بىشكەك: نازارباەۆ ءوز ۇكىمەتىنە شەكاراداعى جاعدايدى رەتتەۋدى تاپسىردى
قازاقستان پرەزيدەنتى نۇرسۇلتان نازارباەۆ. سوچي، 11 قازان 2017 جىل. قىرعىزستان پرەمەر-ءمينيسترى ساپار يساكوۆ قازاقستان پرەزيدەنتى نۇرسۇلتان نازارباەۆپەن قىرعىز-قازاق شەكاراسىنداعى جاعدايدى تالقىلادى دەپ حابارلادى قىرعىزستان ۇكىمەتىنىڭ ءباسپاسوز قىزمەتى. كەزدەسۋ رەسەيدىڭ سوچي قالاسىندا وتكەن ەۋرازيا ەكونوميكالىق كەڭەسىنىڭ جيىنىندا بولعان. يساكوۆ نازارباەۆقا شەكاراداعى جاعدايدى ايتقان. ول شەكاراداعى جاعدايدىڭ ناشارلاۋىنان قىرعىزستاندىقتار عانا ەمەس، قازاقستان مەن وزگە ەلدىڭ ازاماتتارى دا زارداپ شەگەتىنىن دە ايتقان. قىرعىزستان ۇكىمەتىنىڭ حاباراۋىنشا، كەلىسسوزدەن سوڭ نۇرسۇلتان نازارباەۆ ۇكىمەتكە شەكارادا تۋىنداعان ماسەلەلەردى شەشۋدى تاپسىرعان. قازاقستان مەن قىرعىزستان اراسىنداعى شەكارادان ءوتۋ 10 قازاننان قيىنداعان. قىرعىزستان مەملەكەتتىك شەكارا قىزمەتىنىڭ مالىمەتىنشە، قازاقستان شەكارادان ءوتۋ ءتارتىبى مەن تەكسەرۋدى كۇشەيتكەن. بۇنىڭ سالدارىنان شەكارادان ءوتۋ بەكەتتەرىندە كەزەك پايدا بولعان. قازاقستان پرەزيدەنتىنىڭ ءباسپاسوز قىزمەتى نازارباەۆتىڭ قىرعىزستان ۇكىمەت باسشىسىمەن كەزدەسكەنى
