QAZAQSTAN RESPUBLIKASI

BİLİM JÄNE ĞILIM MINISTRİ

A.B.SÄRİNJİPOV mırzağa

Qadirli Aslan Bäkenwlı!

Üstimizdegi jıldıñ säuir ayında Almatı oblısı, Qarasay audanındağı Jañatwrmıs orta mektebiniñ mwğalimi Ayman Sağidullaeva Mwhtar Şahanovqa jolığıp, äkimşilik qwrılım qızmetkerlerine tiisti jwmıstardıñ barlığı derlik mwğalimderge artılğanı jäne tolıp jatqan änşilerdiñ koncertterine bilet ötkizu mwğalimderge jükteletini, barlıq qarsılıq «jwmıstan ket» degen sözben basılatını jaylı şındıqtı jetkizgen edi. Sonımen qatar, audan äkimi tarapınan wyımdastırılğan senbilikke bükil audan wctazdarı naurız ayınıñ 26-28 aralığında ,säuirdiñ 4-nen 13-ne deyin on kün boyı senbilikke şığarılğanı, oğan narazılıq bildirgeni üşin jazıqtı bolğanın da bayandap bergen bolatın.

Bilim salasında bolıp jatqan mwnday keleñsizdikterge bey-jay qaray almağan Mwhtar Şahanov özi bacqaratın «Jalın» jurnalınıñ tilşisi Janna Imanqwlğa Ayman Sağidullaevanıñ jazıp kelgen maqalasın baspağa dayındauğa tapsırma beripti.

«Mwğalimderdiñ müşkil hali. Olardı biliktiñ qolbalası boludan qalay qwtqaramız?» degen taqırıptağı maqala «Jalın» jurnalınıñ 4-sanında, basılıp şıqtı. Bükpesiz, taza şındıqqa qwrılıp, mwğalimderdiñ qoğamımızdağı müşkil halin aşıp körsetken eñbekti «Qazaqstan zaman», «Törtinşi bilik», “Aşıq alañ” t.b. gazetter men «Abay.kz», «Wlt.kz», «Qamşı» siyaqtı internet sayttarı da jarısa bastı. «31 arna», «Tañ» telearnaları ädiletsiz jüye tudırıp otırğan jağdaylar turalı arnayı reportaj jasadı. Al, äleumettik jelilerde oylı, sanalı azamattar tarapınan qızu talqılanıp, är aymaqtan mwğalim mwñına ortaqtasqan jandar bwl bastamağa belsendilik tanıtıp jattı.

Osı maqalada köterilgen mäseleler negizinde Mwhtar Şahanovtıñ öziñizge arnağan qazirgi uaqıttağı wstazdar qauımına qatıstı kürdeli mäselelerdi şeşudi swrağan aşıq hatı «Abay.kz», «jetysunews» ğalamtor sayttarı men «Jas Alaş», «Qazaq eli» gazetterinde jarıq kördi.

«…Eñ alğaş ülken deñgeyde köterilgen wstazdar qauımınıñ qwqığı taptaluına qarsı bwl batıl bastama qazir qoğamda ülken qozğau tuğızdı. Mwnday jağdaylardı birinşi ret estip jürgen joqpız. Nemese bwl tek Ayman Sağidullaevanıñ basındağı jağday emes. Biz sizge «Mwğalimderdiñ müşkil hali» degen maqalanı tüsinip qayta oqıp şığuğa keñes beremiz. Onda köterilgen mäseleler tek bir mektep ne bir audandağı jağday emes. Sebebi bwl maqalanı qoldap, pikir bildirgen adamdarda esep joq. Özektiligi bolmasa aqparat qwraldarı bir-birinen köşirip baspas edi…

…Tığırıqqa tirelgen, qoğamnıñ nazarın audarğan mwğalimder mäselesin şeşu aldımen Bilim jäne ğılım ministrliginiñ tikeley qorğauında, qoldauında boluı qajet» dep, orındı sın, dwrıs pikir aytılğan Mwhtar Şahanovtıñ bwl hatı wstazdar qauımınıñ toptasıp, naqtı äreketke köşulerine mwrındıq boldı.

Keleşek wrpaqqa sanalı tärbie men sapalı bilim beru üşin barın salatın wstazdarımızdıñ qazirgi qoğamdağı ornın belgilep, märtebesin köterudiñ uaqıtı keldi. Mwğalimderge qatıstı qordalanğan mäselelerdi şeşu üşin mınanday wsınıs-talaptar qoyamız:

1. Täuelsiz elimizde ornı törde boluğa tiisti wlağattı wstazdarımız äkimşilik pen mektep direktorlarınıñ qolbalasına aynalğan. Könbis, jaltaq mwğalimderden tärbie alıp jatqan wrpağımızdan qanday bolaşaq kütemiz? Mwğalim azat bolmay, oquşı erkin oylı bola almaydı. Sondıqtan, oblıstıq, audandıq bilim basqarmaların QR Bilim jäne ğılım ministrligi jergilikti äkimşilikten öz qwziretine ötkizip aluı kerek! Bwl mektep mwğalimderin saylau, sanaq, senbilik, gazet-jurnaldarğa jazdıru, koncertke bilet alğızu t.b. sekildi türli nauqandardan qwtqarudıñ negizgi jolı;

2. Mekteptiñ jöndeu jwmıstarına aqşa jinaudıñ aldın alu üşin är oqu ornına jöndeu jwmıstarına memlekettik byudjetten bölingen qarajattı baspasöz betterinde jariyalau;

3. WBT-diñ kemşiligi jeterlik! Jäne WBT-diñ qoldanıstağı formatı elimizdiñ bilim salasına engizilip jatqan jaña bağdarlamamen («Kembridj tehnologiyası») qabısa bermeydi. Sondıqtan WBT-di barınşa jetildiru qajet.

4. Mektep basşılığı men mwğalim arasındağı kelisimşart 1 jılğa ğana jasaladı. Mektep basşıları osını paydalana otırıp mwğalimderdi aytqanınan şığarmay, aydauına köndire aladı. Kelesi oqu jılında jwmısqa qabıldanu, sağatı men jüktemesin qısqartpay aluı üşin tağı para beretin jayttar da köptep kezdesedi. Osı jağdaylarğa oray, kelisimşart merzimin wzartıp, mwğalimderdi qızmetke qabıldau üşin para alu faktilerin tübirimen joyudıñ amaldarın qarastıradı dep senemiz.

5. Türli tekseruler men sınaqtarğa arnalğan oquşınıñ bilimine qosar ülesi az qağazdardı wstazdarğa toltırta berudiñ däl qazirgi tehnologiyanıñ damığan uaqıtında qajeti şamalı. Sondıqtan mwğalimder biliktiligi men oquşılar bilimi ilgerilesin desek artıq qağazbastılıqtan qwtılu kerek.

6. Bir mekemede basşılıq qızmette 15-20 jıldap otıru tanıstıq-tamırlastıqqa aparadı, ol arı qaray sıbaylas jemqorlıqqa, paraqorlıqqa wlasıp ketedi. Sondıqtan mektep direktorlarınıñ bir orında tapjılmay wzaq otıruına mümkindik berilmesin.

7. Mektepke jan-jaqtan keletin tekserulerdiñ barlığı derlik tek aqşa jinaudıñ amalı. Ol tekseristerden oñ bağa alu üşin tağı da mwğalim qaltasındağı qarajatınan qağıladı. Sondıqtan qaptağan tekseristerdiñ qajettisin ğana qaldırıp, kereksizin mülde alıp tastau qajet.

8. Qazaqstan Respublikasınıñ 2007 jılğı 27-şildedegi №319 Bilim turalı Zañı 51-babınıñ 4-tarmağında «Qazaqstan Respublikasınıñ zañdarında közdelgen jağdaylardı qospağanda, pedagog qızmetkerlerdi özderiniñ käsiptik mindetterin orındau men baylanısı joq jwmıs türlerine tartuğa jol berilmeydi» degen zañ tarmağı bizdiñ talaptarımızben tolıqtırıluın äri naqtı küşine enuin swraymız.

Ömir ŞINIBEKWLI,

Şımkent qalasındağı A.S.Makarenko atındağı

№41 mektep-liceydiñ tarih päni mwğalimi,

Qazaqstan Jurnalister Odağınıñ müşesi;

Ayzat RAQIŞEVA,

Almatı qalalıq №156 mekteptiñ mwğalimi,

«Qazaqstan-zaman» gazetiniñ tilşisi;

Moldağali MATQAN,

jazuşı, akademik, qoğam qayratkeri;

Geroyhan QISTAUBAEV,

qoğam qayratkeri, matematik;

Maral DADIEVA,

Qarağandı qalası,

qazaq tilin damıtu ortalığınıñ mamanı;

Hurmet NWRSOLTAN,

Aqmola oblısı, Celinograd audanı

№ 10 orta mektep mwğalimi;

ISABEKOVA Gülnar Ajdarovna,

Qızılorda qalası,

ağılşın tili mwğalimi, Himiya-Biologiya bağıtındağı Nazarbaev Ziyatkerlik Mektebiniñ zeynetkeri;

BEYSALIEV Omarbek Särsenbaywlı,

Taraz qalası, Dostoevskiy bwrılısı 5-üy, 39-päter

zeynetker;

MEYİRJAN Temirbek,

Tarbağatay audanı

NWRSEYİTOVA Marjan Jwmağazıqızı,

Qostanay oblısı, Qostanay audanı Celinıy köşesi, 23-üy

Şişkin orta mektebi wstazı;

ĞABIDEN Jäkey,

Ğ.Müsirepov qorınıñ törağası;

TÖLEKOVA Mariya,

Eñbekşiqazaq audanı,

Matematika päni mwğalimi;

TEMİRAN Janbota,

Aqmola oblısı, Şortandı audanı

Tarih päni mwğalimi;

Nwrbolat ÖTEGENOV,

Irğız audanı

№ 1qazaq orta mektebi mwğalimi;

Aytqoja FAZILOV,

Qarağandı qalası

Professor;

QOYGELDINOVA Jazira Nwrbekqızı,

ŞQO Ürjar audanı, Qabanbay auılı

B.Maylin orta mektebi mwğalimi;

Erbol RAHPANOV,

Jambıl oblısı, Moyınqwm audanı, Moyınqwm auılı,

Aymauıtov köşesi 15-üy ,

Qwrılısşı;

BAYDOLDA Umirgul,

Ekibastwz qalasınıñ №21 mektebiniñ

matematika päni mwğalimi;

Ədiljan ORAZBAYWLI,

Şımkent qalasınan.

Ädiljan ORAZBAYWLI,

Şımkent qalası,

Sauda ortalığı;

Qol qoyu jalğasa beredi.

P.S. Mına hat bizdiñ bolaşağımızğa jol bastaytın birden-bir mümkindik boluı ıqtimal. Sondıqtan hattı  qağazğa şığarıp alıp halıqtan qol jinap berseñizder eken. Qol qoyğandardıñ barlığı mwğalim boluı mindetti emes.

Qol qoyılğan hattardı meniñ telefonıma qoñırau şalu arqılı mağan tabıstay alasızdar. Men sizdersiz eşteñe jasay almaymın. Kömektesetinderiñizge senemin!

Ayman Sağydullaeva

Baylanıs telefonımnıñ nömeri:8 775 253 85 30

Abai.kz