IT ÖMİR
kerey.kz
Rizığın kül qoqıstan terip jep jürgen ala qanşıqtıñ basına bir aq künde baq qondı.Kül qoqısqa jaqın twratın üydegi tanıs qara töbet auıl itteriniñ atamanı bolıp şıqtı.Özi de beymaza töbet edi.Swlu qanşıq körse silekeyi şwbırıp,közi jaynap şığa keletin.Alıp bara jatqan atan küşi bolmasada azdap aylasın asıratın.Sılañdağan swlu qanşıqtardan töbetterdiñ bäriniñ ümiti bar.Biraq sol ümiti qwrğır bireuin armanına jetkizse endi birin sağımday aldaydı.Qara töbette türli ömir soqpaqtarınan ötti.Basqa töbetterdiñ iemdengen swlu qanşıqtarın tartıp alu jolında ayausız kürester jürdi.Neşe türli dene jaraqatın(telesnıi travma)aldı. «Jalğızdıñ üni şıqpas jayaudıñ şañı şıqpas»degen ötirik eken.Bwl jalğız özi basqa töbetterdiñ şañın da janın da şığardı.Keyde öz özine tañqaladı.Soyqan töbeleskiş eken.Basqanıñ swlu qanşığın tart'ıp alıp s…p jibergen qanday baqıt,qanday läzzät deseñşi!Sonday läzzätti künderiniñ köbin birge ötkizgen ala qanşıqtı,qara töbet ataman bolğan küni aq özine şaqırtıp aldı.
Qara töbettiñ wyası altınmen aptalıp,kümispen qaptalğan eken.Ömirinde mwnday «saraydı»birinşi ret kördi.Kire beriste küzetşi bolsa kerek eki mäşke şäñk- şäñk etip ala qanşıqqa ses körsetip edi,törde köldeneñ jatqan qara töbet «ırr-ırr»dep dıbıs bergeni sol eken,ana ekeuiniñ dauısı şiqıldap barıp sayqaldana basıldı.Qara töbet söyledi:Kel janım.Öziñdi körmegeli köp aydıñ jüzi boldı.Talay ittiñ dämelenip jüzi keldi.Biraq ,däl öziñdey jan tänimen berilgen adal itti körmedim.Sosın qanşa ğwmır qaldı deysiñ.Kül-qoqısta süyek-sayaqtı qajap azap ömir sürgenşe ,meniñ qasımda azdap bolsa da sılañdap jürip qalmaysıñba.Onıñ üstine bwl jerde jiliktiñ maylı basın müjisiñ.dämdi bılamıqtardıñ bäri osında.Künine bir ret bieniñ sütine şomılıp jünderiñ jıltırap,jarqırap jüresiñ.Anau kül-qoqıstıñ qasındağı itterdi öziñ kördiñ ğoy jalba-jwlba,közderine kök şıbın üymelep jür.Bwl jerde taranıp,aynağa qaranıp basqa töbetterdiñ armanına aynalasıñ.Äne qaraşı küzetşi eki mäşkeniñ ekeuine de pedikyur jasatıp tastadım.Bizdiñ qojayın şirigen bay adam.Jaqsı körgen itine altınnan tis saldırıp,kümisten qoñırau tağadı.Ala qanşıqtıñ quanıştan köñili alabwrtıp siip jiberuge şaq qaldı.Sosın «odin moment»dep kürkeniñ bir bwrışına däret sındıruğa ıñğaylana berip edi qara töbet sañq etti
-Stop!
Ala qanşıq tizesin bükken küii qattı da qaldı.Közi jasaurap qorğansız keyipte qara töbetke qaradı
-Ana jerde arnayı «unitaz»bar.mäşkeler körsetedi- dedi qabağı kirjiip.Ala qanşıq kelgen soñ äñgime äri qaray jalğastı.
-Biz itter işindegi iriktelgen aqsüyekterge jatamız.Sondıqtan adamdarğa wqsap ömir süru kerek qoy. «Auılbayskiy»ädetten arılıp, «cvilizovnıy»ömirge üyrenu qajet.Bwrınğıday köringen jusannıñ tübine köldey qılıp siip ketudi wmıt.Bügin juınıp şayınıp «kosmetikañdı»jağıp öz öziñe kelesiñ.Erteñnen bastap meniñ qasımda sılañdap jarıqqa şığasıñ.
Ala qanşıqtı kül-qoqıstıñ mañındağı itterdiñ köbi tanımay qaldı.Bwrınğı mwñdas,tağdırlas «qwrbıları»jaqındayın dese küzetşi mäşkeler şäñkildep mañına juıtpaydı.Ala qanşıq tek alıstan(ezuinde mısqıl külki)qol bwlğaumen şekteledi.Keybir itter kül-qoqısqa (sluçainıy)tüsip qalğan maylı jilikterin wsınıp älek.Küzetşi mäşkeler eskertip qoyğan «köşedegi itterdiñ bergen tamağın jemek tügili ayaqpen türtuge de bolmaydı»dep.sebebi ol jarılıp ketui mümkin.Qazir terrorister adam ekeş adamdı jarıp jatqanda itter degeniñ ne täiiri.Jäy «eksperiment»retinde küliñdi kökke wşıruı mümkin ğoy.
Ala qanşıq künnen künge sülulanıp,böksesi bwltıñdap töbetterdiñ köz qwrtına aynaldı.Bir küni oppoziciyada jürgen töbetter mäjilis qwrıp kün tärtibine qara töbet pen ala qanşıqtıñ mäselesin saldı.
-Soñğı kezde- dedi baqa auız käri töbet-ala qanşıq bizdi elemey jür.Özderinen artılğan süiek-sayaaqtı da dwrıstap bölmeydi.Jiliktiñ maylı basına talasıp künde ırıldasıp jatqanımız.Köz aldımızdan sılañdap arı ötedi beri ötedi.Mısımızdı basıp bitti.Birdeñe deyin deseñ kwzetşi mäşkeler şäñkildep estirtpeydi.Ne isteymiz?
-Ala qanşıqtıñ qılığın qara töbet bilmeytin şığar.Ol bilse süyek-sayaaqtı bärimizge teñ bölip qarıq bolar edik dedi şıbın bet sarı töbet.
-Bilgende qanday-dedi bir közi soqır qanşıq.
Itter jiını äri talqılap beri talqılap,bay qojayınnıñ arqasında biti semirgen qara töbetpen ala qanşıqqa şara qoldanatın boldı.Ol qanday şara?Jüretin jolın toruıldap bäri jabılıp talap tastau.Tüs kezinde alıstan şäñkildep küzetşi mäşkelerdiñ dauısı estildi.
-äni kele jatır dayındalıñdar dedi tis qaqqan käri töbet.
Ala qanşıq sılañdap,qara töbet ırjalañdap köşe itteriniñ qasınan öte bergeni sol edi,ızadan aşınğan köp itter jabılıp ketti.Qara töbet esinen tanıp qaldı.Bir kezde közin aşsa it twrmaq saytan da joq.Üsti bası qan josa.Artqı jambasın şaynap tastaptı.Süyretile aqsañdap joldıñ jiegine şıqtı.Anaday jerde üyirile qalğan köp itterdi közi şaldı.Şöpterdiñ arasımen boytasalap jaqındap kelip qaradı.Öz közine özi senbedi.Ala qanşıqtıñ üstine käri töbet minip alıp s…p jatır eken.Qanşıqtıñ tili salaqtap,auzınan silekeyi ağıp läzzätti bir küy keşip twr.Özin kwzetken eki mäşke endi käri töbettiñ besigin terbetip,esigin aşıp jauıp jür.
Qara töbettiñ janarına möltildep jas keldi.Kezinde kül-qoqıstı mekendegen itterdiñ jağıdayın jasamağanına ökindi.Küştige küylep,älsizdi ilep jürgen däuren ötti.Tağdır solay.Mına türimen qojayınnıñ betine körinu de masqara.Qazaqtar aytuşı edi «jaqsı it öligin körsetpeydi»dep.Mende öligimdi körsetpey itter tarihında jaqsı atpen qalayın dep qara töbet bası auğan jaqqa qañğıp ketti.
Töreğali Batırhanwlı
Pikir qaldıru