ŞIRŞA. KÖRNEKİ FOTO: FREEOBOI.RU
“Jalpı alğanda Islam dini özge dindegilerdiñ dini räsimderin, dini meyramdarın qaytalap, olarğa wqsau maqsatında orındaudı qwp sanamaydı. Öytkeni, ardaqtı Payğambarımız (s.a.u.) «Kim bir qauımğa wqsasa, ol solardan»[5], – degen.
Şırşa qwru ädetiniñ tüpki pälsäfäsi wmıtılıp, köp adam jäy «jaña jıldıñ rämizi» retinde qarağanımen, negizgi astarında özge dini senimdegilerge elikteuşilik jatır. Osığan oray, Islam tälimin tu etip jürgen namazhan kisiler jaña jılda üylerine şırşa qwrmağandarı abzal.
Al, şırşa qwrğan adamğa da künähar közben qaraudıñ qajeti joq (äsirese, özin mwsılman sanağanımen dinnen alıstau adamğa). Nege deseñiz, şamamen bir ğasır boyı elimizdegi mwsılman jwrtşılığınıñ sanasına siñip ülgergen bwl ädetke birden «haram» dep baybalam salğannan göri, Islam dinindegi «ät-tädärruj», yağni, «mwsılmanşılıq ästä-äste» degen qağidanı negiz etken dwrıs dep oylaymın. Islam dini alğaş kelgen kezde, köp dünieni birden emes, birte-birte tıyıp otırdı. Tipti, barlıq jamandıqtıñ bası sanalatın «şaraptıñ» özin de, qwl ielenuşilikti de osılay tıyğan.
Islam dağuatınıñ negizgi erejeleriniñ biri sanalatın «ät-tädärruj» qağidasın paydalanudı, sonday-aq, dinimizde amaldardıñ kisiniñ nietine qaray bağalanatındığı da ükimge əser etetin negizi qağidattardıñ biri ekendigin wmıtpağanımız jön. Eñ dwrısı – Allağa mälim!”, – dep jauap qattı dintanuşı.
Pikir qaldıru