Serik Ahmetovtiñ türmeden erte bosauın türlişe boljaydı
Asılhan MAMAŞWLI Serik Ahmetovtiñ prem'er-ministr kezinde tüsken sureti. Astana, 24 qırküyek 2012 jıl. Qazaqstannıñ bwrınğı prem'er-ministri, korrupciyalıq ayıppen sottalğan Serik Ahmetov qırküyektiñ 21-inde bostandıqqa şıqtı. Azattıq söylesken sarapşılar “Qazaqstanda zañ ärkimge ärqalay qoldanılatının, sayasi twtqındarğa Ahmetovke jasalğanday raqımşılıq bolmaytının” aytadı. Serik Ahmetov Qarağandı oblısındağı Qarabas kentindegi türmeden qırküyektiñ 21-i küni tañerteñ şıqtı. Jeñil kürteşe men qarakök djins şalbar kigen bwrınğı prem'erdi ondağan jurnalist pen videooperator kütip aldı. Jurnalisterge Ahmetovten swhbat aludıñ säti tüspedi, ol koloniyadan şıqqan bette qasındağı qarauıl jigittiñ kömegimen jol talğamaytın Toyota köligine minip ketip qaldı. Kölikke qaray jürip bara jatıp ol jurnalisterge bolaşaqta ne isteytinin «äli josparlamağanın», densaulığınıñ jaqsı ekenin aytıp, «Rahmet sizderge!» dep qana til qattı.
