Bügin el maqtanışı bolğan Sidney Olimpiadasınıñ çempionı Bekzat Sattarhanovtıñ ömirge kelgen küni. Boksşı Bekzat közi tiri bolğanda biıl 36 jasqa tolar edi.

Sidney Olimpiadasında el tuın kökke jelbiretip, nebäri 20 jasında çempion atanğan batır wl 2000 jıldıñ 31 jeltoqsanı küni jol apatınan köz jwmdı. Bwl qazaq eli üşin ornı tolmas qasiret edi.

Sodan beri jıl sayın dañqtı boksşınıñ qwrmetine oray turnir ötkizilip keledi. Alğaşqı jıldarı turnirge qızığuşılıq tanıtıp, qoldauşılar köbeygenimen, soñğı jıldarı, äsirese, bilik tarapı wmıt qaldırıp bara jatqanday dep qınjıladı batırdıñ äkesi Seyilhan Sattarhanov pen anası Sırlıkül. Qazaq elin älemge paş etken sportşınıñ ata-anasımen swhbattasqan sözderinen mwñ men renişti bayqamau mümkin bolmadı.ontakte bölisti

MARQWM BEKZATTIÑ ANASI SIRLIKÜL

- Seyilhan ağa, sporttıñ boks türi boyınşa Bekzat Sattarhanovtıñ qwrmetine oray ötkiziletin turnirdiñ dästürge aynalğanın bilemiz jäne ol doda qazaq boksşısınıñ düniege kelgen künine qaray wyımdastırıladı. Biıl da bwl dästür wmıt qalmadı. Onıñ aşılu saltanatına öziñiz de qatıstıñız. Aytıñızşı, turnirdiñ deñgeyiniñ bwrınğılarına qarağanda erekşeligi bar ma?

-  Bıltır turnirdiñ aşılu saltanatı Türkistandağı Qazaq-türik universitetinde ötti. Ol Bekzattıñ 35 jıldıq qwrmetine oray ötkizilgen şığar. Biıl B.Sattarhanov atındağı sarayda şımıldığı türildi. XV turnir ğoy biılğısı. Bügin final boladı. Biraq Bekzattıñ atındağı turnirdi bwdan da keñ kölemdi etip ötkizu kerek qoy negizi… Turnir Bekzattıñ tuğan küni qwrmetine oray wyımdastırıladı. Basqa da şaralar bar. Tek Türkistanda ötedi, biraq. Bekzat bir ğana Türkistannıñ namısın qorğağan joq qoy. Ol külli qazaqtıñ atınan şıqtı. Osı rette onıñ qwrmetine dodalar respublikanıñ basqa da oblıstarında, Almatı, Astanada, tipti oblıs ortalığı Şımkentte nege ötkizilmeydi degen  swraq tuındaydı. Mäselen, biılğı turnirge eşkim kelgen joq. Tek ataqtı boksşı Ermahan ğana keldi. Basqa basşılar joq, tipti Türkistannıñ äkimi de kelmedi. Endi ol kisi bosamağan şığar. Biraq wlımnıñ qwrmetine ötkizilgen alğaşqı turnirlerde qala bılay twrsın, oblıstıñ sol kezdegi äkimi Berdibek Saparbaevtıñ özi kelgen. Al qazir Bekzattı tek Türkistan biledi. El wmıtıp bara jatqanday…ntakte bölisti

- Ağa, jıl sayın ötetin dodanıñ kuägerisiz. Qazirgi boksşılardıñ deñgeyi turalı ne aytasız? Sebebi  soñğı kezderi «Oñtüstikten Bekzattıñ erligin qaytalaytın birde-bir sportşı şıqpay jür» degen äñgime jii aytıladı.

-   Nege Oñtüstikte Bekzattan keyin birde-bir sportşı olimpiadadan altın medal' äkelgen joq? Iä, keyingi kezderi bwl swraq bizde köbirek aytılıp jür. Men mınanı aytayın, 2000 jılı sportqa degen közqaras bwdan da naşar bolatın. El ekonomikası da bügingidey örkendemegen. Qazirgi jağday jaqsı ğoy. Qarjı jağınıñ da barlığı şeşilgen. Sport keşenderi de bäri jaqsı siyaqtı. Biraq, 2000 jıldan beri birde-bir altın medal'ğa ie bolğan sportşı şıqpay jatır bizdiñ öñirden. Bılay qarağanda sportşılardıñ deñgeyi jaman emes sekildi. Sidneyge bizdiñ qazaqtıñ jeti boksşısı bardı. Onıñ törteui finalğa joldama aldı. Kerek deseñiz, ol kezde eldegi sporttıñ jağdayı naşar bolatın. Nege sol jağday bügin qaytalanbaydı? Jigerlilik jetispey me? Älde bügingi sportşılar maqsat qoya almay ma aldına? Älde bwl jigitterde wlttıq ruh joq pa? Mümkin psihologiyalıq jağdayı ma kedergi? Sansız swraq, bir qarasañ boksşılarımız jaqsı siyaqtı. Biraq, şarşı alañdağı jağday özgermey twr.ntakte bölisti

Osı rette äñgimege Bekzattay wlt maqtanışın düniege äkelgen anası Sırlıkül ana aralasıp, turnirdiñ tek Türkistanda ötkiziletinine renişin bayqattı.

- Biıl turnir on besinşi ret ötip jatır. Men küni keşe onıñ aşılu saltanatında boldım. Tek Bekzatıñ atındağı sport sarayınıñ direktorı ğana atsalısıp jür. Meniñşe, sol saraydıñ wjımı ğana turnirdiñ  barınşa jaqsı ötuine tırısıp jürgen. Saparbaev oblıs äkimi bolıp twrğan kezinde onıñ özi turnirge kelip, eki sağattıq uaqıtın qiıp, turnirdi aşıp berdi. El aldında Bekzattıñ qalay jeñiske jetkenin aytıp sır şertti. Sodan beri qanşa äkimder kelip ketti. Qazirgi oblıstıñ äkimin biz tanımaydı da ekenbiz. Eki sağattıq uaqıtın qiıp keluine bolatın edi. Biraq äkimderdiñ jwmısı köp qoy. Tım bolmağanda özi bolmasa da, orınbasarın jiberse bolar edi.ontakte bölisti

Turnir tek Türkistanda ötkizilip keledi… Keşegi jarıstıñ aşılu saltanatına barıp ündemey qayttım. Ötkenine quandım. Äyteuir batırımızdıñ atı öşip qalmasa boldı. Ündemey, tilimizdi tisteymiz de, bäri jaqsı dep qoyamız. Biraq, bäri jaqsı emes. Sebebi biliktegiler kelip, bir auız qwttıqtauı men Bekzattıñ eñbegin aytsa, jastarğa ülgi bolar edi. Sodan keyin jastar «özi ketse de, eli wlıqtap jatır. Biz de el jalauın kötereyik» dep alğa wmıtılar edi. Biz de quanıp qalatın edik.

Bekzat – eldiñ  azamatı emes pe? Eldiñ batırı, jalğız meniñ balam emes. Äkim – eldiñ äkimi ğoy. Bekzat siyaqtı wldar äli şıqqan joq. Keşegi turnirdiñ aşıluına  sport basqarmasınan adamdar kelipti degendi estidim. Biraq, bizdiñ qasımızğa bireui kelgen joq. Wlım tiri bolğanda… Bizde közi tiri adamdardıñ qwrmetine ötkiziletin jarıstar joğarı deygeyde ötedi ğoy.

Ayta bersek ökpeley beremiz, biz, Bekzattıñ ata-anası büginde qartayıp kelemiz. Bwl jayttı aytatın adam da erteñ tabılamydı. Erteñ onıñ swrauı da bolmay, eldiñ batırları wmıt qaladı… «Şañ basqan arhivterden tabılamız» dep aqın aytqanday, sol siyaqtı wlım da şañ basıp qala ma dep  qorqamın…kontakte bölisti

-  Sırlıkül apa, renişiñizdi tüsindik. Endi bizge Bekzattıñ el bilmeytin sırımen bölise ketiñizşi…

- Onıñ ömirin, tarihın, Olimpiada çempionı boluğa qanday eñbek etkenin, qaytıp eñbektenip jetkenin halıq bärimen de tanıs. Bekzattı ayta bersek, tausılmaytın jır. Jiırma jasında Olimpiada çempionı boldı. Barlıq äñgimesin halıqqa aytıp ketti. 15 jasında men wlımdı jibergenmin. Sol 5 jıldıñ işinde wlımmen  bir ret te tuğan künimde, eñ bolmasa 8 naurızda birge bolmappın. Men keyde onıñ qwrmetine ötkizilip jatqan turnirge qarap qapa bolamın… Meni büginde qwttıqtaytın wlım joq. Ol öz jeñisin meniñ jeñisim -  elimniñ jeñisi, qazağımnıñ jeñisi dep aytqan. Tağı bir atap öterligi, Olimpiadadan keyin  onı jan-jaqqa, tipti şetelge 3-5 jılğa kelisimşartpen şaqırdı. Oğan men özim kuämin. Bapkeri «Jürşi mınağan qol qoyşı» dep ayttı. «Senimen birge baramın» dedi de.  Sonda ol: «Joq, men eşqanday şetelge barmaymın. Qazağıma üş dürkin Olimpiada çempionı bolamın  dep uäde bergenmin. Men Oñtüstik Qazaqstannan basqa kez kelgen oblısqa auısuım mümkin. Biraq Qazaqstannan eşşqayda ketpeymin» dep aytqan bolatın. Onıñ qır-sırın osıdan biluge boladı. Ol elim, jerim, qazığım dep ketken wl.  Düysenbi küni Bekzattıñ qwrmetine wyımdastırılğan turnirdiñ finalı ötedi. Tağı da ökpelep qalamın ba dep, baru, barmauımdı oylanıp otırmın.ontakte bölisti

Aqparat retinde ayta keteyik, ağımdağı jıldıñ 31 naurızında Türkistanda  Sidney olimpiadasınıñ çempionı Bekzat Sattarhanovtı eske aluğa arnalğan bokstan jastar arasındağı HV halıqaralıq turnir jalauın köterdi. B.Sattarhanov atındağı sport keşeninde ötip jatqan dübirli dodağa Qazaqstanmen qatar Resey, Qıtay, Izrail', Türkmenstan, Özbekstan, Qırğızstan, Täjikstan elderinen kelgen bılğarı qolğap şeberleri  baqtarın sınauda. Halıqaralıq turnirdiñ aşılu saltanatına Türkistan qalası äkiminiñ orınbasarı Ğ.Rısbekov, Sidney olimpiadasınıñ çempionı E.Ibırayımov, Almatı qalasındağı B.Sattarhanov atındağı sport mektebiniñ direktorı B.Qırıqbaev jäne de Bekzattıñ äkesi Seyilhan Sattarhanov pen anası Sırlıgül ana qatısıp, özderiniñ jürekjardı lebizderin bildirdi.ntakte bölisti

Qazaq boksşısı Bekzat Sattarhanov halıqaralıq därejedegi jäne de Qazaqstanğa eñbek siñirgen sport şeberi. Jartılay jeñil  salmaq därejesi boyınşa Sidneyde ötken jazğı olimpiadada altınnan alqa taqtı. Ol 2001 jılğa sanaulı minuttar qalğan sätte Oñtüstik Qazaqstan oblısı, Temirlan  trassasında avtokölik apatınan qaza boldı.

Bekzattıñ esimi älemge tanıladı dep ata-anasına tipti de oylamağan eken. Sebebi üyiniñ kenjesi bolğan ol bala küninde öte  näzik äri äljuaz bolğan.  Büginde sportşınıñ tuıp-ösken jeri Türkistan qalasında Bekzattıñ atındağı möltekaudanı men sport keşeni bar.