Sammit delegattarı aldında söylegen Nwrswltan Nazarbaev Qazaqstan yadrolıq nısandar men materialdar qauipsizdiginiñ deñgeyi eñ joğarı memleketterdiñ alğaşqı  jiırmalığına kiretinine nazar audardı.

– Bizde wlttıq deñgeyde naqtı yadrolıq qauipsizdik boyınşa birqatar keşendi şaralar jüzege asırıldı. YAdrolıq materialdardı eksporttıq baqılau jüyesi jetildirilgen. YAdrolıq jäne radioaktivtik materialdardı identifikaciyalau ortalığın qwru jöninde jwmıstar jürgizilude. Almatıdağı YAdrolıq fizika institutınıñ zertteu reaktorları tömen bayıtılğan otınğa köşirildi. El aumağındağı Wlttıq yadrolıq ortalıqtağı osınday jobanı jüzege asıru jedeldetiledi. YAdrolıq nısandardıñ bäri MAGATE-nıñ jan-jaqtı baqılauında twr, – dedi Memleket basşısı.

Qazaqstan Prezidenti elimiz büginde uran qorı jäne onıñ kenin öndiru jöninen älemdik köşbasşı bolıp otırğanın, sonday-aq osı önimdi negizgi eksporttauşılardıñ biri ekenin atap ötti.

– Biz beybit maqsat üşin yadrolıq otın öndirudiñ jahandıq tehnologiyalıq tizbeginen layıqtı orın alu nietindemiz. MAGATE-men birlesip YAdrolıq otın bankin qwru bizdiñ mañızdı ülesimiz bolğanın aytqım keledi.  Bwl Irannıñ yadrolıq problemasın şeşu üşin de mañızdı boldı. Bolaşaqta yadrolıq energiyanı beybit maqsat üşin paydalanğısı keletinder osı Bank resursın qoldanuına boladı. Biz tömen bayıtılğan yadrolıq otınnıñ Halıqaralıq depozitariyi bolıp sanalamız. Bizde MAGATE-men birlesip urandı öndiru jäne bayıtudıñ barlıq ciklın avtomattı türde tirkeu, baqılau jäne qorğaudıñ pilottıq jobası tabıstı iske asırıluda. Qazaqstan barlıq müddeli memleketterdiñ azamattıq yadrolıq tehnologiyalarğa qoljetimdilik teñ boluın qoldaydı, – dedi Nwrswltan Nazarbaev.

Memleket basşısı halıqaralıq qoğamdastıq türli elderdiñ wlttıq energetikaları men önerkäsipterin tömen bayıtılğan otınğa köşiru isin ıntalandıru şaraların äzirleui qajettigin ayttı.

Sonımen qatar Nwrswltan Nazarbaev osıdan 25 jıl bwrın Semey yadrolıq poligonı jabılğan soñ Nevada men QHR-da sınaqtar toqtatılğanına nazar audardı.

– Biz bwrınğı poligon aumağındağı halıqtı sauıqtıru jäne jer men sudı zalarsızdandıru jönindegi jüyeli halıqaralıq kömek ayasın keñeytu mäselesin qoydıq, öytkeni Qazaqstan osı qasiretpen jalğız özi betpe-bet kelip otır. Men elderdiñ köşbasşıların, äsirese Ortalıq Aziya yadrosız aymağınıñ kepili sanalatın bes derjavanıñ basşıların, sonday-aq yadrolıq joyıludıñ suicidtik qaterin boldırmau jönindegi älemdik maqsattı qwptaytın memleketterdiñ märtebeli delegaciyaların poligonnıñ jabıluınıñ 25 jıldığına arnalğan eske alu şarasına şaqıramın, – dedi Qazaqstan Prezidenti.

Memleket basşısı büginde terrorşılardıñ jappay qırıp-joyu qaruın paydalanuınıñ naqtı jağdayğa aynalıp otırğanın, sondıqtan älem elderi köşbasşılarınan naqtı is-qimıl talap etiletinin ayttı.

– BWW ayasında barlıq eldiñ qatısuımen terrorizmge qarsı kürestiñ jahandıq jelisin qwru qajettiligi pisip-jetildi. Bwl jariyalanbağan soğısta tek osılay jeñiske jete alamız, – dedi Nwrswltan Nazarbaev.

Soñında Qazaqstan Prezidenti sammit ötkizu jönindegi B.Obamanıñ bastaması jalğasın tabuğa tiis ekenine senim bildirdi, öytkeni mäsele äli şeşim tapqan joq.

– Qazaqstannıñ osınday is-şara ötkizuge moral'dıq qwqığı bar dep oylaymın. Bwl poligonın jauıp, älemdegi törtinşi yadrolıq qaru arsenalınan bas tartqan elge degen rizaşılıqtıñ belgisi bolar edi, – dedi Memleket basşısı.