MORATORIYDEN MÄN KETKELİ TWR
Bügin, 2-qaraşada Almatıdağı LA 155/18 tergeu abaqtısında Almatıda terakt wyımdastırıp, 10 adamnıñ ömirin qiğan Ruslan Külekbaevqa qatıstı sot ükimi şıqtı. QR Qılmıstıq kodeksiniñ onşaqtı babımen sottaluşı R.Külekbaevqa ölim jazası kesildi. Qazaqstanda ölim jazasın şeksiz merzimge toqtatqan moratoriy 2003 jıldıñ jeltoqsan ayında engizilgen. Endi bilik qanday qadam jasaydı? Europa aldındağı gumanistik pontı saqtalıp qala ma, älde moratoriy toqtatılıp ükim orındala ma?
Öz basım Ruslan Külekbaevtı aqtamaymın. Biraq onıñ qılmısın terroristik äreket dep bağalau birtürli senimsiz. Jalğız adam policiya basqarmasına basıp kirip äldeneşe policiya qızmetkerin öltiredi. Älemdik deñgeyde terrorizm adamdardı kim ekendigine qaramastan qıra berudi bildiredi. Al Külekbaev tek policiyağa öşikken. YAğni onıñ qılmıstıq motivaciyası policiya tarapınan jasalğan äldebir ädiletsizdikke baylanıstı siyaqtı. Bälkim bwl jazıqsız moynına jezökşe äyeldiñ ölimin arta salğan ädiletsizdikten tuındağan äreket pe deymin. Öytkeni, R.Külekbaev ölim jazasın auıstıru jöninde tipti ötiniş te jasamağan.
Policiyağa adamdardı öşiktirmeytindey adal qızmet etui qajet. Qwqıq qorğau organdarı öz qızmetkerleriniñ adamdardı basınu, qızmettik ökilettikterin asıra paydalanu, jazıqsız jandarğa älimjettik jasau, vedomstvolıq müddelestik, t.b. jönsizdikterine jol bermeu jöninde nasihat şaraların köbirek jürgizgenderi dwrıs dep esepteymin!
Pikir qaldıru