Säken Mayğaziev NINETY ONE tobın qoldaudıñ toğız sebebin atadı
Änşi Säken Mayğaziev atışulı boyzbend NINETY ONE tobın qoldaudıñ toğız sebebin atadı, – dep habarlaydı Tengrinews.kz tilşisi.
Änşiniñ top jaylı pikiri Instagram jelisindegi 91_world paraqşasında jariyalandı. Mayğazievtiñ aytuınşa, ärtiske qastandıq jasaudıñ qajeti joq. “(…) Swranısı bolmağan akterler küyzeliske tüsip ketedi. Meniñ aytqım kelgeni, jigitter sonşa boyanıp-taranıp barğan kezde onı eşkim qabıldamay qoysa obal. Men ol bauırlarımdı jaqsı köremin”, – dedi änşi.
Sonday-aq, Säken Mayğaziev NINETY ONE tobınıñ jaqsı qasietteri köp ekenin ayta kelip, olar turalı toğız pikirden twratın post jazğanın aytıp ötti. “Birinşi, ana tilinde ğana söylep, swhbat berip, än şırqap, qazaq tilin däriptep jürgen talanttı jigitter. Ekinşi, öz bağıtınıñ şeber orındauşıları. Üşinşi, öte jaqsı vokalister, diapazondarı keñ, milizmatikanı mıqtı meñgergen, tembrleri tamaşa, tağısın tağı. Törtinşi, keremet rep orındauşıları. Rep – ritmikalıq amerikalıq poeziya. Al bizde bwl aytıs, jır, suırıp-salma öneri”, – dep sanamaladı ärtis.
Al besinşi sebebi dep Mayğaziev jigitterdiñ sabırlı äri baysaldı qasietterin atadı. “Olarğa bağıttap, balağattap, beypil sözder aytılsa da, boqtay bilmeytin baysaldı balalar. Men öner adamı bolğannan keyin olardı zerttedim, qaradım. Olar psihologiya twrğısında qanday da sınğa dayın boldı. Altınşı, olar – eñbekqor. Käsibi sahnağa şığu jolında eki jıl dayındaldı. Jetinşi, sahnalıq bi qimıldarı käsibi, sinhrondı qimıldaydı, sahnadağı erkindigi öte keremet. Sahnadağı jwmısın Internetten tamaşaladım. Özim wstaz bolğannan keyin attanday bermey, qarap köreyin, zertteyin dedim. Segizinşisi, Qazaqstan estradasında ülken pikirtalas, sın-eskertuler, dau tuğızğan, bılayşa aytqanda “Atıñ şıqpasa, jer örte” degen mısalına “amal” jasap jürgen alğaşqı top”, – dedi Säken Mayğaziev.
Al soñğı, toğızınşı qasieti dep änşi toptıñ qayırımdılıqpen ünemi aynalısatın aytıp, öz oyın osılayşa qorıtındıladı.
Bwdan keyin änşi top jaylı üş ret qana swhbat bergenin mälimdedi. Alayda, aytuınşa, jurnalister onıñ NINETY ONE tobı turalı kiimine qatıstı sözin ğana jariyalaydı eken. Al toptıñ qazaq tilin nasihattap jürgeni, sonımen qatar, darındı jigitter ekendigi jaylı sözi qiılıp qala beretin körinedi.
Ayta keteyik, osığan deyin NINETY ONE tobınıñ koncertine Şımkentte, Qızılordada, Qarağandıda, Jezqazğanda keybir tıñdarmandar narazı bolğan. Osılayşa, bwl qalalarda toptıñ koncerti ötpey qalıp, soñı dauğa wlasqan edi.
tengrinews.kz
Pikir qaldıru