ترامپ گەرمانيا مەن فرانتسيانىڭ ۋكراينا داعدارىسىن رەتتەۋ ارەكەتىن قولدادى
اقش پرەزيدەنتى دونالد ترامپ پەن گەرمانيا كانتسلەرى انگەلا مەركەل. اقش پرەزيدەنتى دونالد ترامپ گەرمانيا مەن فرانتسيانىڭ ۋكراينانىڭ شىعىسىنداعى قاقتىعىستى رەتتەۋ جونىندەگى تالپىنىستارىن قولدايدى دەپ مالىمدەدى اق ءۇيدىڭ ءباسپاسوز قىزمەتى. دونالد ترامپ 24 ساۋىردە گەرمانيا كانتسلەرى انگەلا مەركەلمەن تەلەفونمەن سويلەسكەنىندە ونىڭ فرانتسيا پرەزيدەنتى فرانسۋا وللاندپەن بىرگە رەسەي جانە ۋكراينامەن “دونباستاعى قاقتىعىستى مينسك كەلىسىمى نەگىزىندە بەيبىت رەتتەۋ” جونىندە مامىلە جۇرگىزۋ ارەكەتىن قولدايتىنىن ءبىلدىردى. 2015 جىلى اقپاندا جاسالعان مينسك كەلىسىمى ۋكراينا ۇكىمەتى مەن رەسەي قولدايتىن سەپاراتيستەر اراسىندا ءبىتىم ورناتۋعا ءتيىس ەدى، بىراق تاراپتار ونىڭ شارتتارىن ءالى كۇنگە تولىق ورىنداماي وتىر. ترامپ پەن مەركەل ۋكراينا داعدىرىسىنان وزگە سيريا مەن يەمەندەگى قاقتىعىستاردى دا تالقىلاپ، “سولتۇستىك كورەيا تاراپىنان توتەننەن قاۋىپ ءتونىپ تۇرعانىن” ايتتى.
