Saz sıñğırlı ğazaldar
kerey.kz
Jwmat ÄNESWLI
Saz sıñğırlı ğazaldar
Mañdayımnan sipar ma
Tün ortası, jağada
Jalğız jürmin dalada,
Ot twtatsam, şoqpenen,
Jüregim jılu taba ma
Aynala qap qara twñğiıq,
Bwlbwl qws än sala ma,
Sıbızğıma jan salsam,
işimdegi şer şığa ma
Ayda batıp baradı,
Ot ta sönip baradı,
Aspannan tüsip perişte,
mañdayımnan sipar ma!
Bir küy
Aq gülim solıp qaldı ma
Taptalıp qaldıñ ba,
ayaq astında Aq gülim,
Gülderdiñ işindegi
süleyi ediñ mañ gülim.
Boy jazbaysıñ ba,.
kötermeysiñ be endi, basıñdı,
jadıratpaysıñ ba, janımdı,
qayran da meniñ jaz gülim!
Körki de ediñ,
säni de ediñ kök baqtıñ.
Swluı ediñ,
appağı ediñ gülderdiñ.
Otırğızamın sol baqqa,
sendey näzik bir güldi,
Bäribir bolmas,
äserindey ötken künderdiñ
Qos işektiñ bir sazı
Düniege qalay siyarmın
Sarı dala,
Sarı qwm,
Istığına saharanıñ
şıdar kim,
Anau jatqan qwdıqtıñ,
ızğarına tüsip ketsem,
şıdar ma em?,
Mınau jatqan apanğa,
qwlap ketsem,
alauına qızıp ketsem,
şıdar ma em!?
“Pälen degen, pälen jerde qızıq bar”
Bärin körsem,
qızığına toyar ma em!?
Qiyalım ğoy, qiyalım,
Periştem jatır uatıp,
Qiyalmen jürgen riyasız
qwl pendesin.
Bwl düniege qalay siyamın!
Appaq güldey jan qayda
Swlular köp,
Arular köp,
Appaq güldey,
Jan qayda!?
Möldir şıqtay,
qap qara twnıq,
bwlaqtay taza
Köz qayda!?
Bir auız lirikalıq suret
Birin biri twr qarıp
Ay säulesi tögilip twr,,
Aynala appaq,
tün jarıq.
Eki jas twr tal tübinde,
süyisedi kil ünsiz.
Ğaşıqtardıñ dürsili me,
estiledi jañğırıq.
Sezim ıstıq,
jürek ıstıq,
jalınına kim şıdar.
Tün asırmay,
tañ asırmay,
birin biri twr qarıp!
Qobız küymen emdesem
Ğaşıqpın men ağaştarğa
jarılmaytın,sınbaytın
Künge ıstıq, ayazdarğa
şıdaytın.
Ğaşıqpın men aq qayıñğa,
emenge,
Bir ğwmırdıñ sınağına
qıñbaytın.
Armanım ed,
oyıp jasau bir qobız,
Sar dalanı bir jañğırtıp,
sarnaytın…
Sol qobızdı
qıl şertpemen,
özim tartsam dep edim,
İş jaramdı
may jaqqanday,
küymen jazsam dep edim…
Küyik küy
Qolıñdı sozşı, qolıñdı berşi, qarağım
Köp pendedey künaharmın,
künäli,
Näpsige ergen,
şaytanğa ergen düräli.
Dozaqqa salsa,
qazirde tez janatın,
Künaharmın,
pendesimin piräli.
Küydi işim,
işip kettim küyikten,
Tüsip kettim tesikke,
Anau jarıq, mümkin
şığar esik pe?.
Periştem qayda,
keyde aman saqtap qalatın?,
Qolıñdı sozşı,
qolıñdı berşi, qarağım,
Dozaqtan şığar,
anau twrğan köpir me?
Bir oy, bir tüyin
Aldımda twr tarazı
Aldımda twr tarazı,
Bir jağında qwmırısqa,
bir jağında jwmırtqa.
Qwmırısqalar minip jatır tabaqqa,
Mingesip jatır örmelep,
Minip jatır äli de sol tabaqqa.
Basa almadı qwmırısqalar
sonda da jwmırtqanıñ salmağın,
Aqıldı da salmaq bolar qaşanda,
Bilimsizder qaladı eken, ber jaqta!
BEREKELİ DALAMDI KÖRU BİR ARMAN
Dalam meniñ,
Sarı dalam,
Sarıarqam!
Elge tolı ed,
malğa tolı ed
jon arqañ!
Quanışı da, beyneti de köp kez edi,
Berekesi mol jwrtımdı köru
bir arman!
Baylıqqa tolar,
malğa da tolar Sarıarqam,
El aman bolsın, El aman bolsın,
El aman!
Bir kem dünie
Bw dünie men o dünie tarazı
Tilep jürip bireudiñ künde ölgenin.
Bilmey qaptı öziniñ qalay ölgenin.
Köp künäni arqalağan bwl paqır,
Bilmey qaptı özin qalay kömgenin.
Jatır dene,
Jatır äne, aq kenepke oralğan
Qasında joq qara şaytan jan alğan.
Bw dünie men ana dünie tarazı,
Öter me eken, altın berse, amaldan!
Alaştıñ armandarı kök tuımday jelbirep
İzderim qaldı,
sonau Tosınnıñ qwmdarında,
İzlerim bar- Torğaydıñ dalasında,
jotası men saylarında.
İzderim qaldı dulı- şulı
Arqalıq qalasında.
İzderim bar-
sonau köktegi qws jolınday.
Aldımda ülgi
Sırbay, Ğafu, Keñşilik,
Bwlaqtardan taza möldir bas alğam.
Sözderim bar,
Torğaydıñ qıştarında qaşalğan,
Sırlarım bar,
wlılardıñ qwdiretine bas igen,
Aytıp kelem, jazıp kelem, jetkenşe,
Alaşımnıñ twlğaların wlıqtap,
Armandarı,
armandarı qazaqtıñ
alda keledi, Kök Tuımday jelbirep!
Pikir qaldıru