىس دەپ ەسەپتەيمىن!
پىكىر قالدىرۋ