Özbekstanda memlekettik aqparat qwralı eldiñ twñğış prezidenti Islam Karimovtıñ jürgizgen sayasatın sınğa aldı dep habarlaydı Azattıqtıñ Özbek qızmeti (Ozodlik radiosı). Habarda Karimovtıñ twsındağı “[aymaqta] lider atanu üşin ünemi körşilermen bäseke jarıstırıp, üstemdigin däleldeuge” tırısudıñ kesirinen şielenisken problemalardı qazirgi tañda prezident Şavkat Mirziyaevke şeşuge turalı kelgeni aytıldı.

Atalğan habar jaqında ğana, eldiñ qazirgi prezident Şavkat Mirziyaevtiñ tuğan küni – 24 şildede jwmısın bastağan, täulik boyı aqparattıq-saraptamalıq habar taratatın “Özbekstan 24″ telearnasınıñ “Taҳlilnoma” bağdarlamasınıñ alğaşqı sanında körsetilgen.

Şildeniñ 30-ı küni efirden berilgen teleabağdarlamada Islam Karimovtıñ atı-jöni atalmağanımen, onıñ twsında jürgizilgen sayasat “kesek astında qaldı” dep habarlaydı Ozodlik.

Özbekstan prezidenti Islam Karimov Şanhay ıntımaqtastığı wyımı sammitinde söylep twr. Taşkent, 24 mausım 2016 jıl.

Özbekstandı şirek ğasır uaqıt üzdiksiz basqarğan twñğış prezident Islam Karimovtıñ twsında jäne bıltır ol dünieden ötkennen keyingi uaqıtta Karimov biligi kezinde jürgizilgen sayasat ükimet baqılauındağı aqparat qwraldarında eşqaşan bwlayşa aşıq sınalmağan.

“Taҳlilnoma” bağdarlamasında qoğamnıñ barlıq salası – ekonomikadan bastap äleumettik, ruhani jäne auıl şaruaşılığı salalarındağı jağdayğa taldau jasalğan. Habarda söylegender Islam Karimovtıñ biligi twsındağı jiberilgen qatelikterdi sınğa alğan. Olardıñ aytuınşa, mısalı, bwğan deyin “sırtqı sayasatta jiberilgen kemşilikterdiñ şeşimin tabumen bügingi tañda jaña prezident Mirziyaev aynalısıp jatır”.

“Bilikke kelgen sätten bastap jaqın körşilermen qatınas – üstemdik üşin küres emes, kerisinşe, özara senim jäne adaldıq ekenin jariyalauı Özbekstannıñ ortalıqaziyalıq respublikalarmen qarım-qatınasın jaqsartıp, senimniñ nığayuına septigin tigizdi. Şındığında, qordalanğan problemalar, äsirese jıldar boyı bıtısıp kelgen şekara mäseleleri bir-birine kinärat artıp, talap qoyu jäne öz üstemdigin körsetumen emes, jılı söz jäne täulik mezgiline qaramay atqarılğan tınımsız jwmıstıñ arqasında şeşimin taptı”, – dedi habardı jürgizuşi.

Telearna bağdarlamasında Karimov basqarğan jıldarı Özbekstan barlıq salalarda dağdarısqa kezikkeni aytıldı. Habarğa qatısuşılardıñ pikirinşe, jağday segiz ay bwrın bilikke kelgen jaña prezident “Şavkat Mirziyaevtiñ jürgizgen reformalarınıñ arqasında jaqsara bastağan”.

Özbekstan policiyasınıñ “qara bazardağı” aqşa ayırbastauşılarğa qarsı operaciyası. 16 naurız 2017 jıl. (Äleumettik jelidegi suret.)

Sonımen birge Islam Karimov biligi kezindegi qarjı sayasatı da qattı sınğa qaldı.

“Jetekşi ekonomikalıq wyımdardıñ Özbekstandı jazğırıp, mamandarımızdıñ käsibiligine şek keltirgen barlıq ayıptaular tek sol qarjı sayasatınıñ kesirinen. Bügin biz bwl turalı aşıq aytuğa tiispiz. Sonımen birge, şetel valyutasınıñ tört türli bağamı jäne “qara bazar” tärizdi masqaranıñ boluı ekonomikanı damıtuğa twsau keltirgenin de batıldıqpen aytuğa tiispiz. Alayda prezident bastağan reformalardıñ arqasında bwl problemalardıñ barlığı da birtindep şeşimin tauıp keledi”, – degen jürgizuşi.

Özbekstan qoğamında telebağdarlama türlişe reakciya tuğızdı dep jazadı Ozodlik saytı. Key körermen “jwrtqa belgili jayttı jañalıq qılğan” habardı aşu-ızamen qabıldasa, keybireulerge marqwm Islam Karimovtıñ atına sın aytılğanı wnamay qalğan.

“Karimovtı ünemi körşileriniñ aldında keudesin kerip, üstemdik tanıttı dep ayıptaydı. Otbasımızben telearna habarınan jiirkendik. Ekijüzdiler sayasatı degen osı” dep jazğan bir körermen Ozodlik saytına.

Osı telebağdarlama efirden körsetilerden eki küni bwrın, şildeniñ 28-i küni Özbekstan bas prokuraturası bwrınğı prezident marqwm Islam Karimovtıñ ülken qızı Gülnara Karimova “aqşa jımqıru” jäne “bopsalau” baptarı boyınşa ayıptı dep tanılıp, 2015 jılğı tamızda sot ükimimen onıñ bas bostandığı bes jılğa şektelgeni turalı alğaş ret resmi jariyalağan.

Oqıñız: Karimovanıñ bas bostandığı 5 jılğa şektelgen

2003 jıldıñ soñınan Özbekstan ükimetin basqarğan Şavkat Mirziyaev bıltır küzde Islam Karimov qaytıs bolğannan keyin äueli el prezidenti mindetin atqaruşı boldı, al jeltoqsannıñ 4-i küni ötken saylauda, köpşilik kütkendey, 90 payızğa juıq dauıs jinap oñay jeñiske jetken.

Sodan bergi uaqıt işinde jaña prezident qol qoyıp, bekitken şeşimge säykes, Taşkenttegi eñ wzın köşe men halıqaralıq äuejayğa, joğarı oqu ornı men zauıtqa Islam Karimovtıñ esimi berildi, onıñ basına kesene twrğızılıp, Taşkent, Samarqan jäne Qarşı qalalarında twñğış prezidenttiñ eskertkişteri ornatılmaq.                                                                                                  Azattıq radiosı