ازاتتىق جىرى ء(ومىرحان التىنعا)
kerey.kz
كۇلكىسىن بالانىڭ،
ءالديىن انانىڭ،
كىسىنەۋىن جىلقىنىڭ،
بوزداعان تۇيەنىڭ،
و، عاجاپ كيەلى ءۇن،
مەن سونى سۇيەمىن.
كيەلى داۋىستار،
جەر جارىپ تارادى.
جۇپىنى تىرلىكتەن،
قورعانىپ بارادى.
رۋحىن جويماۋعا،
ەرتەڭىن ويلاۋدا،
ۇلى كوش ۇدەرە كوشۋدە،
ساتىلۋ اقشاعا، التىنعا.
جوق مىنەز، قازاقتىڭ سالتىندا.
مەزى بوپ، ىس تۇتەك عاسىردان،
قانجارداي اتىلعان،
كوكتەگى كۇندى جايلاتىپ،
نايزاعاي ويناتىپ،
ارىستانداي اھ ۇرعان.
نامىسىن بەرمەۋگە،
جەل سوزگە ەرمەۋگە.
ءدىنسىزدىڭ قولىنان،
قيانات كورمەۋگە.
دىنىنەن ايرىلىپ،
يمانسىز ولمەۋگە.
ىزىنەن شاڭ بوراپ،
ولگەنىن توڭعا وراپ.
ايقاسقا مىنگەن ۇل،
ايشىلىق جول قاراپ.
تۋى بار كوتەرگەن،
قولىندا اردان اق.
اتالار شەشىمىن،
بوتاسى ءجون ساناپ.
ۇلى كوش بارادى،
ءبىر-ءبىرىن قاۋمالاپ.
ۇلى قۇل، قىزى كۇڭ
بولۋدى قالاماس.
بۇل تىرلىك تاعدىرمەن،
بەتپە-بەت جاعالاس.
ازات اسپانعا جەتۋگە،
انا دولىدان القىنباي وتۋگە،
وزدەرىن سايلاعان،
كوزدەرى جايناعان،
ءسۇلتانشارىپتىڭ سوڭىنان ىلەسكەن،
جاۋىمەن بەتپە-بەت كۇرەسكەن،
ابادان ۇلدار-اي،
ماڭداي تەر، كوز جاسىن بۇلداماي،
جاياۋلاپ اسقان ەل ەسەن-ساۋ گيمالاي.
بوز جۋسانى بۇرقىراعان،
تۋعان جەر توپىراعىن ساعىنىپ،
قايتپاعان جولىنان جاڭىلىپ.
قارا بۇلت تونسە دە اسپاننان،
كەزدەردە قيىرشىق تاس جاۋعان،
العان بەتىنەن قايتپاعان،
جالعان ءسوز ايتپاعان،
تاعدىرىن اللاعا تاپسىرعان،
تۇيەلەر قومىندا،
تاريحى بۇرلەگەن،
ەشكىمنەن توسىلىپ،
قايتۋدى بىلمەگەن.
شۇرشىتكە قوسىلىپ،
وتىرىك كۇلمەگەن.
باھادۇرلەر-اي!
تۋدى وڭىنان،
ارايلى كۇن مەن اي.
سولاردىڭ تۇياعى،
زاڭدى جالعاسى.
بار ەدى ءتىلىنىڭ الماسى،
ويىنىڭ وراعان شالماسى،
ءومىرحان التىننىڭ،
پاتشاعا دات ايتقان ەرلىگى،
توپشىسىن قاتايتقان،
اعاجاي التايدىڭ ورلىگى.
ۇلتى ءۇشىن، جاۋىنا-
باس بەرگەن، بابانىڭ بالاسى،
ەرتەرەك ويانعان ساناسى.
سوندىرمەس دۇشپاننىڭ تاباسى،
تەڭگەلمەس داڭقىنا،
ەشكىمنىڭ شاماسى.
ەسىنە تۇسكەندە بابانىڭ مولاسى،
اعادى كوزىنىڭ سوراسى.
باۋىردىڭ اعاسى،
ەلىنىڭ جاعاسى بولدى دەپ،
ويانار ءساتىڭ تولدى دەپ،
استانا تورىندە الاشقا وي سالعان،
ءجۇز جاسا، ءباھادۇر باتىرىم.
بۇل سەنىڭ كيەلى، جۇيەلى عاسىرىڭ!!!
ك. بوعىداباەۆ. kerey.kz
پىكىر قالدىرۋ