Zuqa batır 150 jıl Zuqa batır 150 jıl Twlğalar Qazaq handığına 550 jıl Ädebi älem
Bwlttan biik bayrağı!
kerey.kz
Askerhan Aqtay
Bwlttan biik bayrağı!
Zuqa batırdıñ 150 jıldığına
Tolğau
Alla dep, sözin bastağan
Aldına jayıp Qwrandı.
Egesken jauğa şapqanda,
Er Bwqarbay wranı!
Jelge bilep qwrağı,
Jemeney, Zaysan twrağı.
Keşe de ötken er Zuqa,
Altı alaştıñ aybarı,
Su basınıñ twnığı
Süt betinde qaymağı.
Qırannıñ boyı qıstauı,
Jemeney bası jaylauı.
…Burıl şıñnıñ basında,
Bwlttan biik bayrağı!
Alla dep sözin bastağan,
Arqa twtar kösemim.
Alaş aman bolsın dep,
Arqañdı jelge tösediñ.
Otanğa jılu bolsın dep
Oşaqtıñ otın kösediñ.
…El üşin ötken erlerdiñ
Este qalar dañqı şın.
Sañlaq tuğan erlerdiñ,
Sarqıtısıñ, artısıñ!
Qolıña qaru alğanıñ
Qara orman halqı üşin,
Tolarsaqtan su keştiñ
Din men dästür, salt üşin.
Bizde jürmiz er baba,
Sen jasağan erliktiñ
Jasay da almay jartısın!
Kün astında kümis şıñ,
Dulığası sekildi.
Kümbir-kümbir kümbezder
Qwbılası sekildi.
Jüzindegi meyirimi
Şwğılası sekildi.
Elim degen erlerdiñ
Twrğılası sekildi.
Qwbılağa bet tüzep,
Qwdayğa jasap qwlşılıq.
Şarapattı bolsın dep
Şäkirt erttiñ qwlşınıp.
Dinniñ boldı diñgegi
Öziñ ekken mıñ şıbıq.
Azan dauıs estilse,
Altay jaqtan ay tuıp,
Küngey betten kün şığıp.
Haq jolına qızmet qıp,
Nwrğa bölep jan-jağın.
Sırına tereñ boylağan,
Älifpenen hamzanıñ.
Kagbağa täu ettiñ,
Mekkeniñ tatıp zämzamın.
Top aldında söylese
Torı jorğaday taypalğan.
Toltırıp aqqan arnasın
Tolqın suday şayqalğan
Köp aldına şıqqanda
Kösemdigi bayqalğan.
Eki talay künderde
Erdiñ kegin qaytarğan.
Töre aldında taysalmay
Aqiqattı ayta alğan.
Japırağı salalı
Nar tereksiñ jayqalğan.
Keşe de ötken er Zuqa
Qarlı Altayday şıñ edi.
Kün joq bolsa Ay edi
Ay batqanda kün edi.
Jauğa şapsa qaharlı
Jauar bwlttay tünerdi.
Elin jatqa bermegen,
Qazaqtıñ edi tiregi.
Köp işinde bir edi.
Topqa salsa mıñ edi.
Jüzine ümit wyalap,
Kimde kim körse qiyanat.
İzdep ädil Zuqanı,
Tabatın medet, tiyanaq.
Qalba tauın qaptaldap,
Qayqaya ösken samırsın.
Qara nöpir jau kelse.
Qarsı soqqan dauılsıñ.
Bar qazaqqa bauırsıñ.
Sarı altınnan auırsıñ.
Qanatında qırannıñ
Qayqı taldı qauırsın.
Oñ jağıñda- Qara Ertis,
Sol jağıñda – Sauır şıñ.
…Köp jılqınıñ işinde
Köz tartpay ma, alası…
Alaşta ötken Er Zuqa,
Dara tuğan danası.
Noqta ağası Kereydiñ
Iteli ata balası! .
Kemel tuğan kemeñger,
Azamattıñ sarası.
Bir arnada toğısqan,
Iman, erlik salası.
Keşegi ötken er Zuqa
Qolına alğan aldaspan,
Ata jaumen ayqasqan,
Auzına dän salmastan.
Jebeden de jüyrik eñ,
Ötkir de edi almastan.
Azattıq üşin küresiñ
Aylardan ayğa jalğasqan.
Beren mıltıq asınıp
Bekingen jaumen beldesip.
Qaraşada qar keşip,
Sümbilede sel keşip.
Serikteri qasında,
Semserin qatar sermesip.
Tekti de tuğan batırdı,
Terbetip jatır jer besik.
Jezbwydasın süyretip,
Jelbegeyli jel köşip….
*****
Köldeneñdep kettiñ be,
Kökpektini köbelep.
Jele jortıp öttiñ be,
Jemeneydi jebelep.
Aldı mwnar dünie
Zuqadan ötti -au, ne kerek?…
Zuqanıñ basın alğan kün,
Armanda qazaq qalğan kün.
Ürkerdiñ jüzgen säulesi,
Üliñgir köl sualdı.
Qalbatau betin qaptağan
Qarağay bası quardı.
Kegiñdi seniñ alam dep,
Jauıña oynaq salam dep,
Erjürek Alaş balası
Twlpar minip tu aldı,
Qas dwşpannan kek alıp,
Qılış qanğa suardı.
Azattıqtıñ tañı atıp,
Alaşım qayta quandı.
Oğılan tuğan erler-ay,
Zuqamen bolğan maydandas.
Keruen köşi sekildi
Ketken künder aynalmas.
Qırannıñ suı sor bolar,
Közinen tamsa qayran jas.
******
Tört jaqqa oşaq qazdırıp,
Töbel dönen soydırıp,
Töñiregin körkemdep,
Töbege müsin qoydırıp.
Jüz elu jıldıq dañqıñdı,
Jüzi jarqın wrpağıñ
Jatır mine mine toy qılıp.
Tereñnen tergen marjanday
Tolğadım Sizge tekti jır.
Täuelsizdik tañı atıp,
Tündigimnen tökti nwr.
Altın swñqar azattıq
Alaşqa qayta qonğalı
Jiırma bes ğasırday,
Jiırma bes ötti jıl.
Täuelsiz qazaq elimniñ
Törde tasıp ırısı.
Alaqanda altını
Uısında kümisi.
Atırau, Altay boyında
Erkin esken tınısı.
Erlik penen jigerge
Parasatıñ sıyıp twr.
Ruhıñ asqaq biik twr.
Rabbım özi jar bolıp
Rahım nwrın qwyıp twr.
Altı Alaştıñ abıroyın
Allam öziñ, biik qıl!
KEREY.KZ
Pikir qaldıru